കുവൈത്ത് അമീർ ശൈഖ് സബാഹ് അൽ അഹ്മദ് അൽജാബിർ അസ്സബാഹിെൻറ മയ്യിത്ത് നമസ്കാരത്തിൽ ഖത്തർ അമീർ ശൈഖ് തമീം ബിൻ ഹമദ് ആൽഥാനി പങ്കെടുത്തപ്പോൾ
ദോഹ: അന്തരിച്ച കുവൈത്ത് അമീർ ശൈഖ് സബാഹ് അൽ അഹ്മദ് അൽജാബിർ അസ്സബാഹിെൻറ ബബറടക്കചടങ്ങിലും നമസ്കാരത്തിലും ഖത്തർ അമീർ ശൈഖ് തമീം ബിൻ ഹമദ് ആൽഥാനി പങ്കെടുത്തു. ബുധനാഴ്ച കുവൈത്തിലെ ബിലാൽ ബിൻ റബാഹ് പള്ളിയിലാണ് മയ്യിത്ത് നമസ്കാരം നടന്നത്. അമീറിെൻറ സ്വകാര്യപ്രതിനിധി ശൈഖ് ജാസിം ബിൻ ഹമദ് ആൽഥാനിയും പ്രാർഥനയിൽ പങ്കെടുത്തു.
അമീറിെൻറ കൂടെ ശൈഖുമാരും മന്ത്രിമാരടങ്ങുന്ന ഔദ്യോഗിക സംഘവും കുവൈത്തിലെത്തിയിരുന്നു. പുതിയ കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അൽ സബാഹിന് അമീർ ശൈഖ് തമീം അനുശോചനമറിയിച്ചു. ദൈവത്തിെൻറ കാരുണ്യം ശൈഖ് സബാഹ് അൽ അഹ്മദ് അൽജാബിർ അസ്സബാഹിന് ലഭിക്കട്ടെയെന്നും അദ്ദേഹത്തിന് ദൈവം സ്വർഗം നൽകട്ടെയെന്നും അമീർ ശൈഖ് തമീം കുവൈത്ത് രാജകുടുംബത്തെ അറിയിച്ചു. അന്തരിച്ച കുവൈത്ത് അമീറിനായുള്ള മയ്യിത്ത് നമസ്കാരം ഖത്തറിലെ പള്ളികളിൽ ബുധനാഴ്ച നടന്നു. ഇശാഅ് നമസ്കാരത്തിനുശേഷമായിരുന്നു ഇത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.