ദോഹ: ഭരണഘടന ഉറപ്പുനൽകുന്ന മതേതരത്വവും പൗരാവകാശങ്ങളും വെല്ലുവിളികൾ നേരിടുന്ന സാഹചര്യത്തിൽ മുഖ്യധാരാ രാഷ്ട്രീയ പ്രസ്ഥാനങ്ങളുമായി യോജിച്ചു പ്രവർത്തിക്കുകയാണ് ജനാധിപത്യ വിശ്വാസികൾ ചെയ്യേണ്ടതെന്ന് അഡ്വ. കെ.എൻ.എ. ഖാദർ എം.എൽ.എ അഭിപ്രായപ്പെട്ടു. ഖത്തർ ഇന്ത്യൻ ഇസ്ലാഹി സെൻറർ സംഘടിപ്പിച്ച പരിപാടിയിൽ സംസാരിക്കുകയായിരുന്നു അദ്ദേഹം. രാജ്യം മുഴുവൻ വെല്ലുവിളികൾ അഭിമുഖീകരിക്കുമ്പോൾ സാമുദായികമായ ചേരിതിരിവുകൾ ഒഴിവാക്കാൻ സമുദായ സംഘടനകളും വ്യക്തികളും ശ്രദ്ധിക്കണം. വാക്കുകളിലൂടെയും പ്രവൃത്തികളിലൂടെയുമുള്ള അപക്വമായ പ്രതികരണങ്ങൾ അപകടം വരുത്തുമെന്നും അദ്ദേഹം പറഞ്ഞു. ആക്ടിങ് പ്രസിഡൻറ് സിറാജ് ഇരിട്ടി അധ്യക്ഷത വഹിച്ചു. ഖത്തർ ഇന്ത്യൻ ഇസ്ലാഹി സെൻറർ ജനറൽ സെക്രട്ടറി ഷമീർ വലിയവീട്ടിൽ സ്വാഗതവും അലി ചാലിക്കര നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.