ദോഹ: ഖത്തർ സ്റ്റാർസ് ലീഗിലെ അൽ റയാൻ ക്ലബ് പ്രസിഡൻറായി ശൈഖ് അൽ ഖഅ്ഖാഅ് ബിൻ ഹമദ് ആൽഥാനിയെ തെരഞ്ഞെടുത്തു.
അലി സലിം അഫിഫയാണ് വൈസ് പ്രസിഡൻറ്. 2024 മുതൽ നാലു വർഷത്തേക്കാണ് തെരഞ്ഞെടുപ്പ്. കഴിഞ്ഞ ദിവസം നടന്ന ക്ലബ് ജനറൽ അസംബ്ലിയിലായിരുന്നു ഭരണസമിതിയെ തെരഞ്ഞെടുത്തത്. വരും സീസണുകളിൽ വിവിധ കായിക ഇനങ്ങളിലേക്കാണ് ക്ലബിനെ സജ്ജമാക്കുമെന്ന് വൈസ് പ്രസിഡൻറ് അലി സലിം അഫിഫ പറഞ്ഞു.
കായിക മേഖലയിലെ സമഗ്ര വികസനവുമായി ബന്ധപ്പെട്ട് ദീർഘകാല പദ്ധതികൾ നടപ്പാക്കുമെന്നും അവർ പറഞ്ഞു. ഖത്തർ സ്റ്റാർസ് ലീഗിലും ഖത്തർ കപ്പിലും മികച്ച പ്രകടനം കാഴ്ചവെച്ച ഫുട്ബാൾ ക്ലബിനെ ടീം മാനേജ്മെൻറ് അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.