ആ​ഗോ​ള​ത​ല​ത്തി​ൽ ശ്ര​ദ്ധ​നേ​ടാ​ൻ ലു​സൈ​ൽ സ​ർ​ക്യൂ​ട്ട്

ദോ​ഹ: അ​ന്താ​രാ​ഷ്ട്ര മ​ത്സ​ര​ങ്ങ​ൾ​ക്ക് ആ​തി​ഥ്യം വ​ഹി​ക്കാ​ൻ ശേ​ഷി​യു​ള്ള ആ​ഗോ​ള പ്ര​ശ​സ്തി​നേ​ടി​യ വേ​ദി​യാ​യി ലു​സൈ​ൽ മോ​ട്ടോ​ർ റേ​സി​ങ് സ​ർ​ക്യൂ​ട്ട് മാ​റു​മെ​ന്ന് കാ​യി​ക യു​വ​ജ​ന​മ​ന്ത്രി സ​ലാ​ഹ് ബി​ൻ ഗാ​നിം അ​ൽ അ​ലി പ​റ​ഞ്ഞു. 2023 ഒ​ക്ടോ​ബ​ർ ആ​റി​നും എ​ട്ടി​നും ഇ​ട​യി​ൽ ലു​സൈ​ൽ സ​ർ​ക്യൂ​ട്ടി​ൽ ന​ട​ക്കാ​നി​രി​ക്കു​ന്ന ഖ​ത്ത​ർ ഗ്രാ​ൻ​ഡ് പ്രി ​ഫോ​ർ​മു​ല വ​ൺ പ​രി​പാ​ടി​ക​ൾ​ക്ക് അ​ര​ങ്ങൊ​രു​ക്കാ​നു​ള്ള ഖ​ത്ത​റി​ന്റെ ത​യാ​റെ​ടു​പ്പു​ക​ളു​ടെ ഭാ​ഗ​മാ​യി ഡി​സം​ബ​റി​ൽ പൊ​തു​മ​രാ​മ​ത്ത് അ​തോ​റി​റ്റി (അ​ഷ്ഗാ​ൽ) ന​ട​പ്പാ​ക്കാ​ൻ ആ​രം​ഭി​ച്ച ലു​സൈ​ൽ സ​ർ​ക്യൂ​ട്ട് ന​വീ​ക​ര​ണ പ​ദ്ധ​തി​യു​ടെ പ്രാ​ധാ​ന്യം മ​ന്ത്രി ചൂ​ണ്ടി​ക്കാ​ട്ടി. 100,000 ച​തു​ര​ശ്ര മീ​റ്റ​ർ വി​സ്തീ​ർ​ണ​ത്തി​ൽ പു​തി​യ കെ​ട്ടി​ട​ങ്ങ​ൾ നി​ർ​മി​ക്കും. റോ​ഡു​ക​ളു​ടെ കാ​ര്യ​ക്ഷ​മ​ത​യും വ​ർ​ധി​പ്പി​ക്കും. ലു​സൈ​ൽ മോ​ട്ടോ​ർ റേ​സി​ങ് സ​ർ​ക്യൂ​ട്ട് ആ​ഗോ​ള പ​രി​പാ​ടി​ക​ളു​ടെ വേ​ദി​യാ​യി മാ​റു​മെ​ന്ന് ലു​സൈ​ൽ സ​ർ​ക്യൂ​ട്ട് പ​ര്യ​ട​ന​ത്തി​നി​ടെ മ​ന്ത്രി പ​റ​ഞ്ഞു.

ലു​സൈ​ൽ സ​ർ​ക്യൂ​ട്ട് അ​പ്‌​ഗ്രേ​ഡ് പ്രോ​ജ​ക്ട് ഉ​യ​ർ​ന്ന അ​ന്താ​രാ​ഷ്ട്ര നി​ല​വാ​ര​ത്തി​ന​നു​സ​രി​ച്ച് ആ​ധു​നി​ക അ​ടി​സ്ഥാ​ന സൗ​ക​ര്യ​ങ്ങ​ൾ ന​ട​പ്പാ​ക്കു​ന്ന​തി​ലൂ​ടെ ലോ​ക​ത്തെ പ്ര​ശ​സ്ത രാ​ജ്യാ​ന്ത​ര ഇ​വ​ന്റു​ക​ൾ​ക്ക് ആ​തി​ഥ്യ​മൊ​രു​ക്കു​ന്ന​തി​ന് സ​ജ്ജ​മാ​കു​മെ​ന്ന് പൊ​തു​മ​രാ​മ​ത്ത് അ​തോ​റി​റ്റി പ്ര​സി​ഡ​ന്റ് ഡോ. ​സ​അ​ദ് ബി​ൻ അ​ഹ​മ്മ​ദ് അ​ൽ മു​ഹ​ന്ന​ദി പ​റ​ഞ്ഞു. 40,000 കാ​ണി​ക​ളെ ഉ​ൾ​ക്കൊ​ള്ളാ​ൻ ക​ഴി​യു​ന്ന ഗ്രാ​ൻ​ഡ്‌ സ്റ്റാ​ൻ​ഡു​ക​ൾ ഒ​രു​ക്കും. 10,000 കാ​റു​ക​ൾ ഉ​ൾ​ക്കൊ​ള്ളാ​ൻ ക​ഴി​യും​വി​ധം പാ​ർ​ക്കി​ങ് സൗ​ക​ര്യം വി​ക​സി​പ്പി​ക്കും. ചു​റ്റു​പാ​ടു​മു​ള്ള റോ​ഡു​ക​ൾ വി​ക​സി​പ്പി​ക്കു​ന്ന​തി​നൊ​പ്പം സ​ർ​ക്യൂ​ട്ടി​ന്റെ​യും അ​നു​ബ​ന്ധ സൗ​ക​ര്യ​ങ്ങ​ളു​ടെ​യും അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ലു​സൈ​ൽ സ​ർ​ക്യൂ​ട്ട് അ​പ്‌​ഗ്രേ​ഡ് പ​ദ്ധ​തി ഫോ​ർ​മു​ല വ​ൺ ആ​രാ​ധ​ക​ർ​ക്ക് സ​വി​ശേ​ഷ​മാ​യ അ​നു​ഭ​വ​മാ​യി​രി​ക്കു​മെ​ന്ന് ഖ​ത്ത​ർ മോ​ട്ടോ​ർ ആ​ൻ​ഡ് മോ​ട്ടോ​ർ​സൈ​ക്കി​ൾ ഫെ​ഡ​റേ​ഷ​ൻ പ്ര​സി​ഡ​ന്റ് അ​ബ്ദു​ൾ റ​ഹ്മാ​ൻ അ​ൽ മ​ന്നാ​യ് പ​റ​ഞ്ഞു. ഫോ​ർ​മു​ല വ​ൺ സ്പ്രി​ന്റു​ക​ളു​ടെ പു​തി​യ പ​തി​പ്പ് ആ​സ്വ​ദി​ക്കാ​നു​ള്ള മി​ക​ച്ച അ​വ​സ​ര​വും അ​തു​വ​ഴി കൈ​വ​രും. സ​ർ​ക്യൂ​ട്ടി​ന് ചു​റ്റു​മു​ള്ള റോ​ഡു​ക​ളു​ടെ വി​ക​സ​നം, അ​ടി​സ്ഥാ​ന സൗ​ക​ര്യ ശൃം​ഖ​ല​ക​ളു​ടെ നി​ർ​മാ​ണം എ​ന്നി​വ​ക്കു​പു​റ​മേ റേ​സ്‌​ട്രാ​ക് വി​ക​സ​നം, കെ​ട്ടി​ട​ങ്ങ​ളു​ടെ​യും അ​നു​ബ​ന്ധ സൗ​ക​ര്യ​ങ്ങ​ളു​ടെ​യും നി​ർ​മാ​ണം എ​ന്നി​വ ഉ​ൾ​പ്പെ​ടു​ന്ന മൂ​ന്ന് ഘ​ട്ട​ങ്ങ​ളാ​യാ​ണ് ലു​സൈ​ൽ സ​ർ​ക്യൂ​ട്ട് ന​വീ​ക​ര​ണ പ​ദ്ധ​തി ന​ട​പ്പാ​ക്കു​ന്ന​ത്. എ​ല്ലാ ജോ​ലി​ക​ളും 2023 സെ​പ്റ്റം​ബ​റി​ൽ പൂ​ർ​ത്തീ​ക​രി​ക്കാ​നാ​ണ് ല​ക്ഷ്യ​മി​ടു​ന്ന​ത്.

ല​ക്ഷം ച.​മീ. വി​സ്തൃ​തി​യി​ൽ പു​തി​യ കെ​ട്ടി​ട​ങ്ങ​ൾ നി​ർ​മി​ക്കു​ന്ന​തി​നും സ​ർ​ക്യൂ​ട്ടി​ന്റെ സൗ​ക​ര്യ​ങ്ങ​ൾ വി​ക​സി​പ്പി​ക്കു​ന്ന​തി​നു​മു​ള്ള വി​പു​ല​മാ​യ വി​ക​സ​ന പ്ര​വ​ർ​ത്ത​ന​ങ്ങ​ൾ പ​ദ്ധ​തി​യു​ടെ ആ​ദ്യ ഘ​ട്ട​ത്തി​ൽ ഉ​ൾ​പ്പെ​ടു​ന്നു. 7500 പേ​ർ​ക്ക് ഇ​രി​ക്കാ​വു​ന്ന പ്ര​ധാ​ന ഗ്രാ​ൻ​ഡ് സ്റ്റാ​ൻ​ഡ് ന​വീ​ക​രി​ക്ക​ൽ, സ്വീ​ക​ര​ണ മ​ന്ദി​രം ന​വീ​ക​രി​ക്ക​ൽ, 22700 പേ​ർ​ക്ക് ഇ​രി​ക്കാ​വു​ന്ന താ​ൽ​ക്കാ​ലി​ക ഗ്രാ​ൻ​ഡ് സ്റ്റാ​ൻ​ഡു​ക​ൾ, 2700 പേ​ർ​ക്ക് ഇ​രി​ക്കാ​വു​ന്ന ഗെ​സ്റ്റ് ഗ്രാ​ൻ​ഡ് സ്റ്റാ​ൻ​ഡു​ക​ൾ, 2,100 പേ​ർ​ക്ക് ഇ​രി​ക്കാ​വു​ന്ന പ്ര​കൃ​തി​ദ​ത്ത ഗ്രാ​ൻ​ഡ് സ്റ്റാ​ൻ​ഡ്, 5000 പേ​ർ​ക്ക് ഇ​രി​ക്കാ​വു​ന്ന പ്രി​പ​റേ​ഷ​ൻ ബി​ൽ​ഡി​ങ് ഗ്രാ​ൻ​ഡ് സ്റ്റാ​ൻ​ഡ് എ​ന്നി​വ​യും ഇ​തി​ൽ ഉ​ൾ​പ്പെ​ടു​ന്നു. റേ​സ് കാ​ർ പ്രി​പ​റേ​ഷ​ൻ കെ​ട്ടി​ടം, ഹോ​സ്പി​റ്റാ​ലി​റ്റി കെ​ട്ടി​ടം, മീ​ഡി​യ, ഹെ​ൽ​ത്ത് സെ​ന്റ​റു​ക​ൾ, ക​മ​ന്റ​റി, അ​ഡ്മി​നി​സ്‌​ട്രേ​റ്റി​വ്, വി.​ഐ.​പി, അ​ൽ മ​ജ്‌​ലി​സ് എ​ന്നി​വ​യു​ൾ​പ്പെ​ടെ പു​തി​യ പ്ര​ധാ​ന കെ​ട്ടി​ട​ങ്ങ​ളും നി​ർ​മി​ക്കും.

5.3 കി​ലോ​മീ​റ്റ​ർ റേ​സ്‌ ട്രാ​ക് വി​ക​സ​നം ഉ​ൾ​പ്പെ​ടു​ന്ന​താ​ണ് പ​ദ്ധ​തി​യു​ടെ ര​ണ്ടാം ഘ​ട്ടം. അ​തി​ൽ റി​പ്പി​ങ്, മാ​ർ​ക്കി​ങ് ജോ​ലി​ക​ൾ, പു​തി​യ ന​ട​പ്പാ​ത​ക​ൾ നി​ർ​മി​ക്ക​ൽ, ബാ​രി​ക്കേ​ഡു​ക​ളും സു​ര​ക്ഷ ഉ​പ​ക​ര​ണ​ങ്ങ​ളും സ്ഥാ​പി​ക്ക​ൽ, സ്‌​ക്രീ​നു​ക​ളും ലൈ​റ്റി​ങ് സം​വി​ധാ​ന​ങ്ങ​ളും ഒ​രു​ക്ക​ൽ എ​ന്നി​വ​യും ഉ​ൾ​പ്പെ​ടു​ന്നു. ലു​സൈ​ൽ സ​ർ​ക്യൂ​ട്ടി​ന് തെ​ക്ക്, വ​ട​ക്ക് ഭാ​ഗ​ങ്ങ​ളി​ലാ​യി ര​ണ്ട് ട​ണ​ലു​ക​ൾ, കാ​ൽ​ന​ട​ക്കാ​ർ​ക്കാ​യി തു​ര​ങ്കം നി​ർ​മി​ക്ക​ൽ, വി.​ഐ.​പി ട​ണ​ൽ വി​ക​സി​പ്പി​ക്ക​ൽ, ആ​രാ​ധ​ക​ർ​ക്കാ​യി 5,550 കാ​റു​ക​ൾ​ക്കു​ള്ള പാ​ർ​ക്കി​ങ് സൗ​ക​ര്യ​ങ്ങ​ൾ, 1,450 കാ​റു​ക​ൾ ഉ​ൾ​ക്കൊ​ള്ളു​ന്ന വി.​ഐ.​പി പാ​ർ​ക്കി​ങ് എ​ന്നി​വ​യും പ്ര​വൃ​ത്തി​ക​ളി​ൽ ഉ​ൾ​പ്പെ​ടു​ന്നു.

സ​ർ​ക്യൂ​ട്ടി​ന്റെ പ്ര​ധാ​ന ഗേ​റ്റും ചു​റ്റു​മു​ള്ള വേ​ലി​ക​ളും വി​ക​സി​പ്പി​ക്കു​ന്ന​തി​നൊ​പ്പം ട്രാ​ക്കി​ന് ചു​റ്റും സൗ​ന്ദ​ര്യ​വ​ത്ക​ര​ണ പ്ര​വ​ർ​ത്ത​ന​ങ്ങ​ളും ന​ട​ത്തും. 180,000 ച​തു​ര​ശ്ര മീ​റ്റ​ർ പ​ച്ച​പ്പ് ഒ​രു​ക്കും. 19 കി​ലോ​മീ​റ്റ​ർ ഡ്രെ​യി​നേ​ജ് ശൃം​ഖ​ല​യു​ടെ വി​ക​സ​നം, 14.6 കി​ലോ​മീ​റ്റ​ർ ഭൂ​ഗ​ർ​ഭ​ജ​ല ഡ്രെ​യി​നേ​ജ് ശൃം​ഖ​ല, 5.9 കി​ലോ​മീ​റ്റ​ർ ഡ്രെ​യി​നേ​ജ് ശൃം​ഖ​ല, ജ​ല​സേ​ച​ന​ത്തി​ന് ഉ​പ​യോ​ഗി​ക്കു​ന്ന ആ​റു കി​ലോ​മീ​റ്റ​ർ ടി.​എ​സ്.​ഇ നെ​റ്റ്‌​വ​ർ​ക് എ​ന്നി​വ​യും ഉ​ൾ​പ്പെ​ടു​ന്നു. കൂ​ടാ​തെ 35.6 കി.​മീ വൈ​ദ്യു​തി ലൈ​നു​ക​ളും ന​വീ​ക​രി​ക്കും.

പ​ദ്ധ​തി​യു​ടെ മൂ​ന്നാം ഘ​ട്ട​ത്തി​ൽ ലു​സൈ​ൽ സ​ർ​ക്യൂ​ട്ടി​ന് ചു​റ്റു​മു​ള്ള ഇ​ന്റ​ർ​ചേ​ഞ്ചു​ക​ളും റോ​ഡു​ക​ളും വി​ക​സി​പ്പി​ക്കും. 21 കി​ലോ​മീ​റ്റ​ർ നീ​ള​ത്തി​ൽ ഇ​ന്റേ​റ​ൺ റോ​ഡു​ക​ൾ വി​ക​സി​പ്പി​ക്കു​ന്ന​തി​നൊ​പ്പം അ​വ​യെ പ്ര​ധാ​ന റോ​ഡ് ശൃം​ഖ​ല​യു​മാ​യി ബ​ന്ധി​പ്പി​ക്കു​ക​യും ചെ​യ്യും.

2021 മാ​ർ​ച്ചി​ൽ ന​ട​ന്ന ഖ​ത്ത​ർ ഗ്രാ​ൻ​ഡ് പ്രീ​യു​ടെ​യും അ​തേ വ​ർ​ഷം ഏ​പ്രി​ലി​ൽ ഖ​ത്ത​ർ ആ​തി​ഥ്യം വ​ഹി​ച്ച മോ​ട്ടോ ജി.​പി വേ​ൾ​ഡ് ചാ​മ്പ്യ​ൻ​ഷി​പ്പി​ന്റെ​യും വി​ജ​യ​ത്തി​ന് ലു​സൈ​ൽ സ​ർ​ക്യൂ​ട്ട് അ​പ്‌​ഗ്രേ​ഡ് പ്രോ​ജ​ക്ടി​ന്റെ ആ​ദ്യ​ഘ​ട്ടം ഏ​റെ സം​ഭാ​വ​ന ന​ൽ​കി​യി​രു​ന്നു.