കോറോണ വൈറസിന്‍റെ ബ്രിട്ടൻ വകഭേദം ഖത്തറിൽ

ദോഹ: ആശങ്കയുയർത്തി രാജ്യത്ത്​ കൊറോണ ​ൈവറസിൻെറ ബ്രിട്ടൻ വകഭേദം കൂടുന്നു. വൈറസിൻെറ B.1.1.7 (ബ്രിട്ടൻ വകഭേദം) ബാധിക്കുന്ന രോഗികൾ രാജ്യത്ത്​ കൂടിവരികയാണ്​. ഒാരോദിവസം കഴിയു​ന്തോറും രോഗികൾ കൂടിവരികയാണ്​. ആശുപത്രിയിൽ പ്രവേശിപ്പിക്ക​െപ്പടുന്നവരുടേയും അടിയന്തരവിഭാഗത്തിൽ ആകുന്നവരുടേയും എണ്ണം കൂടിവരുന്നു. കോവിഡ്​ 19 ദേശീയപദ്ധതിയുടെ മേധാവിയും ഹമദ്​ മെഡിക്കൽ ​േകാർപറേഷൻ സാംക്രമികരോഗവിഭാഗം തലവനുമായ ഡോ. അബ്​ ദുൽലത്തീഫ്​ അൽഖാൽ ഇന്നലെ രാത്രി നടന്ന പൊതുജനാരോഗ്യമന്ത്രാലയത്തിൻെറ വാർത്താസമ്മേളനത്തിലാണ്​ ഇക്കാര്യങ്ങൾ അറിയിച്ചത്​.

ഫെബ്രുവരി ആദ്യത്തിൽ സർക്കാറി​െൻറ വിവിധ വിഭാഗങ്ങളുമായി ചേർന്ന്​ തുടങ്ങിയ പ്രതിരോധ നടപടികൾ രോഗത്തിൻെറ വ്യാപനതോത്​ കുറച്ചിട്ടുണ്ട്​. എന്നിരുന്നാലും ദിവസന്തോറും രോഗികൾ കൂടിവരുന്നു. പലരുടെയും രോഗാവസ്​ഥ മോശമാകുന്നു. ആരോഗ്യസ്​ഥിതി വഷളാകുന്നു. പുറത്തുനിന്ന്​ വരുന്നവർക്കായി​ രാജ്യം കർശനമായി പാലിച്ചുവരുന്ന ക്വാറൻറീൻ വ്യവസ്​ഥകൾ വൈറസി​െൻറ പുതിയ വകഭേദം വരുന്നതിൽ നിന്ന്​ തടഞ്ഞിരുന്നു. എന്നാൽ ഇപ്പോൾ വൈറസി​െൻറ പുതിയ ബ്രിട്ടൻ വകഭേദം മേഖലയിലും ഖത്തറിലും കണ്ടെത്തിയിട്ടുണ്ട്​. ഇത്​ ​െപ​ട്ടെന്ന്​ വ്യാപിക്കുകയും ചെയ്യുന്നു. ഈ വകഭേദം കൂടുതൽ വേഗത്തിൽ പടരുന്നതും കൂടുതൽ ശക്​തിയുള്ളതുമാണ്​. രോഗത്തിൻെറ തീവ്രത വർധിപ്പിക്കുന്ന ​ൈവറസ്​ വകഭേദമാണിത്​.

ഫൈസർ വാക്​സിനും മൊഡേണ വാക്​സിനും രാജ്യത്ത്​ നിലവിൽ ഉപയോഗിക്കുന്നത്​ രോഗത്തിനെതിരായ പോരാട്ടത്തിൽ നിർണായകമായ പങ്കുവഹിക്കുന്നുണ്ട്​ എന്നതാണ്​ സന്തോഷകരമായ കാര്യം. നിലവിൽ 380,000 ഡോസ്​ വാക്​സിൻ ​ നൽകിക്കഴിഞ്ഞു. ഒരു ദിവസം 15000ത്തിലധികം പേർക്ക്​ വാക്​സിൻ നൽകുന്നുമുണ്ട്​. സ്​കൂളുകളുടെ നിലവിലെ അവസ്​ഥ മന്ത്രാലയം സസൂക്ഷ്​മം നിരീക്ഷിച്ചുവരികയാണ്​. എല്ലാ സ്​കൂളുകളും പ്രതിരോധ നടപടികൾ പാലിക്കുന്നുണ്ട്​. 45ശതമാനം സ്​കൂൾ അധ്യാപകരും ജീവനക്കാരും വാക്​സിൻ കുത്തിവെപ്പെടുത്തു കഴിഞ്ഞിട്ടുണ്ട്​. 2021ൻെറ ഭൂരിഭാഗവും നമ്മൾ കോവിഡ്​ പ്രതിസന്ധിയിൽ തന്നെയാകും. ജനസംഖ്യയുടെ ഭൂരിഭാഗവും വാക്​സിൻ സ്വീകരിച്ചുകഴിയുന്നതുവരെ ഈ സ്​ഥിതി തുടരും. ഇതിനാൽ എല്ലാവരും പ്രതിരോധനടപടികൾ കൃത്യമായി പാലിക്കണം.