തട്ടിപ്പിൽ വീഴരുതേ...

ദോ​ഹ: സൈ​ബ​ർ ലോ​ക​ത്തെ ത​ട്ടി​പ്പി​നെ​തി​രെ ജാ​ഗ്ര​ത നി​ർ​ദേ​ശ​വു​മാ​യി ആ​ഭ്യ​ന്ത​ര മ​ന്ത്രാ​ല​യം. വ്യാ​ജ സ​ന്ദേ​ശ​ങ്ങ​ളും ഫോ​ൺ​വി​ളി​ക​ളു​മാ​യി ന​ട​ത്തു​ന്ന ത​ട്ടി​പ്പി​ൽ വീ​ഴ​രു​തെ​ന്നും ഇ​ത്ത​രം ശ്ര​മ​ങ്ങ​ളി​ൽ​നി​ന്ന് സു​ര​ക്ഷി​ത​രാ​യി​രി​ക്കാ​ൻ ​ജാ​ഗ്ര​ത പാ​ലി​ക്ക​ണ​മെ​ന്നും ആ​ഭ്യ​ന്ത​ര മ​ന്ത്രാ​ല​യം ഓ​ർ​മ​പ്പെ​ടു​ത്തി. സൈ​ബ​ർ ആ​ക്ര​മ​ണ​ങ്ങ​ളെ പ്ര​തി​രോ​ധി​ക്കു​ന്ന​തി​നു​ള്ള നി​ർ​ദേ​ശ​ങ്ങ​ളും ആ​ഭ്യ​ന്ത​ര മ​ന്ത്രാ​ല​യം പു​റ​ത്തു​വി​ട്ടു.

വ്യ​ക്തി​യു​ടെ ഉ​പ​ക​ര​ണം സൈ​ബ​ർ ഭീ​ഷ​ണി​യി​ലാ​ണെ​ന്ന് അ​റി​യി​ക്കു​ന്ന നി​ര​വ​ധി സൂ​ച​ന​ക​ൾ ആ​ഭ്യ​ന്ത​ര മ​ന്ത്രാ​ല​യം ട്വീ​റ്റ് ചെ​യ്തു. ഇ​ന്റ​ർ​നെ​റ്റ് ഉ​പ​യോ​ഗ​വും വി​വി​ധ ആ​പ്ലി​ക്കേ​ഷ​നു​ക​ളു​ടെ കൈ​കാ​ര്യ​വും സ​ജീ​വ​മാ​കു​മ്പോ​ൾ അ​റി​യാ​തെ ത​ട്ടി​പ്പി​നി​ര​യാ​വാ​നു​ള്ള സാ​ഹ​ച​ര്യം മ​ന​സ്സി​ലാ​ക്ക​ണ​മെ​ന്ന് മു​ന്ന​റി​യി​പ്പ് ന​ൽ​കു​ന്നു.

ഹാ​ക്കി​ങ് സൂ​ക്ഷി​ക്കു​ക

​മൊ​ബൈ​ൽ ഫോ​ണും ക​മ്പ്യൂ​ട്ട​റും ഉ​ൾ​പ്പെ​ടെ ഉ​പ​ക​ര​ണ​ങ്ങ​ൾ ഹാ​ക്ക് ചെ​യ്യ​പ്പെ​ടാ​നു​ള്ള സാ​ഹ​ച​ര്യ​ങ്ങ​ൾ സൂ​ക്ഷി​ക്ക​ണ​മെ​ന്ന് അ​ധി​കൃ​ത​ർ നി​ർ​ദേ​ശി​ക്കു​ന്നു. അ​ന​ധി​കൃ​ത ലോ​ഗി​നു​ക​ൾ പോ​ലു​ള്ള ത​ട്ടി​പ്പു​ക​ൾ മൊ​ബൈ​ൽ ആ​പ്ലി​ക്കേ​ഷ​നു​ക​ൾ വ​ഴി ന​ട​ക്കാ​നി​ട​യു​ണ്ട്. പ​തി​വി​ലും വേ​ഗ​ത്തി​ൽ ബാ​റ്റ​റി തീ​ർ​ന്നു​പോ​കു​ന്ന​ത് സൈ​ബ​ർ ഹാ​ക്ക് പ്ര​വ​ർ​ത്ത​ന​ങ്ങ​ളു​ടെ സൂ​ച​ന​യാ​ണ്. ഉ​പ​യോ​ഗ​ത്തി​ലി​രി​ക്കു​ന്ന സ​മ​യം ഉ​പ​ക​ര​ണ​ത്തി​ന്റെ കാ​ര്യ​ക്ഷ​മ​ത പെ​ട്ടെ​ന്ന് കു​റ​യു​ന്ന​തും അ​പ​ക​ട​ത്തി​ലാ​ണെ​ന്ന സൂ​ച​ന​യാ​ണ് ന​ൽ​കു​ന്ന​ത്.

അ​ധി​കം ഉ​പ​യോ​ഗി​ക്കാ​തെ​യും ഒ​രു കാ​ര​ണ​മി​ല്ലാ​തെ​യും സ്മാ​ർ​ട്ട് ഫോ​ൺ അ​മി​ത​മാ​യി ചൂ​ടാ​കു​മ്പോ​ൾ ഉ​ണ്ടാ​യേ​ക്കാ​വു​ന്ന സൈ​ബ​ർ ആ​ക്ര​മ​ണ​ങ്ങ​ളെ​ക്കു​റി​ച്ച് വ്യ​ക്തി​ക​ൾ അ​റി​ഞ്ഞി​രി​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം പ​റ​ഞ്ഞു. പൗ​ര​ന്മാ​രും താ​മ​സ​ക്കാ​രും ഇ​ത്ത​രം അ​നു​ഭ​വ​ങ്ങ​ളി​ൽ ക​രു​തി​യി​രി​ക്ക​ണ​മെ​ന്നും ഉ​പ​യോ​ക്താ​വി​ന്റെ അ​നു​മ​തി​യി​ല്ലാ​തെ ഉ​പ​ക​ര​ണ​ത്തി​ന്റെ ക്ര​മീ​ക​ര​ണ​ങ്ങ​ളി​ൽ മാ​റ്റ​ങ്ങ​ൾ വ​രു​ത്തു​മ്പോ​ഴും സൈ​ബ​ർ ഹാ​ക്കു​ക​ൾ സം​ഭ​വി​ക്കു​മെ​ന്നും മ​ന്ത്രാ​ല​യം ചൂ​ണ്ടി​ക്കാ​ട്ടി. സൈ​ബ​ർ സു​ര​ക്ഷ​യി​ലെ ആ​ഗോ​ള ഭീ​മ​നാ​യ ട്രെ​ൻ​ഡ് മൈ​ക്രോ​യു​ടെ ഏ​റ്റ​വും പു​തി​യ റി​പ്പോ​ർ​ട്ടു​ക​ൾ പ്ര​കാ​രം ഒ​രു വ​ർ​ഷ​ത്തി​നി​ടെ 23 ദ​ശ​ല​ക്ഷം സൈ​ബ​ർ സു​ര​ക്ഷ ഭീ​ഷ​ണി​ക​ളാ​ണ് ഖ​ത്ത​ർ ത​ട​ഞ്ഞ​ത്.

41 ല​ക്ഷ​ത്തി​ല​ധി​കം അ​പ​ക​ട​ക​ര​മാ​യ ഇ-​മെ​യി​ലു​ക​ളും എ​ട്ടു ദ​ശ​ല​ക്ഷ​ത്തോ​ളം മാ​ൽ​വെ​യ​ർ ആ​ക്ര​മ​ണ​ങ്ങ​ളും ഇ​ക്കാ​ല​യ​ള​വി​ൽ ക​ണ്ടെ​ത്തി​യ​താ​യും രാ​ജ്യ​ത്ത് 51 ദ​ശ​ല​ക്ഷം ആ​ഭ്യ​ന്ത​ര​വും വൈ​ദേ​ശി​ക​വു​മാ​യ സൈ​ബ​ർ ആ​ക്ര​മ​ണ​ങ്ങ​ളെ ട്രെ​ൻ​ഡ് മൈ​ക്രോ ത​ട​ഞ്ഞ​താ​യും റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി.

2023ന്റെ ​ആ​ദ്യ പാ​ദ​ത്തി​ൽ സൈ​ബ​ർ ആ​ക്ര​മ​ണ​ങ്ങ​ളെ​ക്കു​റി​ച്ചും അ​തി​ന്റെ അ​പ​ക​ട സാ​ധ്യ​ത​ക​ളു​മാ​യി ബ​ന്ധ​പ്പെ​ട്ടും ആ​ഭ്യ​ന്ത​ര മ​ന്ത്രാ​ല​യം പ്ര​ത്യേ​ക പ​രി​പാ​ടി സം​ഘ​ടി​പ്പി​ച്ചി​രു​ന്നു. സൈ​ബ​ർ കു​റ്റ​കൃ​ത്യ​ങ്ങ​ളു​ടെ അ​ന​ന്ത​ര​ഫ​ല​ങ്ങ​ളും നി​യ​മ​ന​ട​പ​ടി​ക​ൾ സം​ബ​ന്ധി​ച്ചും മ​ന്ത്രാ​ല​യം മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. കു​റ്റ​കൃ​ത്യ​ങ്ങ​ളു​ടെ സ്വ​ഭാ​വ​മ​നു​സ​രി​ച്ച് 2014ലെ 14ാം ​ന​മ്പ​ർ നി​യ​മ​പ്ര​കാ​രം ത​ട​വും പി​ഴ​യു​മ​ട​ക്ക​മു​ള്ള ശി​ക്ഷ​ക​ളാ​ണ് സൈ​ബ​ർ കു​റ്റ​വാ​ളി​ക​ൾ​ക്ക് ല​ഭി​ക്കു​ക.

അ​ജ്ഞാ​ത സ​ന്ദേ​ശ​ങ്ങ​ൾ​ക്ക് പ്ര​തി​ക​രി​ക്കും​മു​മ്പ്

മൊ​ബൈ​ൽ ഫോ​ൺ വ​ഴി ഇം​ഗ്ലീ​ഷി​ലും ഹി​ന്ദി​യി​ലും അ​റ​ബി​യി​ലു​മാ​യി എ​ത്തു​ന്ന സ​ന്ദേ​ശ​ങ്ങ​ളോ​ട് പ്ര​തി​ക​രി​ക്കും​മു​മ്പ് ര​ണ്ടു ത​വ​ണ ആ​ലോ​ചി​ക്കു​ക. ഒ​രു കാ​ര​ണ​വ​ശാ​ലും ഒ.​ടി.​പി ന​മ്പ​റു​ക​ൾ ആ​രു​മാ​യും പ​ങ്കു​വെ​ക്ക​രു​ത്. ഒ.​ടി.​പി, എ.​ടി.​എം വി​ശ​ദാം​ശ​ങ്ങ​ൾ, പി​ൻ ന​മ്പ​ർ എ​ന്നി​വ ആ​വ​ശ്യ​പ്പെ​ട്ട് ബാ​ങ്കി​ൽ നി​ന്നെ​ന്ന് പ​റ​ഞ്ഞു​ള്ള ഫോ​ൺ സ​ന്ദേ​ശ​ത്തി​നും മ​റു​പ​ടി ന​ൽ​ക​രു​ത്. ലാ​ഭം ന​ൽ​കാം, മി​ക​ച്ച സ​മ്മാ​ന​ങ്ങ​ൾ കാ​ത്തി​രി​ക്കു​ന്നു തു​ട​ങ്ങി​യ തെ​റ്റാ​യ വാ​ഗ്ദാ​ന​ങ്ങ​ൾ ന​ൽ​കി ല​ഭി​ക്കു​ന്ന സ​ന്ദേ​ശ​ങ്ങ​ളി​ലെ ലി​ങ്കു​ക​ൾ തു​റ​ക്ക​രു​തെ​ന്ന് വി​വി​ധ ബാ​ങ്കു​ക​ൾ ത​ന്നെ ഉ​പ​ഭോ​ക്താ​ക്ക​ളെ എ​സ്.​എം.​എ​സ് സ​ന്ദേ​ശ​ങ്ങ​ളി​ലൂ​ടെ ആ​വ​ർ​ത്തി​ച്ച് ഓ​ർ​മ​പ്പെ​ടു​ത്തു​ന്നു​ണ്ട്. ഇ​ത്ത​രം ത​ട്ടി​പ്പു​ക​ൾ​ക്ക് ഇ​ര​യാ​യു​ള്ള ന​ഷ്ട​ത്തി​ന് മ​റ്റാ​രും ഉ​ത്ത​ര​വാ​ദി​ക​ളാ​യി​രി​ക്കി​ല്ലെ​ന്നും ബാ​ങ്കു​ക​ൾ ഉ​പ​ഭോ​ക്താ​ക്ക​ളെ ബോ​ധ്യ​പ്പെ​ടു​ത്തു​ന്നു.