സമസ്ത പൊതുപരീക്ഷയിൽ
ഉന്നത വിജയം നേടിയ മുഹമ്മദ് താജുദ്ധീൻ (അഞ്ചാം ക്ലാസ്),
ഫാദീ ഇബ്റാഹീം (ഏഴാം ക്ലാസ്)
മസ്കത്ത്: സമസ്ത കേരള ഇസ്‌ലാം മത വിദ്യാഭ്യാസ ബോർഡ് നടത്തിയ പൊതുപരീക്ഷയിൽ മബേല ശിഹാബ് തങ്ങൾ സ്മാരക ഹയർ സെക്കൻഡറി ഖുർആൻ മദ്റസക്ക് നൂറുശതമാനം വിജയം. അഞ്ച്, ഏഴ്, 10 ക്ലാസുകളിലായി 23 കുട്ടികളാണ് പൊതുപരീക്ഷ എഴുതിയത്.
അഞ്ചാം തരത്തിൽ മുഹമ്മദ് താജുദ്ദീൻ, റോവൽ മുഹമ്മദ്, നാഹിൽ നൗഷാദ്, സൻഹ മർയം എന്നിവർ ഉന്നത വിജയം നേടിയപ്പോൾ, ഏഴാം തരത്തിൽ മുഹമ്മദ് ഫാദീ ഇബ്റാഹീം, ഫൗസിയ എന്നീ വിദ്യാർഥികളും പത്താം തരത്തിൽ ജിബ്രിൽ ഫാരിസും ഉയർന്ന ഗ്രേഡ് കരസ്ഥമാക്കി.
പരീക്ഷയിൽ വിജയിച്ച മുഴുവൻ വിദ്യാർഥികളേയും പ്രാപ്തരാക്കിയ ഉസ്താദ് മാരേയും മബേല ശിഹാബ് തങ്ങൾ മദ്റസ മാനേജ്മെന്റ് കമ്മിറ്റി കൂടിയായ മബേല കെ.എം.സി.സി അഭിനന്ദിച്ചു. റമദാനിന് ശേഷം മദ്റസ ആരംഭം കുറിക്കുമെന്നും കുട്ടികളെ ചേർക്കാൻ ആഗ്രഹിക്കുന്നവർ 79196329 (സദർ മുഅല്ലിം ), 9539 4477, 96500854 ( മദ്റസ മാനേജ്മെന്റ്) എന്നീ നമ്പറിൽ ബന്ധപ്പെടണമെന്നും കമ്മിറ്റി ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.