ദോഹ: വയനാട് പ്രളയ ദുരന്തനിവാരണത്തിന് ഖത്തറിലെ കൂട്ടായ്മകളിൽനിന്നും മറ്റുമായി ഇന്ത്യൻ കമ്യൂണിറ്റി ബെനവലന്റ് ഫോറം നടത്തുന്ന ധന സമാഹരണത്തിന് കൈത്താങ്ങായി മലപ്പുറം ജില്ലക്കാരുടെ പൊതു കൂട്ടായ്മ ഡയസ്പോറ ഓഫ് മലപ്പുറം (ഡോം ഖത്തർ).
ഡോം ഖത്തറിന്റെ സഹായധനം അംഗങ്ങളുടെ സാന്നിധ്യത്തിൽ പ്രസിഡന്റ് ഉസ്മാൻ കല്ലൻ ഐ.സി.ബി.എഫ് ഭാരവാഹികൾക്ക് കൈമാറി. മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു കോടി രൂപ സംഭാവന നൽകിയ ഡോം മുഖ്യരക്ഷാധികാരിയും സഫാരി ഗ്രൂപ് ഓഫ് കമ്പനീസ് മാനേജിങ് ഡയറക്ടറുമായ മാടപ്പാട്ട് അബൂബക്കറിനെ ഡോം സെക്രട്ടേറിയറ്റ് അഭിനന്ദിച്ചു. സഹായധന കൈമാറൽ ചടങ്ങിന് ഡോം ജനറൽ സെക്രട്ടറി മൂസ താനൂർ സ്വാഗതം പറഞ്ഞു. പ്രസിഡന്റ് ഉസ്മാൻ കല്ലൻ അധ്യക്ഷത വഹിച്ചു. ഡോം പ്രവർത്തനങ്ങളെ ഐ.സി.ബി.എഫ് പ്രസിഡന്റ് ഷാനവാസ് ബാവ അഭിനന്ദിച്ചു. സെക്രട്ടറി സിദ്ദീഖ് ചെറുവല്ലൂർ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.