ചരിത്രമെഴുതി തജിക് കുതിപ്പ്: ഗോ​ൾ​കീ​പ്പ​ർ റു​സ്തം യ​തി​മോ​വ് താ​ര​മാ​യി​

ദോ​ഹ: ഏ​ഷ്യ​ൻ ക​പ്പി​ലെ അ​ര​ങ്ങേ​റ്റ​ക്കാ​രാ​ണ് ത​ജി​കി​സ്താ​ൻ. എ​ന്നാ​ൽ, ഫു​ട്ബാ​ളി​ൽ പ​ഴ​യ സോ​വി​യ​റ്റ് യൂ​നി​യ​ന്റെ പാ​ര​മ്പ​ര്യം പേ​റു​ന്ന​വ​ർ ആ ​മി​ക​വ് ഇ​ത്ത​വ​ണ ക​ള​ത്തി​ൽ പ്ര​ക​ട​മാ​ക്കു​ക​യും ചെ​യ്തു. സോ​വി​യ​റ്റ് ത​ക​ർ​ച്ച​ക്കു ശേ​ഷം, 1992ഓ​ടെ ദേ​ശീ​യ ഫു​ട്ബാ​ൾ ഫെ​ഡ​റേ​ഷ​ൻ രൂ​പ​വ​ത്ക​രി​ച്ച് ക​ളി സ​ജീ​വ​മാ​ക്കി​യ ത​ജി​ക്കി​ന് വ​ൻ​ക​ര​യു​​ടെ മേ​ള​യി​ലേ​ക്ക് യോ​ഗ്യ​ത നേ​ടാ​ൻ മൂ​ന്നു പ​തി​റ്റാ​ണ്ടി​ലേ​റെ കാ​ലം കാ​ത്തി​രി​ക്കേ​ണ്ടി​വ​ന്ന​തി​ന്റെ ആ​ക്ഷേ​പ​മെ​ല്ലാം ക​ഴു​കി​ക്ക​ള​യു​ന്ന​താ​ണ് ഏ​ഷ്യ​ൻ ക​പ്പി​ലെ പ്ര​ക​ട​നം. ​ഞാ​യ​റാ​ഴ്ച രാ​ത്രി അ​ഹ​മ്മ​ദ് ബി​ൻ അ​ലി സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ ഷൂ​ട്ടൗ​ട്ടി​ലെ ഭാ​ഗ്യ​നി​ർ​ഭാ​ഗ്യ​ങ്ങ​ളു​ടെ ഫ​ല​ത്തി​ന​പ്പു​റം, ക​രു​ത്ത​രാ​യ എ​തി​രാ​ളി​ക്കു മേ​ൽ കേ​ളീ​മി​ക​വും അ​വ​ർ പു​റ​ത്തെ​ടു​ത്തു.

നി​ശ്ചി​ത സ​മ​യ​ത്ത്​ 1-1ന്​ ​സ​മ​നി​ല​യി​ൽ പി​രി​ഞ്ഞ ക​ളി, അ​ധി​ക​സ​മ​യ​ത്തേ​ക്ക്​ നീ​ണ്ടെ​ങ്കി​ലും ഫ​ലം പി​റ​ന്നി​ല്ല. ഒ​ടു​വി​ൽ ഷൂ​ട്ടൗ​ട്ടി​ൽ ല​ക്ഷ്യം തെ​റ്റാ​തെ നി​റ​യൊ​ഴി​ച്ച്​ ത​ജി​ക്, 5-3​ന്റെ ​ജ​യ​വു​മാ​യാ​ണ് മു​ന്നേ​റ്റം.30ാം മി​നി​റ്റി​ൽ പ്ര​തി​രോ​ധ താ​രം വ​ഹ്​​ദ​ത്​ ഹ​നോ​നോ​വി​ന്റെ ഹെ​ഡ​ർ ഗോ​ളി​ൽ യു.​എ.​ഇ വ​ല​കു​ലു​ക്കി​ക്കൊ​ണ്ടാ​ണ്​ ത​ജി​കി​സ്​​താ​ൻ ഗാ​ല​റി​യെ ഇ​ള​ക്കി മ​റി​ക്കു​ന്ന​ത്. എ​തി​രാ​ളി​ക​ളെ പ്ര​തി​രോ​ധ​ത്തി​ലാ​ക്കി​യ ​ആ​ദ്യ​ഗോ​ളി​നു ശേ​ഷം, ത​ജി​ക്​ ക​ളി​യി​ൽ മേ​ധാ​വി​ത്വം നി​ല​നി​ർ​ത്തി. എ​തി​രാ​ളി​ക​ളു​ടെ മു​ന്നേ​റ്റ​ങ്ങ​ളു​ടെ മു​ന​യൊ​ടി​ച്ച്​ ക​ളം വാ​ണ​വ​ർ, അ​വ​സാ​ന മി​നി​റ്റു വ​രെ പി​ടി​ച്ചു​നി​ന്നെ​ങ്കി​ലും ഇ​ഞ്ചു​റി ടൈ​മി​ലെ ആ​റാം മി​നി​റ്റി​ൽ യു.​എ.​ഇ തി​രി​ച്ച​ടി​ച്ചു. ഗാ​ല​റി​യു​ടെ അ​ക​മ​ഴി​ഞ്ഞ പി​ന്തു​ണ​യോ​ടെ ക​ളി​ച്ച ഇ​മാ​റാ​ത്തി സം​ഘം ഖ​ലീ​ഫ അ​ൽ ഹ​മ​ദി​യു​ടെ ഹെ​ഡ​ർ ഗോ​ളി​ൽ തി​രി​ച്ചെ​ത്തി​യ​പ്പോ​ൾ ക​ളി​യു​ടെ ആ​വേ​ശ​വും മു​റു​കി. ഇ​തോ​ടെ, മ​ത്സ​രം എ​ക്​​സ്​​ട്രാ ടൈ​മി​ലേ​ക്ക്​ നീ​ങ്ങി​യെ​ങ്കി​ലും ഫ​ല​മു​ണ്ടാ​യി​ല്ല.

ഒ​ടു​വി​ൽ പെ​നാ​ൽ​റ്റി ഷൂ​ട്ടൗ​ട്ടി​ലേ​ക്ക്​ വി​ധി​നി​ർ​ണ​യ​മെ​ത്തി​യ​പ്പോ​ൾ ത​ജി​ക്കി​ന്റെ ഗോ​ൾ കീ​പ്പ​ർ റു​സ്​​തം യ​തി​മോ​വ്​ താ​ര​മാ​യി. യു.​എ.​ഇ​യു​ടെ കാ​യോ കാ​നി​ഡോ​യു​ടെ കി​ക്ക് ത​ടു​ത്ത റു​സ്​​തം ടീ​മി​ന്​ ക്വാ​ർ​ട്ട​റി​ലേ​ക്കു​ള്ള ടി​ക്ക​റ്റാ​ണ്​ സ​മ്മാ​നി​ച്ച​ത്. ത​ജി​ക്കി​ന്റെ അ​ഞ്ച്​ ഷോ​ട്ടു​ക​ളും വ​ല​യി​ൽ പ​തി​ച്ചു.

-ഈ ​ജ​യം ആ​രാ​ധ​ക​ർ​ക്ക്

ച​രി​ത്ര വി​ജ​യ​വു​മാ​യി ക്വാ​ർ​ട്ട​റി​ൽ പ്ര​വേ​ശി​ച്ച ത​ജി​കി​സ്താ​ന്റെ നേ​ട്ടം ആ​രാ​ധ​ക​ർ​ക്ക് സ​മ​ർ​പ്പി​ക്കു​ക​യാ​ണ് പ്രീ​ക്വാ​ർ​ട്ട​റി​ൽ താ​ര​മാ​യ ഗോ​ൾ കീ​പ്പ​ർ റു​സ്തം യ​തി​മോ​വും പ്ര​തി​രോ​ധ താ​രം വ​ഹ്ദ​ത് ഹ​നോ​നോ​വും. നാ​ട്ടി​ൽ നി​ന്നും കി​ലോ​മീ​റ്റ​റു​ക​ൾ താ​ണ്ടി ദോ​ഹ​യി​ലെ​ത്തി ടീ​മി​നൊ​പ്പം ഓ​രോ സ്റ്റേ​ഡി​യ​ങ്ങ​ളി​ലേ​ക്കും സ​ഞ്ച​രി​ക്കു​ന്ന ആ​രാ​ധ​ക​ർ​ക്ക് ഈ ​വി​ജ​യം സ​മ​ർ​പ്പി​ക്കു​ന്ന​താ​യി ഗോ​ൾ​കീ​പ്പ​ർ റു​സ്തം യ​തി​മോ​വ് മ​ത്സ​ര​ശേ​ഷം പ​റ​ഞ്ഞു. ‘സാ​ധാ​ര​ണ പെ​നാ​ൽ​റ്റി ഷൂ​ട്ടൗ​ട്ടി​ന് മു​മ്പ്, ഞാ​ൻ ആ​രു​മാ​യും സം​സാ​രി​ക്കാ​റി​ല്ല. വി​ശ്ര​മി​ച്ച്, ഏ​കാ​ഗ്ര​ത നേ​ടി​യെ​ടു​ക്കു​ക​യാ​ണ് പ​തി​വ്.

അ​തി​നാ​ൽ പ​രി​ശീ​ല​ക​നി​ൽ​നി​ന്ന് പ്ര​ത്യേ​ക നി​ർ​ദേ​ശ​ങ്ങ​ളൊ​ന്നും ഉ​ണ്ടാ​യി​രു​ന്നി​ല്ല. എ​നി​ക്ക് ഏ​റ്റ​വും സൗ​ക​ര്യ​പ്ര​ദ​മാ​യ​തി​ന് അ​ദ്ദേ​ഹം അ​നു​വ​ദി​ച്ചു’ -ഷൂ​ട്ടൗ​ട്ടി​ൽ നി​ർ​ണാ​യ​ക സേ​വി​ലൂ​ടെ ടീ​മി​ന്റെ വി​ജ​യ ശി​ൽ​പി​യാ​യ റു​സ്തം പ​റ​ഞ്ഞു. ഫെ​ബ്രു​വ​രി ര​ണ്ടി​ന് ന​ട​ക്കു​ന്ന ക്വാ​ർ​ട്ട​ർ ഫൈ​ന​ലി​ൽ ജോ​ർ​ഡ​നാ​ണ് ത​ജി​കി​സ്താ​ന്റെ എ​തി​രാ​ളി.