ദോഹ: സംസ്കൃതി ഖത്തർ എല്ലാ വർഷവും നൽകുന്ന സംസ്കൃതി സി.വി. ശ്രീരാമൻ സാഹിത്യ പുരസ്കാരത്തിന്റെ ഈ വർഷത്തെ അവാർഡ് നിർണയത്തിനായി പ്രവാസി മലയാളികളിൽനിന്ന് ചെറുകഥകൾ ക്ഷണിക്കുന്നു. ഇന്ത്യക്കുപുറത്ത് താമസിക്കുന്ന 18 വയസ്സ് കഴിഞ്ഞ പ്രവാസി മലയാളികൾക്ക് പങ്കെടുക്കാവുന്ന തരത്തിലാണ് ചെറുകഥാ മത്സരം സംഘടിപ്പിക്കുന്നതെന്ന് സംസ്കൃതി ഭാരവാഹികൾ അറിയിച്ചു.
മുമ്പ് പ്രസിദ്ധീകരിച്ചിട്ടില്ലാത്ത, മലയാളത്തിലുള്ള മൗലികമായ രചനകളായിരിക്കണം അവാർഡ് നിർണയത്തിന് അയക്കേണ്ടത്. രചനകളിൽ രചയിതാവിന്റെ പേരോ മറ്റു വ്യക്തിഗത വിവരങ്ങളോ ഉൾക്കൊള്ളിക്കരുത്.
വിദേശ രാജ്യത്ത് താമസിക്കുന്ന പ്രവാസി ആണെന്ന് തെളിയിക്കുന്ന രേഖകളും, മൊബൈൽ നമ്പർ ഉൾപ്പെടെയുള്ള മേൽവിലാസവും രചനയോടൊപ്പം പ്രത്യേകമായി അയക്കണം. രചനകൾ പി.ഡി.എഫ് ഫോർമാറ്റിൽ cvsaward2024@gmail.com , sssreenath2@gmail.com എന്നീ ഇ-മെയിൽ വിലാസങ്ങളിൽ സെപ്റ്റംബർ അഞ്ചിന് മുമ്പായി കിട്ടത്തക്കവിധം അയക്കേണ്ടതാണ്. കൂടുതൽ വിവരങ്ങൾക്ക് 00974 55287546, 55659527 എന്നീ നമ്പറുകളിൽ ബന്ധപ്പെടാവുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.