മസ്കത്ത്: ഉഭയകക്ഷി സഹകരണം വർധിപ്പിക്കുന്നതിനായി ഒമാൻ വിദേശകാര്യ മന്ത്രി സയ്യിദ് ബദർ ഹമദ് അൽ ബുസൈദിയും ഫലസ്തീൻ വിദേശകാര്യ മന്ത്രി റിയാദ് അൽ മാലികിയും കരാറിൽ ഒപ്പുവെച്ചു. ഒമാൻ, ഫലസ്തീൻ സർക്കാറുകൾ തമ്മിൽ കൂടിയാലോചനക്കും ഉഭയകക്ഷി സഹകരണത്തിനുമായി കമ്മിറ്റി രൂപവത്കരിക്കും. കൂടിക്കാഴ്ചയിൽ ഫലസ്തീനിലെ സ്ഥിതിഗതികളെക്കുറിച്ചും പ്രാദേശിക, അന്തർദേശീയ സംഭവവികാസങ്ങളെക്കുറിച്ചും ഇരു മന്ത്രിമാരും ചർച്ച നടത്തി.
ഫലസ്തീനിലെ സമാധാന പ്രക്രിയ പുനരുജ്ജീവിപ്പിക്കാനുള്ള അറബ്, അന്താരാഷ്ട്ര ശ്രമങ്ങളുടെ മുന്നോട്ടുള്ള വഴികളും യോഗം അവലോകനം ചെയ്തു. ഇസ്രായേൽ കുടിയേറ്റം തടയാൻ അന്താരാഷ്ട്ര സമൂഹം എന്തുചെയ്യണമെന്നും യോഗം ചർച്ച ചെയ്തു. ഐക്യരാഷ്ട്രസഭയിൽ ഫലസ്തീൻ രാജ്യത്തിന് പൂർണ അംഗത്വം നേടുന്നതിനുള്ള ശ്രമങ്ങളെ പിന്തുണക്കേണ്ടതിന്റെ ആവശ്യകതയും മന്ത്രിമാർ അംഗീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.