പരമേശ്വരൻ ശങ്കർ, നിധിൻ മോഹനൻ
മസ്കത്ത്: അമിറാത് ഗ്രൗണ്ടിൽ നടന്ന ഒമാൻ ക്രിക്കറ്റ് എ ഡിവിഷൻ ലീഗിൽ അൽ ജദീദി സ്റ്റാർ ടീമിന് വമ്പൻ ജയം. 196 റൺസിന് സൺലൈറ്റ് ടീമിനെയാണ് പരാജയപ്പെടുത്തിയത്. ടോസ് നേടി ബാറ്റിങ് തിരഞ്ഞെടുത്ത അൽ ജദീദി സ്റ്റാർസ് 47 ഓവറിൽ 323 റൺസാണ് എടുത്തത്. 111 റൺസ് എടുത്തുപുറത്താകാതെനിന്ന നിധിൻ മോഹനാണ് ടോപ് സ്‌കോറർ. ഷഹീർ നജീബും (59), നിഷാന്ത് മേത്തൻവീടും (57) നിധിൻ മൊഹനു മികച്ച പിന്തുണ നൽകി. കൂറ്റൻ സ്‌കോർ പിന്തുടർന്ന സൺലൈറ്റ് ടീമിന് ഇടവേളകളിൽ വിക്കറ്റുകൾ നഷ്ടമായതോടെ പൊരുതാൻ പോലുമാകാതെ 27 ഓവറിൽ 127 റൺസിന് എല്ലാവരും പുറത്തായി. അൽ ജദീദിനു വേണ്ടി (5/30) ബൗളിങ്ങിൽ പരമേശ്വരൻ ശങ്കർ മികച്ച പ്രകടനം പുറത്തെടുത്തു.
മൂന്ന് വിക്കറ്റു വീഴ്ത്തി മുഹമ്മദ് അലിയും (ലാലാ) രണ്ട് വിക്കറ്റു വീഴ്ത്തി മുഹമ്മദ് വക്കാസും മികച്ച പിന്തുണ നൽകി. തുടർച്ചയായ രണ്ടാം വിജയത്തോടെ അൽ ജദീദി പോയന്‍റ് ടേബിളിൽ മൂന്നാമതെത്തി. വരും മത്സരങ്ങളിൽ വിജയം നേടി ചാമ്പ്യൻഷിപ് നേടുകയെന്നതാണ് ലക്ഷ്യമെന്ന് ടീം മാനേജ്‌മെന്‍റ് അറിയിച്ചു. 111 റൺസെടുത്ത നിധിൻ മോഹനാണ് കളിയിലെ താരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.