വിദ്യാഭ്യാസ പൈതൃകത്തിന്റെ അടയാളമായി അൽ ജമീലിയ സ്‌കൂൾ

ദോ​ഹ: ഖ​ത്ത​റി​ന്റെ വി​ദ്യ​ഭ്യാ​സ വി​പ്ല​വ ച​രി​ത്ര​ത്തി​ലെ വി​സ്മ​രി​ക്കാ​നാ​കാ​ത്ത ഏ​ടു​ക​ളി​ലൊ​ന്നാ​യ അ​ൽ ജ​മീ​ലി​യ ഓ​ൾ​ഡ് സ്‌​കൂ​ളി​ന് ഇ​നി പു​തു​മോ​ടി. മ​ത-​ഭൗ​തി​ക വി​ദ്യാ​ഭ്യാ​സ​​ത്തോ​ടെ വി​ദ്യാ​സ​മ്പ​ന്ന​മാ​യ ത​ല​മു​റ​യെ വ​ള​ർ​ത്തി​യെ​ടു​ക്കു​ന്ന​തി​ൽ ശ്ര​ദ്ധേ​യ​മാ​യ പ​ങ്കു​വ​ഹി​ച്ച്, പ​തി​യെ വീ​ണു​തു​ട​ങ്ങി​യ സ്കൂ​ളി​നെ ​പ​ഴ​മ ഒ​ട്ടും ചോ​രാ​തെ പു​തു​ക്കി പ​ണി​തു​കൊ​ണ്ടാ​ണ് ഖ​ത്ത​ർ മ്യൂ​സി​യം രാ​ജ്യ​ത്തി​ന്റെ വി​ദ്യ​ഭ്യാ​സ വ​ള​ർ​ച്ച​യു​ടെ ​ബാ​ക്കി​പ​ത്ര​മാ​യി അ​ട​യാ​ള​പ്പെ​ടു​ത്തു​ന്ന​ത്. സീ​ഷോ​ർ ഗ്രൂ​പ്പി​ന്റെ സ​ഹ​ക​ര​ണ​ത്തോ​ടെ, ഖ​ത്ത​ർ മ്യൂ​സി​യം ആ​ർ​ക്കി​ടെ​ക്ച​റ​ൽ ക​ൺ​സ​ർ​വേ​ഷ​ൻ വ​കു​പ്പാ​ണ് പു​ന​രു​ദ്ധാ​ര​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​ക്കി​യ​ത്.

ഖ​ത്ത​റി​ലെ പൗ​രാ​ണി​ക കേ​ന്ദ്ര​ങ്ങ​ളു​ടെ​യും കെ​ട്ടി​ട​ങ്ങ​ളു​ടെ​യും സം​ര​ക്ഷ​ണ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​ണ് അ​ൽ ജ​മീ​ലി​യ ഓ​ൾ​ഡ് സ്‌​കൂ​ൾ പു​ന​ർ​നി​ർ​മി​ച്ച​തെ​ന്ന് ആ​ർ​ക്കി​ടെ​ക്ച​റ​ൽ ക​ൺ​സ​ർ​വേ​ഷ​ൻ വി​ഭാ​ഗം മേ​ധാ​വി ആ​ദി​ൽ അ​ൽ മ​സ്ല​മാ​നി പ​റ​ഞ്ഞു.പ​ഴ​യ സ്‌​കൂ​ൾ കെ​ട്ടി​ട​ത്തി​ന്റെ വാ​സ്തു​വി​ദ്യ​യും ശൈ​ലി​യും അ​തേ​പ​ടി നി​ല​നി​ർ​ത്തി​യാ​ണ് ഖ​ത്ത​ർ മ്യൂ​സി​യം നേ​തൃ​ത്വ​ത്തി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​ക്കി​യ​ത്.

ഖ​ത്ത​റി​ന്റെ വി​ദ്യാ​ഭ്യാ​സ ച​രി​ത്ര​ത്തി​ലെ സു​പ്ര​ധാ​ന കെ​ട്ടി​ട​മാ​യാ​ണ് അ​ൽ ജ​മീ​ലി​യ​യെ വി​ശേ​ഷി​പ്പി​ക്കു​ന്ന​ത്. അ​ൽ ജ​മീ​ലി​യ മേ​ഖ​ല​യി​ലെ ഏ​റ്റ​വും പൗ​രാ​ണി​ക​മാ​യ കെ​ട്ടി​ട​ങ്ങ​ളി​ലൊ​ന്നാ​ണ് അ​ൽ ജ​മീ​ലി​യ സ്‌​കൂ​ൾ. നാ​ല് മു​റി​ക​ളി​ൽ മൂ​ന്നെ​ണ്ണം ക്ലാ​സ് റൂ​മു​ക​ളാ​യും ഒ​ന്ന് പ്ര​ധാ​നാ​ധ്യാ​പ​ക മു​റി​യാ​യും ഉ​പ​യോ​ഗി​ച്ചു. 2023ന്റെ ​പ​കു​തി​യോ​ടെ​യാ​ണ് പു​ന​രു​ദ്ധാ​ര​ണ പ്ര​ക്രി​യ ആ​രം​ഭി​ച്ച​ത്.