അ​മീ​റാ​ത്തി​ൽ സ്ട്രീ​റ്റ് ഫു​ഡ് പാ​ർ​ക്ക് വ​രു​ന്നു

മ​സ്ക​ത്ത്: മ​സ്‌​ക​ത്ത് മു​നി​സി​പ്പാ​ലി​റ്റി റി​യാ​ദ​യു​മാ​യി സ​ഹ​ക​രി​ച്ച് അ​മീ​റാ​ത്തി​ൽ സ്ട്രീ​റ്റ് ഫു​ഡി​ന് (മ​സാ​ർ) മാ​ത്ര​മാ​യി ഒ​രു ​പ്ര​ത്യേ​ക ഇ​ട​മൊ​രു​ക്കും. ചെ​റു​കി​ട വ്യാ​പാ​ര ഉ​ട​മ​ക​ളെ പി​ന്തു​ണ​ക്കു​ന്ന​തി​നും തെ​രു​വ് ക​ച്ച​വ​ട​ക്കാ​രു​ടെ പ്ര​വ​ർ​ത്ത​ന​ങ്ങ​ൾ സം​ഘ​ടി​പ്പി​ക്കു​ന്ന​തി​നും ല​ക്ഷ്യ​മി​ട്ടു​ള്ള പ​ദ്ധ​തി​ക​ളു​ടെ ഭാ​ഗ​മാ​യാ​ണ് ഈ ​നീ​ക്കം.

ഏ​റ്റ​വും ഉ​യ​ർ​ന്ന സാ​ങ്കേ​തി​ക​വും ആ​രോ​ഗ്യ​പ​ര​വു​മാ​യ മാ​ന​ദ​ണ്ഡ​ങ്ങ​ൾ​ക്ക​നു​സൃ​ത​മാ​യി രൂ​പ​ക​ൽ​പ​ന ചെ​യ്ത 20 ആ​ധു​നി​ക ഭ​ക്ഷ​ണ വ​ണ്ടി​ക​ളി​ൽ എ​ല്ലാ അ​ടി​സ്ഥാ​ന സേ​വ​ന​ങ്ങ​ളും ഉ​ൾ​പ്പെ​ടു​ന്ന സം​യോ​ജി​ത സൈ​റ്റാ​യി​രി​ക്കും ഇ​ത്.

ആ​വ​ശ്യ​മാ​യ ആ​രോ​ഗ്യ, സാ​ങ്കേ​തി​ക മാ​ന​ദ​ണ്ഡ​ങ്ങ​ൾ പാ​ലി​ക്കു​ന്ന, സു​ഖ​ക​ര​വും സു​ര​ക്ഷി​ത​വു​മാ​യ അ​ന്ത​രീ​ക്ഷം ഉ​റ​പ്പു​വ​രു​ത്തു​ന്ന​തി​നൊ​പ്പം അ​തു​ല്യ​മാ​യ ഡൈ​നി​ങ് അ​നു​ഭ​വ​ങ്ങ​ൾ ആ​സ്വ​ദി​ക്കു​ന്ന​തി​നു​ള്ള ഒ​രു ല​ക്ഷ്യ​സ്ഥാ​ന​മാ​യി ഈ ​പ​ദ്ധ​തി മാ​റും. നേ​ര​ത്തെ മ​സ്ക​ത്ത് മു​നി​സി​പ്പാ​ലി​റ്റി വ​ഴി​യോ​ര ക​ച്ച​വ​ട​ക്കാ​രെ മ​ത്ര വി​ലാ​യ​ത്തി​ലെ വാ​ദി ക​ബീ​റി​ലെ ഒ​രു സ​മ​ർ​പ്പി​ത മേ​ഖ​ല​യി​ൽ പ്ര​വ​ർ​ത്തി​ക്കാ​നാ​യി ര​ജി​സ്റ്റ​ർ ചെ​യ്യാ​ൻ ആ​വ​ശ്യ​പ്പെ​ട്ടി​രു​ന്നു.

ഇ​വി​ടെ മ​ത്ര​യി​ൽ താ​മ​സി​ക്കു​ന്ന ഉ​ട​മ​ക​ൾ​ക്ക് മു​ൻ​ഗ​ണ​ന ന​ൽ​കും. ഇ​വി​ടെ​യു​ള്ള പ്ര​വ​ർ​ത്ത​ന​ങ്ങ​ൾ​ക്കാ​യി ഓ​പ​റേ​റ്റ​ർ​ക്ക് ലൈ​സ​ൻ​സ് ഉ​ണ്ടാ​യി​രി​ക്ക​ണം. 18 വ​യ​സ്സ് തി​ക​ഞ്ഞ സ്വ​ദേ​ശി പൗ​ര​നും ആ​യി​രി​ക്ക​ണം. മ​റ്റേ​തെ​ങ്കി​ലും വാ​ണി​ജ്യ​പ​ര​മോ പ്രൊ​ഫ​ഷ​ന​ലോ ക​ര​കൗ​ശ​ല​മോ ആ​യ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടാ​ൻ അ​പേ​ക്ഷ​ക​ന് മ​റ്റൊ​രു ലൈ​സ​ൻ​സ് ഉ​ണ്ടാ​യി​രി​ക്ക​രു​ത്. ഏ​ക​ദേ​ശം 12 വ​ഴി​യോ​ര ക​ച്ച​വ​ട​ക്കാ​ർ​ക്ക് വൈ​ദ്യു​തി, വെ​ള്ളം ക​ണ​ക്ഷ​നു​ക​ൾ, പാ​ർ​ക്കി​ങ് സ്ഥ​ല​ങ്ങ​ൾ തു​ട​ങ്ങി​യ സൗ​ക​ര്യ​ങ്ങ​ളോ​ടെ​യാ​ണ് സൈ​റ്റ് ത​യാറാ​ക്കി​യി​രി​ക്കു​ന്ന​ത്.