പാഠം ഒന്ന്​; ഇന്ത്യ എൻെറ ജീവനെക്കാൾ ജീവനായ രാജ്യം

ദോഹ: മാതൃരാജ്യത്തിൻെറ മഹത്ത്വവും ​പരാമ്പര്യവും സംസ്​കാരവും അറിഞ്ഞും പഠിച്ചും ഖത്തറിലെ ഇന്ത്യൻ സ്​കൂളുകളിൽ 75ാം സ്വാതന്ത്ര്യ വാർഷിക ദിനാഘോഷം വിപുലമായ പരിപാടി​കളോടെ നടന്നു. കോവിഡ്​ നിയന്ത്രണങ്ങൾ പാലിച്ചുകൊണ്ട്​, പരിമിതമായ പങ്കാളിത്തത്തോടെയായിരുന്നു ചടങ്ങുകൾ. എന്നാൽ, ഓൺലൈൻ പ്ലാറ്റ്​ഫോമുകളിലൂടെ കുട്ടികളുടെയും രക്ഷിതാക്കളുടെയും മുഴുവൻ പങ്കാളിത്തം ഉറപ്പിച്ച്​ പരിപാടികൾ ആവേശമാക്കി. മുൻ വർഷത്തെ അപേക്ഷിച്ച്​​ കൂടുതൽ സജീവമായിരുന്നു ചടങ്ങുകൾ. ദേശീയ പതാക ഉയർത്തലോടെ തുടങ്ങിയ ചടങ്ങുകളിൽ, ദേശീയ ഗാനാലാപനം, സ്വാതന്ത്ര്യ ദിന സന്ദേശം, ദേശഭക​തിഗാന മത്സരങ്ങൾ, വിവിധ കലാപരിപാടികൾ എന്നിവ അരങ്ങേറി.

എം.ഇ.എസ്​ ഇന്ത്യൻ സ്​കൂൾ

എം.ഇ.എസ്​ ഇന്ത്യൻ സ്​കൂൾ ദോഹ വിവിധ പരിപരാട​ികളോടെ സ്വാതന്ത്ര്യ ദിനം ആഘോഷിച്ചു. മുഖ്യാതിഥി ഗവേണിങ്​ ബോർഡ്​ ഒഫിഷ്യേറ്റിങ്​ പ്രസിഡൻറ്​ ഖലീൽ എ.പി ദേശീയപതാക ഉയർത്തി. ശേഷം വിദ്യാർഥികൾക്ക്​ സ്വാതന്ത്ര്യ ദിന സന്ദേശം കൈമാറി. സ്​കൂൾ ഗായകസംഘം ദേശീയഗാനം ആലപിച്ചു. പ്രിൻസിപ്പൽ ഹമീദ കാദർ ഇന്ത്യയെയും സ്വാതന്ത്ര്യ സമരപോരാളികളെയും സ്​മരിച്ചുകൊണ്ട്​ ​സംസാരിച്ചു. ഗവേണിങ്​ ബോഡി ജനറൽ സെക്രട്ടറി ഹസ്​മൽ ഇസ്​മയിൽ, ഡെപ്യൂട്ടി ജനറൽ സെക്രട്ടറി, അഹമ്മദ്​ ഇഷാം, ഡയറക്​ടർ എം.സി മുഹമ്മദ്​, കെ. ഫിറോസ്, സ്​കൂൾ ജീവനക്കാർ, അധ്യാപകർ, രക്ഷിതാക്കൾ, വിദ്യാർഥികൾ എന്നിവർ പ​ങ്കെടുത്തു. ഹെഡ്​ബോയ്​ ഹമദ്​ അഷ്​ഫാഖ്​ സ്വഗതവും, സാറ ഖുർഷിദ്​ നന്ദിയും പറഞ്ഞു. വിദ്യാർഥികളായ സെയ്​ദ്​ യാസിർ, സാറ ഖുർഷിദ്​ എന്നിവർ നിയന്ത്രിച്ചു.

എം.ഇ.എസ്​ അബൂ ഹമൂർ

എം.ഇ.എസ്​ ഇന്ത്യൻ സ്​കൂൾ അബൂഹമൂർ ബ്രാഞ്ചിൽ സ്വാതന്ത്ര്യ ദിനം സമുചിതമായി ആഘോഷിച്ചു. സ്​കൂൾ ഓഡിറ്റോറിയത്തിൽ നടന്ന ചടങ്ങിൽ എം.ഇ.എസ്​ ​ഗവേണിങ്​ ബോർഡ്​ സെക്രട്ടറി ഹസ്​മൽ ഇസ്​മയിൽ പതാക ഉയർത്തി. കോവിഡ്​ പ്രോ​ട്ടോകോൾ പാലിച്ച്​ നടന്ന ചടങ്ങിൽ വിദ്യാർഥികൾ സൂം പ്ലാറ്റ്​ഫോം വഴിയാണ്​ ​പ​ങ്കെടുത്തത്​. പ്രിൻസിപ്പൽ ഡോ. മുഹമ്മദ്​ ഹനീഫ്​ സ്വാതന്ത്ര്യ ദിന സന്ദേശനം നൽകി.

ഏഴാം ക്ലാസ്​ വിദ്യാർഥിനി നജ മെഹ്​ദിൻെറ പ്രാർഥന ഗാനത്തോടെ തുടങ്ങിയ ചടങ്ങുകൾക്ക്​, അക്കാദമിക്​ കോഓഡിനേറ്റർ സെബ ആദം സ്വാഗതം പറഞ്ഞു. ഗവേണിങ്​ ബോർഡ്​ ഒഫിഷ്യേറ്റിങ്​​ പ്രസിഡൻറ്​ എ.പി. ഖലിൽ, ഡയറക്​ടർ എം.സി. മുഹമ്മദ്​ എന്നിവർ സംസാരിച്ചു. സ്​കൂൾ അധ്യാപിക അനു മനോജ്​ നന്ദി പറഞ്ഞു. ദേശീയഗാനത്തിനു ശേഷം, വിവിധ കലാപരിപാടികളും മറ്റും അരങ്ങേറി. കുട്ടികൾക്കായി ഫാൻസി ഡ്രസ്​, വാട്​സ്​ആപ്​ സ്​റ്റാറ്റസ്​ മത്സരങ്ങൾ, സ്വാതന്ത്ര്യദിന ക്വിസ്​ തുടങ്ങിയ പരിപാടികൾ നടന്നു.

നോബിൾ സ്കൂൾ

ഇന്ത്യയുടെ 75ാമത്​ സ്വാതന്ത്ര്യവാർഷിക ദിനം കോവിഡ് മാനദണ്ഡങ്ങൾ പാലിച്ചുകൊണ്ട് നോബിൾ ഇൻറർനാഷനൽ സ്കൂളിൽ സമുചിതമായി ആഘോഷിച്ചു. നോബിൾ സ്കൂൾ ട്രഷറർ ഷൗക്കത്തലി താജ് ദേശീയപതാക ഉയർത്തി. സ്കൂൾ ട്രാൻപോർട്ടേഷൻ ഡയറക്ടർ ആർ. എസ്. മൊയ്തീൻ സന്നിഹിതനായി.

സ്കൂൾ പ്രിൻസിപ്പൽ ഷിബു അബ്​ദുൽറഷീദ് സ്വാതന്ത്ര്യ ദിന സന്ദേശം കൈമാറി. വിദ്യാർഥികൾക്ക് ശരിയായ ദിശയിൽ മൂല്യാവബോധം നൽകുന്ന അധ്യാപകരുടെ ഉത്തരവാദിത്തത്തെ കുറിച്ചും അദ്ദേഹം സംസാരിച്ചു. സ്കൂൾ വൈസ് പ്രിൻസിപ്പൽ ജയ്മോൻ ജോയ്, കിൻഡർ ഗാർട്ടൻ ഹെഡ് ഓഫ് സെക്​ഷൻ അസ്മ റോഷൻ, സ്കൂൾ അഡ്മിനിസ്ട്രേറ്റർ നോയലിൻ റോസാരിയോ, അധ്യാപകർ, അനധ്യാപകർ തുടങ്ങിയവർ പങ്കാളികളായി. വിദ്യാർഥികൾ അവതരിപ്പിച്ച വിവിധ സ്വാതന്ത്ര്യ ദിന പരിപാടികൾ ആഘോഷങ്ങളുടെ മാറ്റ് വർധിപ്പിച്ചു. സ്കൂൾ വൈസ് പ്രിൻസിപ്പൽ റോബിൻ കെ. ജോസ് നന്ദി പറഞ്ഞു.

ഡി.പി.എസ്​ മോഡേൺ സ്​കൂൾ

ഡി.പി.എസ്​​ മോഡേൺ സ്​കൂളിൽ പ്രസിഡൻറ്​ ഹസൻ ചൗ​െഗ്ല ദേശീയപതാക ഉയർത്തി. വൈസ്​ പ്രസിഡൻറ്​ യാസിർ നൈനാർ, എക്​സിക്യൂട്ടിവ്​ കമ്മിറ്റി അംഗങ്ങൾ, ജൂനിയർ സ്​കൂൾ വൈസ്​ പ്രിൻസിപ്പൽ ഷിഫാ ശൈഖ്​ എന്നിവർ പ​ങ്കെടുത്തു. ​ദേശീയപതാക ഉയർത്തിയ ശേഷം ഹസൻ ചൗ​െഗ്ല സ്വാതന്ത്ര്യ ദിന സന്ദേശം നൽകി. ജൂനിയർ സ്​കൂൾ ഹെഡ്​ ഗേൾ ഇൻഷിറാ അക്​തർ ഇന്ത്യയുടെ വളർച്ചയും പുരോഗതിയും സംബന്ധിച്ച്​ വിശദീകരിച്ചു. ഹെഡ്​ ഗേൾ ബോയ്​സ്​ സഞ്​ജീവ്​ സുന്ദരരാജ്​ പരിപാടികൾ നിയന്ത്രിച്ചു.

ശാന്തിനികേതൻ സ്​കൂൾ

ശാന്തിനികേതൻ ഇന്ത്യൻ സ്​കൂളിൽ മാനേജിങ്​ കമ്മിറ്റി പ്രസിഡൻറ്​ റഷീദ്​ അഹമ്മദ്​ ദേശീയപതാക ഉയർത്തി. കോവിഡ്​ പ്രോ​ട്ടോകോൾ പാലിച്ചായിരുന്നു ചടങ്ങുകൾ. പട്ടിണിക്കും അഴിമതിക്കും വിവേചനങ്ങൾക്കുമെതിരെ പൊരുതാനും ജാതി-മത വ്യത്യാസമില്ലാതെ ഒ​രൊറ്റ ഇന്ത്യക്കായി പ്രവർത്തിക്കാനും രാജ്യത്തിൻെറ സാംസ്​കാരിക, സാമ്പത്തിക വികസനങ്ങൾക്കായി പ്രയത്​നിക്കാനും സ്വാതന്ത്ര്യ ദിന സന്ദേശത്തിൽ അദ്ദേഹം വിദ്യാർഥി സമൂഹ​േത്താട്​ ആഹ്വാനം ചെയ്​തു. പ്രിൻസിപ്പൽ ഡോ. സുഭാഷ്​ ബി നായർ സംസാരിച്ചു. രക്ഷിതാക്കളും അധ്യാപകരും ആശംസകൾ പങ്കുവെച്ചു. വിദ്യാർഥികളുടെ വിവിധ പരിപാടികളും ഓൺലൈനിൽ സംഘടിപ്പിച്ചു.

ഒലിവ്​ സ്​കൂൾ

ഒലിവ്​ ഇൻറർ നാഷനൽ സ്​കൂൾ ​തുമാമ കാമ്പസിൽ സ്വാതന്ത്ര്യദിനാഘോഷങ്ങൾ നടന്നു. ചെയർമാൻ ഡേവിസ്​ എടക്കുളത്തൂർ ദേശിയപതാക ഉയർത്തി. ​

തുടർന്ന്​ സ്വാതന്ത്ര്യ ദിന സന്ദേശവും നൽകി. സ്​കൂൾ അധ്യാപകരുടെയും, ജീവനക്കാരുടെയും നേതൃത്വത്തിൽ ദേശഭക്തിഗാനങ്ങൾ, നൃത്തങ്ങൾ എന്നിവ അവതരിപ്പിച്ചു. വൈസ്​ ചെയർമാൻ ​റോണി പോൾ സംസാരിച്ചു.