ദോഹ: ലോകകപ്പിന് മാച്ച് ടിക്കറ്റും വിമാനയാത്ര ടിക്കറ്റും താമസസൗകര്യവും ഉൾപ്പെടെയുള്ള ഗ്രൂപ് പാക്കേജ് അവതരിപ്പിച്ച് ഖത്തർ എയർവേസ്. ലോകത്തിന്‍റെ ഏത് ഭാഗത്തുനിന്നും ഖത്തറിൽ കളി കാണാൻ എത്തുന്ന ആരാധകർക്ക് യാത്രയും താമസവും മത്സര ടിക്കറ്റും വാഗ്ദാനംചെയ്യുന്ന ഓഫറുമായാണ് ഖത്തർ എയർവേസ് ആരാധകർക്ക് മികച്ച പാക്കേജ് അവതരിപ്പിക്കുന്നത്. qatarairways.com/FIFA2022 എന്ന ലിങ്ക് വഴി, ഇഷ്ട ടീമിനെ തിരഞ്ഞെടുപ്പ് വൈവിധ്യമാർന്ന പാക്കേജുകളിൽ ടിക്കറ്റ് ബുക്ക് ചെയ്യാം. നവംബർ 20 മുതൽ ഡിസംബർ മൂന്ന് വരെയുള്ള ടീം പാക്കേജ്, നവംബർ 20 മുതൽ 27 വരെയുള്ള മൂന്ന് മത്സരങ്ങളുള്ള ഗ്രൂപ് പാക്കേജ്, നവംബർ 27 മുതൽ ഡിസംബർ മൂന്നുവരെ മൂന്ന് മത്സരങ്ങളുള്ള ലേറ്റർ ഗ്രൂപ് പാക്കേജ്, ഡിസംബർ മൂന്ന് മുതൽ ഏഴ് വരെയുള്ള പ്രീക്വാർട്ടർ പാക്കേജ് (രണ്ട് മത്സരം), ഡിസംബർ ഏഴ് മുതൽ 11 വരെയുള്ള ക്വാർട്ടർ ഫൈനൽ പാക്കേജ് (രണ്ട് മത്സരം), ഡിസംബർ 11 മുതൽ 19 വരെയുള്ള ഫൈനൽ റൗണ്ട് പാക്കേജ് (മൂന്ന് മത്സരം), 15 മുതൽ 19 വരെ ഫൈനൽ പാക്കേജ് (രണ്ട് മത്സരം) എന്നിവയാണ് ആരാധകർക്കായി നൽകുന്നത്.
കഴിഞ്ഞ സെപ്റ്റംബറിലാണ് ആരാധകർക്കായി ഖത്തർ എയർവേസ് മൾട്ടി പാക്കേജ് ആരംഭിച്ചത്. നിലവിൽ മാച്ച് ടിക്കറ്റിന് ആവശ്യക്കാർ ഉയർന്നതോടെ, കൂടുതൽ മത്സരങ്ങളും സൗകര്യങ്ങളും ഉൾപ്പെടുത്തിയ പാക്കേജ് വിവിധ രാജ്യങ്ങളിൽനിന്നുള്ള ആരാധകർക്ക് ഫലപ്രദമാവും.
പ്രിവിലേജ് കാർഡ് അംഗങ്ങൾക്കാണ് ഫാൻ പാക്കേജ് സ്വന്തമാക്കാൻ അവസരമുള്ളത്. ലോകകപ്പിന്‍റെ ഔദ്യോഗിക എയർലൈൻസ് കൂടിയാണ് ഖത്തർ എയർവേസ്. വിവിധ രാജ്യങ്ങളിലായി 150 സ്ഥലങ്ങളിലേക്ക് സർവിസ് നടത്തുന്നതിനാൽ, ഏത് കോണിൽനിന്ന് ഖത്തറിലെത്താനും കഴിയും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.