മസ്കത്ത്: നമീബിയക്കെതിരെയുള്ള ട്വന്‍റി20 പരമ്പര ലക്ഷ്യമിട്ട് ഒമാൻ ഞായറാഴ്ച ഇറങ്ങും.അമീറാത്ത് ക്രിക്കറ്റ് അക്കാദമി ഗ്രൗണ്ടിൽ ഉച്ചക്ക് 2.30നാണ് മത്സരം. പരമ്പരയിലെ ആദ്യ മത്സരത്തിൽ തോറ്റെങ്കിലും പിന്നീടുള്ള രണ്ട് കളികളും വിജയിച്ച് ടീം കരുത്തുകാട്ടി. എന്നാൽ, വെള്ളിയാഴ്ച നടന്ന മത്സരത്തിൽ നമീബിയയോട് 24 റൺസിനാണ് ആതിഥേയർ പരാജയപ്പെട്ടത്. നമീബിയ ഉയർത്തിയ 164 റൺസിന് ഓപണർ നസീം ഖുഷി (34) മികച്ച തുടക്കമാണ് ഒമാന് നൽകിയത്. എന്നാൽ, പിന്നീട് വന്ന ആക്വിബ് ഇല്യാസ് (24), മുഹമ്മദ് നദീം (30) എന്നിവരൊഴിക്കെ കാര്യമായ സംഭാവന നൽകിയില്ല. എല്ലാ പ്രശ്നങ്ങളും പരിഹരിച്ചായിരിക്കും കോച്ച് മെൻഡിസ് ടീമിനെ ഞായറാഴ്ച ഇറക്കുക. ഈ വർഷം വെസ്റ്റിൻഡീസിലും അമേരിക്കയിലുമായി നടക്കുന്ന ട്വന്‍റി20 ലോകകപ്പിന്‍റെ മുന്നൊരുക്കമായാണ് ഇരു ടീമുകളും മത്സരത്തെ കാണുന്നത്. പരമ്പര സ്വന്തമാക്കാൻ കഴിഞ്ഞാൽ അത് ടീമിന്‍റെ ആത്മവിശ്വാസം വർധിപ്പിക്കുന്ന ഘടകമായിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.