ലോ​ക​ക​പ്പ് ഫുട്ബാ​ൾ യോ​ഗ്യ​ത; തി​രിച്ചു​വ​ര​വി​നൊ​രു​ങ്ങി ഒ​മാ​ൻ ഇ​ന്നി​റ​ങ്ങും

മ​സ്ക​ത്ത്: ലോ​ക​ക​പ്പ് യോ​ഗ്യ​ത മൂ​ന്നാം റൗ​ണ്ടി​ലെ നി​ർ​ണാ​യ​ക മ​ത്സ​ര​ത്തി​നാ​യി ഒ​മാ​ൻ വ്യാ​ഴാ​ഴ്ച ക​ള​ത്തി​ലി​റ​ങ്ങും. സു​ൽ​ത്താ​ൻ ഖാ​ബൂ​സ് സ്പോ​ർ​ട്സ് കോം​പ്ല​ക്സി​ൽ ന​ട​ക്കു​ന്ന മ​ത്സ​ര​ത്തി​ൽ ഫ​ല​സ്തീ​നാ​ണ് എ​തി​രാ​ളി​ക​ൾ. ഒ​മാ​ൻ സ​മ​യം രാ​ത്രി എ​ട്ടു​മ​ണി​ക്കാ​ണ് കി​ക്ക് ഓ​ഫ്.

ലോ​ക​ക​പ്പ് യോ​ഗ്യ​ത റൗ​ണ്ടി​ൽ മു​ന്നോ​ട്ടു​പോ​ക​ണ​മെ​ങ്കി​ൽ ര​ണ്ട് ടീ​മി​നും ജ​യി​ച്ചേ മ​തി​യാ​കു. കോ​ച്ച് ജാ​ബി​ർ റ​ഷീ​ദി​നു കീ​ഴി​ൽ ശ​ക്ത​മാ​യ പ​രി​ശീ​ല​ന​മാ​ണ് റെ​ഡ് വാ​രി​യേ​ഴ്സ് ന​ട​ത്തി​ക്കൊ​ണ്ടി​രി​ക്കു​ന്ന​ത്. അ​തേ​സ​മ​യം, പ​ല ക​ളി​ക്കാ​രു​ടെ​യും പ​രി​ക്ക് ടീ​മി​നെ അ​ല​ട്ടു​ന്നു​ണ്ട്.

സ​ലാ അ​ൽ യ​ഹാ​യി, അ​ലി അ​ൽ ബു​സൈ​ദി, യ​സീ​ദ് അ​ൽ മ​ഷാ​നി, ഇ​സ്സാം അ​ൽ സു​ബ്ഹി എ​ന്നി​വ​രു​ൾ​പ്പെ​ടെ ഒ​മാ​ൻ നി​ല​വി​ൽ ടീ​മി​ൽ നി​ര​വ​ധി​പേ​ർ പ​രി​ക്കി​ന്റെ പി​ടി​യി​ലാ​ണ്. അ​​തേ​സ​മ​യം, ഇ​വ​ർ​ക്കു​ള്ള പ​ക​ര​ക്കാ​രെ ക​ഴി​ഞ്ഞ ദി​വ​സ​ങ്ങ​ളി​ൽ ന​ട​ന്ന പ​രി​ശീ​ല​ന ക്യാ​മ്പു​ക​ളി​ൽ​നി​ന്ന് ക​ണ്ടെ​ത്തു​ന്ന​തി​ന്റെ തി​ര​ക്കി​ലാ​യി​രു​ന്നു കോ​ച്ച്.

ലോ​ക​ക​പ്പ് ഫു​ട്ബാ​ൾ യോ​ഗ്യ​ത റൗ​ണ്ടി​ലെ നാ​ലാം മ​ത്സ​ര​ത്തി​ൽ ജോ​ർ​ഡ​നു​മാ​യി ഏ​ക​പ​ക്ഷീ​യ​മാ​യ നാ​ലു ഗോ​ളു​ക​ൾ​ക്ക് തോ​റ്റ​തോ​ടെ​യാ​ണ് നേ​രി​ട്ട് യോ​ഗ്യ​ത നേ​ടാം എ​ന്നു​ള്ള ഒ​മാ​ന്റെ സാ​ധ്യ​ത​ക​ൾ​ക്ക് മ​ങ്ങ​ലേ​റ്റ​ത് . ആ​റ് ടീ​മു​ക​ലു​ള്ള ഗ്രൂ​പ്പി​ൽ​നി​ന്നും ര​ണ്ടു ടീ​മു​ക​ൾ​ക്കെ നേ​രി​ട്ട് യോ​ഗ്യ​ത നേ​ടാ​ൻ സാ​ധി​ക്കൂ.

അ​ത്ഭു​ത​ങ്ങ​ൾ സം​ഭ​വി​ച്ചാ​ൽ മാ​ത്ര​മേ ഇ​നി നേ​രി​ട്ട് യോ​ഗ്യ​ത നേ​ടാ​ൻ ക​ഴി​യു​ക​​യു​ള്ളു. നാ​ല് ക​ളി​ക​ളി​ൽ​നി​ന്നും പ​ത്തു പോ​യന്റ് നേ​ടി​യ ദ​ക്ഷി​ണ കൊ​റി​യ ഏ​റെ​ക്കു​റെ ലോ​ക​ക​പ്പ് ഫൈ​ന​ൽ റൗ​ണ്ട് ഉ​റ​പ്പി​ച്ചു ക​ഴി​ഞ്ഞു. ഏ​ഴു പോ​യന്റ് വീ​ത​മു​ള്ള ഇ​റാ​ഖ്, ജോ​ർ​ഡ​ൻ എ​ന്നി​വ​രാ​ണ് ര​ണ്ടും മൂ​ന്നും സ്ഥാ​ന​ത്ത്.

നാ​ലാം സ്ഥാ​ന​ത്തു​ള്ള ഒ​മാ​ന് മൂ​ന്നു പോ​യന്റ് മാ​ത്ര​മാ​ണു​ള്ള​ത്. കു​വൈ​ത്തി​നു മൂ​ന്ന് പോ​യന്റാ​ണു​ള്ള​തെ​ങ്കി​ലും ഗോ​ൾ ശ​രാ​ശ​രി​യി​ൽ ഒ​മാ​നാ​ണ് മു​ന്നി​ൽ. ര​ണ്ടു പോ​യന്റ് മാ​ത്ര​മു​ള്ള ഫ​ല​സ്‌​തീ​ൻ ഗ്രൂ​പ്പി​ൽ അ​വ​സാ​ന സ്ഥാ​ന​ത്താ​ണ്. ഇ​നി​യു​ള്ള ആ​റ് മ​ത്സ​ര​ങ്ങ​ളി​ൽ മൂ​ന്നും എ​വേ മാ​ച്ചു​ക​ളാ​ണ് എ​ന്ന​തും ഒ​മാ​ന്റെ നെ​ഞ്ചി​ടി​പ്പ് കൂ​ട്ടു​ന്ന ഘ​ട​ക​മാ​ണ് .

പു​തി​യ കോ​ച്ചി​ന് കീ​ഴി​ൽ കു​വൈ​ത്തി​നെ​തി​രെ നാ​ല് ഗോ​ളി​ന്റെ ത​ക​ർ​പ്പ​ൻ വി​ജ​യം നേ​ടി ആ​രാ​ധ​ക​രു​ടെ പ്ര​തീ​ക്ഷ​ക്കൊ​ത്തു​യ​ർ​ന്നെ​ങ്കി​ലും ​തൊ​ട്ട​ടു​ത്ത മ​ത്സ​ര​ത്തി​ൽ അ​തേ സ്കോ​റി​നു​ത​ന്നെ ജോ​ർ​ഡ​നോ​ട് കീ​ഴ​ട​ങ്ങി. 19ന് ​ഇ​റാ​ഖി​നെ​തി​രെ​യാ​ണ് ഒ​മാ​ന്റെ അ​ടു​ത്ത മ​ത്സ​രം.

ഇ​റാ​ഖ്, ഫ​ല​സ്തീ​ൻ ടീ​മു​ക​ളെ സ്വ​ന്തം ഗ്രൗ​ണ്ടി​ൽ തോ​ൽ​പ്പി​ക്കു​ക​യും ജോ​ർ​ഡ​നെ സ​മ​നി​ല​യി​ൽ പി​ടി​ക്കു​ക​യും ചെ​യ്താ​ൽ നേ​രി​ട്ട് ത​ന്നെ യോ​ഗ്യ​ത നേ​ടാ​മെ​ന്നു​ള്ള പ്ര​തീ​ക്ഷ​യും ആ​രാ​ധ​ക​ർ​ക്കു​ണ്ട്. അ​തോ​ടൊ​പ്പം മ​റ്റു ടീ​മു​ക​ളു​ടെ പ്ര​ക​ട​ന​വും നി​ർ​ണാ​യ​ക​മാ​ണ്.