ദോഹ: 76ാം സ്വാതന്ത്ര്യദിനാഘോഷത്തിനൊരുങ്ങി ഖത്തറിലെ ഇന്ത്യൻ പ്രവാസി സമൂഹം. ചൊവ്വാഴ്ച ഇന്ത്യയും ലോകമെങ്ങുമുള്ള ഇന്ത്യക്കാരും സ്വാതന്ത്ര്യദിനം ആഘോഷിക്കുമ്പോൾ ഖത്തറിലെ ഇന്ത്യൻ എംബസി നേതൃത്വത്തിലാവും ഇവിടെ ആഘോഷങ്ങൾ. ഇത്തവണ ഇന്ത്യൻ കൾചറൽ സെന്ററായിരിക്കും എംബസി നേതൃത്വത്തിലുള്ള ആഘോഷങ്ങളുടെ വേദി.
രാവിലെ 6.45ന് ദേശീയപതാക ഉയർത്തും. ഐ.സി.സി ആസ്ഥാനത്ത് നടക്കുന്ന ചടങ്ങിൽ നയതന്ത്ര ഉദ്യോഗസ്ഥരും ഖത്തറിലെ ഇന്ത്യൻ കമ്യൂണിറ്റി നേതാക്കളും പങ്കെടുക്കും. പ്രവാസിസമൂഹത്തിന് ദേശീയപതാക ഉയർത്തുന്ന ചടങ്ങുകൾക്കും രാഷ്ട്രപതിയുടെ സ്വാതന്ത്ര്യദിന സന്ദേശത്തിനും സാക്ഷ്യംവഹിക്കാവുന്നതാണ്. ചടങ്ങുകൾ എംബസിയുടെ ഫേസ്ബുക്ക്, യൂട്യൂബ് ചാനലുകൾവഴി സംപ്രേഷണം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.