പോഡാർ പേൾ സ്കൂളിന്റെ ദേശീയ കായിക ദിനാഘോഷ പരിപാടികളിൽനിന്ന്
ദോഹ: പോഡാർ പേൾ സ്കൂൾ ഖത്തർ ദേശീയ കായികദിനം അൽ അറബി സ്റ്റേഡിയത്തിൽ വിവിധ പരിപാടികളോടെ ആഘോഷിച്ചു. വിവിധ ഡ്രില്ലുകൾ, യോഗ, എയ്‌റോബിക് ഡിസ്‌പ്ലേകൾ എന്നിവയിൽ നിരവധി വിദ്യാർഥികൾ പങ്കെടുത്തു. ഇന്റർ ഹൗസ് മത്സരങ്ങൾ വിദ്യാർഥികൾക്കും അധ്യാപകർക്കുമിടയിൽ ഏറെ ആവേശം സൃഷ്ടിച്ചു. നാലു ഹൗസുകളിലെയും വിദ്യാർഥികളുടെ വർണാഭമായ മാർച്ച് പാസ്റ്റോടെയാണ് പരിപാടികൾ ആരംഭിച്ചത്.
പോഡാർ പേൾ സ്കൂൾ പ്രസിഡന്റ് സാം മാത്യു മാർച്ച് പാസ്റ്റിൽ സല്യൂട്ട് സ്വീകരിച്ചു. ശേഷം സ്പോർട്സ് മീറ്റ് ഉദ്ഘാടനം ചെയ്തു. രക്ഷിതാക്കൾക്കും അധ്യാപകർക്കും വേണ്ടിയുള്ള രസകരമായ മത്സരങ്ങളോടെയാണ് മീറ്റ് സമാപിച്ചത്. വിജയികൾക്ക് മെഡലുകളും സർട്ടിഫിക്കറ്റുകളും ട്രോഫികളും വിതരണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.