‘ഫിഫ ഇ’ നാഷൻസ്: ഖത്തറിന് ഫൈനൽ റൗണ്ട് യോഗ്യത

ദോഹ: ഫിഫയുടെ കീഴിൽ നടത്തുന്ന ഇ സ്​പോർട്സ് ഫുട്ബാൾ ടൂർണമെന്റായ ‘ഫിഫ-ഇ നാഷൻസ് കപ്പിൽ’ ഖത്തറിന് ഫൈനൽ റൗണ്ടിലേക്ക് യോഗ്യത. ​​​േപ്ല ഓഫിൽ ഈജിപ്ത്, ഫലസ്തീൻ ടീമുക​ളെ തോൽപിച്ചാണ് ഇ-ഗെയിമിലെ വമ്പന്മാർ മാറ്റുരക്കുന്ന പോരിലേക്ക് ഖത്തറിന്റെ സംഘവും യോഗ്യത നേടിയത്.

മിഡിൽഈസ്റ്റ്, ആഫ്രിക്ക മേഖലാ ​േപ്ല ഓഫിൽ ഈജിപ്തിനെ 3-0ത്തിനും, ഫലസ്തീനെ 1-0ത്തിനുമായിരുന്നു തോൽപിച്ചത്. ജൂലായിലാണ് ഫൈനൽ റൗണ്ട് മത്സരം. ഫിഫ ജി.ജി വെബ്സൈറ്റിൽ രജിസ്റ്റർ ചെയ്ത് ഇ ഗെയിം കളിക്കുന്നവരിൽ നിന്നും ഏറ്റവും കൂടുതൽ റാങ്കിങ്ങിന്റെ അടിസ്ഥാനത്തിൽ തെരഞ്ഞെടുക്കപ്പെടുന്ന മൂന്നു പേരാണ് ദേശീയ ടീമായി കളിക്കുക. യോഗ്യത നേടുന്ന 23 ​രാജ്യങ്ങളും, ആതിഥേയരും ഉൾപ്പെ​ടെ 24 രാജ്യങ്ങളാണ് മാറ്റുരക്കുന്നത്.