ഖുർആൻ ഉൾസാരം പ്രകാശനം ദോഹ പുസ്തകമേളയിലെ ഐ.പി.എച്ച് പവിലിയനിൽ നടന്നപ്പോൾ
ദോഹ: എഴുത്തുകാരനും വിവർത്തകനുമായ ഹുസൈൻ കടന്നമണ്ണ രചിച്ച് ഐ.പി.എച്ച് പ്രസിദ്ധീകരിച്ച ഖുർആൻ ഉൾസാരം (അമ്മ ജുസുഅ) വായന ലോകത്തിന് സമർപ്പിച്ചു. ദോഹ അന്താരാഷ്ട്ര പുസ്തകമേളയിൽ നടന്ന ചടങ്ങിൽ കുവൈത്ത് എഴുത്തുകാരൻ യാസർ അൽ ബഹ്‌രി, പ്രമുഖ ബ്രിട്ടീഷ് ഇസ്‍ലാമിക് പ്രസാധകൻ ഇദ്‌രീസ് മേയേഴ്സിന് നൽകി പ്രകാശനം ചെയ്തു.
പദവിന്യാസത്തിൽ ലാളിത്യവും ഭാഷയിൽ ഹൃദ്യതയും വ്യാഖ്യാനത്തിൽ സമകാലികതയും പുലർത്തി, അറബിപദങ്ങളുടെ വിശാല അർഥധ്വനികളിലൂന്നി വികസിക്കുന്ന വേറിട്ടൊരു ഖുർആൻ പരിഭാഷയാണ് ഇത്. ഖത്തറിലെ പ്രശസ്ത എഴുത്തുകാരനായ സാലിഹ് അൽ ഗരീബി, സെന്റർ ഫോർ ഇന്ത്യൻ കമ്യൂണിറ്റി ഖത്തർ വൈസ് പ്രസിഡന്റ് ഹബീബ്‌ റഹ്മാൻ കീഴിശ്ശേരി, ബിലാൽ ഹരിപ്പാട്, ബഷീർ അഹ്‌മദ്‌, റഷീദ് മമ്പാട്, ഷുക്കൂർ എ.എം, ഫർഹാൻ എന്നിവർ പ്രകാശന ചടങ്ങിൽ സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.