ഫാം ​ടൂ​റി​സ​ത്തി​ന് പ്രോ​ത്സാ​ഹ​നം; ക​ര​ട് നി​ർ​ദേ​ശ​ത്തി​ന് അം​ഗീ​കാ​രം

ദോ​ഹ: ഫാം ​ടൂ​റി​സം പ്രോ​ത്സാ​ഹി​പ്പി​ക്കു​ന്ന​തി​നു​ള്ള മു​നി​സി​പ്പാ​ലി​റ്റി മ​ന്ത്രാ​ല​യ​ത്തി​ന്റെ ക​ര​ട് നി​ർ​ദേ​ശ​ത്തി​ന് അം​ഗീ​കാ​രം ന​ൽ​കി ഖ​ത്ത​ർ മ​ന്ത്രി​സ​ഭ യോ​ഗം. പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ർ​റ​ഹ്മാ​ൻ ആ​ൽ ഥാ​നി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന പ്ര​തി​വാ​ര മ​ന്ത്രി​സ​ഭ യോ​ഗ​മാ​ണ് നി​ർ​ദേ​ശ​ത്തി​ന് അം​ഗീ​കാ​രം ന​ൽ​കി​യ​ത്.

കാ​ർ​ഷി​ക പ്ര​വ​ർ​ത്ത​ന​ങ്ങ​ളു​ടെ പ്രാ​ധാ​ന്യ​ത്തെ​ക്കു​റി​ച്ച് പൊ​തു​സ​മൂ​ഹ​ത്തി​ൽ അ​വ​ബോ​ധം സൃ​ഷ്ടി​ക്കു​ന്ന​തി​നും ക​ർ​ഷ​ക​രു​ടെ വ​രു​മാ​നം വ​ർ​ധി​പ്പി​ക്കു​ന്ന​തി​നു​മാ​യി ര​ജി​സ്റ്റ​ർ ചെ​യ്ത ഫാ​മു​ക​ളി​ൽ ടൂ​റി​സം പ്ര​വ​ർ​ത്ത​ന​ങ്ങ​ൾ​ക്ക് അ​നു​മ​തി ന​ൽ​കു​ന്ന​താ​ണ് മ​ന്ത്രാ​ല​യ​ത്തി​ന്റെ നി​ർ​ദേ​ശം.

ഇ​ത് കാ​ർ​ഷി​ക വൃ​ത്തി പു​തു​ത​ല​മു​റ​ക്ക് പ​രി​ച​യം ന​ൽ​കാ​നും ഒ​പ്പം അ​വ​രെ ആ​ക​ർ​ഷി​ക്കാ​നും സ​ഹാ​യി​ക്കും. ഇ​തി​നു പു​റ​മെ കാ​ർ​ഷി​ക ഫാ​മു​ക​ൾ​ക്ക് അ​ധി​ക വ​രു​മാ​ന​ത്തി​നു​ള്ള സാ​ധ്യ​ത​കൂ​ടി ഫാം ​ടൂ​റി​സം ന​ൽ​കു​മെ​ന്ന പ്ര​ത്യേ​ക​ത​യു​മു​ണ്ട്.

ഖ​ത്ത​റി​ൽ വാ​ണി​ജ്യ, വ്യ​വ​സാ​യ സ്ഥാ​പ​ന​ങ്ങ​ളി​ലെ പ്ര​വൃ​ത്തി സ​മ​യം ക്ര​മീ​ക​രി​ക്കു​ന്ന​തി​നു​ള്ള മ​ന്ത്രാ​ല​യ​ത്തി​​ന്റെ ക​ര​ട് നി​ർ​ദേ​ശ​ത്തി​നും മ​ന്ത്രി​സ​ഭാ യോ​ഗം അം​ഗീ​കാ​രം ന​ൽ​കി. സ​മാ​ന സ്വ​ഭാ​വ​മു​ള്ള വാ​ണി​ജ്യ, വ്യ​വ​സാ​യ സ്ഥാ​പ​ന​ങ്ങ​ളു​ടെ​യും തെ​രു​വോ​ര ക​ച്ച​വ​ട​ങ്ങ​ളു​ടെ​യും പ്ര​വ​ർ​ത്ത​നം സം​ബ​ന്ധി​ച്ച 2015ലെ ​നി​യ​മ​ത്തെ അ​ടി​സ്ഥാ​ന​മാ​ക്കി​യാ​ണ് മ​ന്ത്രാ​ല​യം പു​തി​യ ക​ര​ട് നി​ർ​ദേ​ശം ത​യാ​റാ​ക്കി​യ​ത്.

സേ​വ​ന​ങ്ങ​ളു​ടെ​യും ഉ​ൽ​പ​ന്ന​ങ്ങ​ളു​ടെ​യും ല​ഭ്യ​ത ഉ​റ​പ്പാ​ക്കാ​നും തൊ​ഴി​ൽ-​പ്ര​വൃ​ത്തി സ​മ​യം ക്ര​മീ​ക​രി​ക്കാ​നും ല​ക്ഷ്യ​മി​ട്ടാ​ണ് പു​തി​യ ച​ട്ട​ക്കൂ​ട് ത​യാ​റാ​ക്കു​ന്ന​ത്.

ഇ​ത് തൊ​ഴി​ലാ​ളി​ക​ളു​ടെ അ​വ​കാ​ശ സം​ര​ക്ഷ​ണ​ത്തി​ലും സ്ഥാ​പ​ന​ങ്ങ​ളു​ടെ നി​യ​ന്ത്ര​ണ​വും മേ​ൽ​നോ​ട്ട​വും സാ​ധ്യ​മാ​ക്കാ​നും, അ​ന്യാ​യ​മാ​യ മ​ത്സ​രം ത​ട​യാ​നും, സ​മ്മ​ർ​ദ തൊ​ഴി​ൽ സാ​ഹ​ച​ര്യ​ങ്ങ​ളെ ഒ​ഴി​വാ​ക്കാ​നും വ​ഴി​യൊ​രു​ക്കും. തൊ​ഴി​ൽ കാ​ര്യ​ക്ഷ​മ​ത മെ​ച്ച​പ്പെ​ടു​ത്തു​ക, ഉ​ൽ​പാ​ദ​ന​ക്ഷ​മ​ത വ​ർ​ധി​പ്പി​ക്കു​ക എ​ന്നി​വ​യും സ​മ​യ​ക്ര​മീ​ക​ര​ണ​ത്തി​ന്റെ ല​ക്ഷ്യ​മാ​ണെ​ന്ന് മ​ന്ത്രി​സ​ഭാ നി​ർ​ദേ​ശ​ത്തി​ൽ വ്യ​ക്ത​മാ​ക്കു​ന്നു.

അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി​യു​ടെ ഇ​റ്റ​ലി, ജ​ർ​മ​നി രാ​ജ്യ​ങ്ങ​ളി​ലെ സ​ന്ദ​ർ​ശ​ന​ത്തെ മ​ന്ത്രി​സ​ഭാ യോ​ഗം അ​ഭി​ന​ന്ദി​ച്ചു.

ഇ​രു രാ​ജ്യ​ങ്ങ​ളി​ലെ​യും ​ത​ല​വ​ന്മാ​രു​മാ​യു​ള്ള അ​മീ​റി​​ന്റെ കൂ​ടി​ക്കാ​ഴ്ച​ക​ൾ ഫ​ല​പ്ര​ദ​മാ​യി​രു​ന്നു​വെ​ന്ന് വ്യ​ക്ത​മാ​ക്കി​യ മ​ന്ത്രി​സ​ഭ, വി​വി​ധ മേ​ഖ​ല​ക​ളി​ലെ സ​ഹ​ക​ര​ണം സം​ബ​ന്ധി​ച്ച ക​രാ​റു​ക​ളും ധാ​ര​ണ​ക​ളും സൗ​ഹൃ​ദ​വും ന​യ​ത​ന്ത്ര ബ​ന്ധ​വും ശ​ക്ത​മാ​ക്കു​ന്ന​തി​ൽ നി​ർ​ണാ​യ​ക​മാ​വു​മെ​ന്നും പ​റ​ഞ്ഞു. മേ​ഖ​ല​യു​ടെ സു​ര​ക്ഷ​യും സ​മാ​ധാ​ന​വും ഉ​റ​പ്പാ​ക്കു​ന്ന​തി​ൽ നി​ർ​ണാ​യ​ക​മാ​യി​രു​ന്നു കൂ​ടി​ക്കാ​ഴ്ച​ക​ളെ​ന്നും വി​ല​യി​രു​ത്തി.