ദോഹ: രാജ്യത്തെ മൂന്ന് പെേട്രാൾ സ്റ്റേഷനുകളിലേക്കുള്ള റോഡ് ശൃംഖലാ നിർമാണം പൊതുമരാമത്ത് അതോറിറ്റി അശ്ഗാൽ പൂർത്തിയാക്കി. ബു സുൽബ, അൽ നഖിയാൻ, സീലൈൻ റോഡ് പെേട്രാൾ സ്റ്റേഷനുകളിലേക്കുള്ള 4.1 കിലോമീറ്റർ ദൈർഘ്യമുള്ള റോഡ് ശൃംഖലയാണ് നിർമാണം പൂർത്തിയാക്കി ഗതാഗതത്തിന് തുറന്നുകൊടുത്തത്. റോഡ് നിർമാണം, എൻട്രൻസ്, എക്സിറ്റ് എന്നിവയുൾപ്പെടെയാണ് നിർമാണം. േഗ്രറ്റർ ദോഹ സൗത്ത് പദ്ധതിയുടെ ഘട്ടം ആറിനോടനുബന്ധിച്ചാണ് റോഡ് ശൃംഖല നിർമിച്ചിരിക്കുന്നത്.
പുതിയ റോഡുകൾ ഗതാഗത യോഗ്യമായതോടെ പെേട്രാൾ സ്റ്റേഷനുകളിലേക്കുള്ള പ്രവേശനവും പുറത്തുകടക്കലും സുരക്ഷിതമാക്കും. പെേട്രാൾ സ്റ്റേഷനുകളുടെ സമീപത്തുള്ള റോഡുകളിലെ ഗതാഗതവും ഇതോടൊപ്പം കൂടുതൽ സുഗമമാകും. രാജ്യത്തുടനീളം റോഡുകളുടെ സൗകര്യം വർധിപ്പിക്കുന്നതിനും ഗതാഗതം സുഗമമാക്കുന്നതിനുമായി നിരവധി പദ്ധതികളാണ് അശ്ഗാൽ നടപ്പാക്കിക്കൊണ്ടിരിക്കുന്നത്. ബു സുൽബ സ്റ്റേഷന് സമീപം 1.4 കിലോമീറ്റർ, അൽ നഖിയാൻ സ്റ്റേഷന് സമീപം 2 കിലോമീറ്റർ, സീലൈൻ റോഡ് പെ േട്രാൾ സ്റ്റേഷന് സമീപം .
7 കിലോമീറ്റർ എന്നിങ്ങനെയാണ് റോഡുകളുടെ നിർമാണം പൂർത്തീകരിച്ചിരിക്കുന്നതെന്ന് അശ്ഗാൽ അറിയിച്ചു. പദ്ധതികൾ കൃത്യമായും വേഗത്തിലും സമയക്രമം പാലിച്ചുമാണ് പൂർത്തിയാകുന്നതെന്ന് അശ് ഗാലിെൻറ തെക്കൻ ഭാഗങ്ങളിലെ റോഡ്പ്രോജക്ട് ഡിപ്പാർട്മെൻറ് എൻജിനീയർ ഫാത്തിമ ഹുസൈൻ സലാത് പറഞ്ഞു.പ്രാദേശിക നിർമാതാക്കളെയും ഉൽപന്നങ്ങളെയും പിന്തുണക്കുന്നതിൽ അശ്ഗാൽ പ്രതിജ്ഞാബദ്ധരാണ്. ഇതിനാൽതന്നെ േഗ്രറ്റർ ദോഹ സൗത്തിലെ റോഡ് നവീകരണ പദ്ധതികളിൽ അധികഘട്ടങ്ങളും നടപ്പാക്കിയത് തദ്ദേശീയ ഉൽപന്നങ്ങളും വിഭവങ്ങളും ഉപയോഗപ്പെടുത്തിയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.