ദോഹ: ഖത്തർ സെൻട്രൽ ബാങ്ക് സ്ഥാപിച്ച ‘ഈദിയ്യ’ എ.ടി.എമ്മുകളിൽനിന്ന് 7.4 കോടി റിയാൽ പിൻവലിക്കപ്പെട്ടു. കുട്ടികൾക്ക് പെരുന്നാൾ ആഘോഷങ്ങളുടെ ഭാഗമായി പണം സമ്മാനമായി നൽകാൻ ആഗ്രഹിക്കുന്ന രക്ഷിതാക്കൾക്ക് സൗകര്യം ഉദ്ദേശിച്ചാണ് അഞ്ച്, 10, 50, 100 റിയാലിൽ കറൻസികൾ പിൻവലിക്കാൻ കഴിയുന്ന ഈദിയ്യ എ.ടി.എമ്മുകൾ സ്ഥാപിച്ചത്. ബലി പെരുന്നാളിനോടനുബന്ധിച്ച് ആരംഭിച്ച ഈദിയ്യ എ.ടി.എം സേവനം താൽക്കാലികമായി നിർത്തിവെച്ചതായി അധികൃതർ എക്സിൽ അറിയിച്ചു. പ്ലെയ്സ് വെൻഡോം, അൽ മിർഖാബ് മാൾ, മാൾ ഓഫ് ഖത്തർ, അൽ വക്റ ഓൾഡ് സൂഖ്, ദോഹ ഫെസ്റ്റിവൽ സിറ്റി, അൽ ഹസം മാൾ, അൽ ഖോർ മാൾ, അൽ മീറ (തുമാമ, മുഐതർ), ദോഹ വെസ്റ്റ് വാക് എന്നിവിടങ്ങളിലാണ് എ.ടി.എം സ്ഥാപിച്ചിരുന്നത്. കഴിഞ്ഞ ചെറിയ പെരുന്നാളിലും സെൻട്രൽ ബാങ്ക് ഈദിയ്യ എ.ടി.എം സ്ഥാപിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.