റാസൽഹദ്ദ് കോട്ടയിൽ അറ്റകുറ്റപ്പണികൾ ആരംഭിച്ചപ്പോൾ
മസ്കത്ത്: തെക്കൻ ശർഖിയ ഗവർണറേറ്റിലെ റാസൽഹദ്ദ് കോട്ടയുടെ നവീകരണ ജോലികൾക്ക് തുടക്കമായതായി ടൂറിസം പൈതൃക മന്ത്രാലയം അറിയിച്ചു.റാസൽഹദ്ദിലെത്തുന്ന സഞ്ചാരികളുടെ ആകർഷണ കേന്ദ്രമാണ് ഇവിടം. ഭിത്തികളിലെ വിള്ളലുകൾ നന്നാക്കുക, പടിഞ്ഞാറൻ ഗോപുരത്തിലെയും മേൽക്കൂരയിലെയും വിള്ളലുകൾ അടക്കുക, വാതിലുകളുടെയും ജനലുകളുടെയും പെയിൻറിങ് തുടങ്ങിയ ജോലികളാണ് നടക്കുന്നത്.
മുകൾ ഭാഗത്തെ ഇടനാഴികളിൽ സന്ദർശകരുടെ സുരക്ഷ ഉറപ്പുവരുത്താൻ മരത്തിെൻറ സംരക്ഷണ ഭിത്തികൾ നിർമിക്കുകയും ചെയ്യുമെന്നും മന്ത്രാലയം അറിയിച്ചു.ടൂറിസം മന്ത്രി സാലെം ബിൻ മുഹമ്മദ് അൽ മഹ്റൂഖിയുടെ സന്ദർശന ശേഷമാണ് കോട്ടയിലെ അറ്റകുറ്റപ്പണികൾ ആരംഭിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.