ദോഹ: യൂത്ത് ഫോറം കരിയർ അസിസ്റ്റന്റ് വിഭാഗമായ കെയർ ദോഹ ഏറ്റവും നല്ല ബയോഡേറ്റ തയാറാക്കുന്നത്തിന് സഹായകരമായ ശിൽപശാല സംഘടിപ്പിക്കുന്നു. വെള്ളിയാഴ്ച വൈകീട്ട് 3.30ന് ഓൾഡ് എയർപോർട്ട് റോഡിലുള്ള യൂത്ത് ഫോറം ഹാളിലാണ് പരിപാടി സംഘടിപ്പിക്കുന്നത്. പ്രശസ്ത കരിയർ ഗൈഡ് സക്കീർ ഹുസൈൻ കെ സെഷന് നേതൃത്വം നൽകും.
കവർ ലെറ്റർ തയാറാക്കൽ, ആകർഷണീയമായ ബയോഡേറ്റ തയാറാക്കൽ, ബയോഡേറ്റ തയാറാക്കുന്നതിൽ ചാറ്റ് ജി.ടി.പിയുടെ സാധ്യതകൾ- സഹായങ്ങൾ, ഇന്റർവ്യൂ അഭിമുഖീകരിക്കുമ്പോൾ ശ്രദ്ധിക്കേണ്ട കാര്യങ്ങൾ, ലിങ്ക്ഡിൻ തൊഴിൽസാധ്യത തുടങ്ങി കരിയറിൽ വളർച്ചയും അഭിവൃദ്ധിയും എളുപ്പവും സാധ്യവുമാക്കുന്ന വിവിധ മേഖലകൾ ചർച്ചചെയ്യും.
ഖത്തറിൽ ജോലി ചെയ്യുന്നവർക്കും വിദ്യാർഥികൾക്കും തുടർപഠനം നടത്തുന്നതിന് ആവശ്യമായ ഗൈഡൻസ് നൽകുക, വിദ്യാർഥികൾക്കും അവരുടെ രക്ഷിതാക്കൾക്കും വിവിധ കോഴ്സുകളെപ്പറ്റിയും ഉന്നത വിദ്യാഭ്യാസ സ്ഥാപനങ്ങളെക്കുറിച്ചും അറിവ് പകർന്നുനൽകുക, സ്ത്രീകൾക്ക് പ്രത്യേകമായി കരിയർ ഗൈഡൻസ്-വ്യക്തിത്വ വികസന ക്ലാസുകൾ, ട്രെയിനിങ്ങുകൾ, ശിൽപശാലകൾ തുടങ്ങി ഇതിനോടകം വിവിധ പരിപാടികളാണ് കെയർ ദോഹ സംഘടിപ്പിച്ചുവരുന്നത്. പങ്കെടുക്കാനാഗ്രഹിക്കുന്നവർ https://bit.ly/CGP_14_07_23 എന്ന ലിങ്കിൽ രജിസ്റ്റർ ചെയ്യുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.