പി.പി.എ. കരീം അനുശോചന യോഗത്തിൽ അബ്ദുല്ല അൻവരി സംസാരിക്കുന്നു
സലാല: വയനാട് ജില്ല മുസ്ലിം ലീഗ് പ്രസിഡന്‍റ് പി.പി.എ. കരീമിന്‍റെ നിര്യാണത്തിൽ അനുശോചന യോഗവും പ്രാർഥന സംഗമവും സംഘടിപ്പിച്ചു.
സലാല കെ.എം.സി.സി വയനാട് ജില്ല കമ്മിറ്റിയാണ് പരിപാടി സംഘടിപ്പിച്ചത്. വയനാട് ജില്ലയിലെ സാമൂഹിക സാംസ്കാരിക രാഷ്ട്രീയ മണ്ഡലത്തിൽ നിറഞ്ഞുനിന്ന പി.പി.എ. കരീമിന്‍റെ വിയോഗം ലീഗിന് വലിയ നഷ്ടമാണെന്ന് യോഗം വിലയിരുത്തി. മയ്യിത്ത് നമസ്കാരത്തിന് അബ്ദുല്ല അൻവരി നേതൃത്വം നൽകി. അനുശോചന യോഗത്തിൽ ജില്ല പ്രസിഡന്‍റ് നിസാർ കുപ്പാടിത്തറ അധ്യക്ഷത വഹിച്ചു. റഷീദ് കൽപറ്റ, എം.സി. അബു ഹാജി, എൻ.കെ. ഹമീദ് എന്നിവർ സംസാരിച്ചു. ഷമീർ ഫൈസി സ്വാഗതവും ഷഹീർ പനമരം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.