ട്രാ​ഫി​ക്​ ലം​ഘ​ന​മു​ള്ള വാ​ഹ​ന​ങ്ങ​ൾ​ക്കും 'ഇ​സ്തി​മാ​റ' പു​തു​ക്കാം

ദോ​ഹ: ഗ​താ​ഗ​ത നി​യ​മ​ലം​ഘ​നം ന​ട​ത്തി​യ വാ​ഹ​ന​ങ്ങ​ൾ​ക്കും ര​ജി​സ്​​ട്രേ​ഷ​ൻ ന​ട​പ​ടി​ക്ര​മ​മാ​യ ഇ​സ്തി​മാ​റ പു​തു​ക്കാ​ൻ ക​ഴി​യു​മെ​ന്ന്​ ജ​ന​റ​ൽ ഡ​യ​റ​ക്ട​​റേ​റ്റ്​ ഓ​ഫ്​ ട്രാ​ഫി​ക്​ അ​റി​യി​ച്ചു. വാ​ഹ​ന​ങ്ങ​ൾ​ക്കെ​തി​രാ​യ നി​യ​മ​ലം​ഘ​ന പ​രാ​തി പ്ര​ത്യേ​ക​വി​ഭാ​ഗ​ത്തി​ലേ​ക്ക്​ തു​ട​ർ​ന​ട​പ​ടി​ക​ൾ​ക്കാ​യി മാ​റ്റാ​നു​ള്ള സൗ​ക​ര്യം വൈ​കാ​തെ പ്രാ​ബ​ല്യ​ത്തി​ൽ വ​രു​മെ​ന്നും ഖ​ത്ത​ർ ടി.​വി​ക്കു ന​ൽ​കി​യ അ​ഭി​മു​ഖ​ത്തി​ൽ ട്രാ​ഫി​ക്​ ജ​ന​റ​ൽ ഡ​യ​റ​ക്​​ട​റേ​റ്റ്​ മാ​ധ്യ​മ- ട്രാ​ഫി​ക് ബോ​ധ​വ​ത്​​ക​ര​ണ വി​ഭാ​ഗം​ അ​സി. ഡ​യ​റ​ക്ട​ർ കേ​ണ​ൽ ജാ​ബി​ർ മു​ഹ​മ്മ​ദ്​ റാ​ഷി​ദ്​ ഉ​ദൈ​ബ പ​റ​ഞ്ഞു. ഡി​സം​ബ​ർ 18ന്​ ​ആ​രം​ഭി​ച്ച മൂ​ന്നു​മാ​സ​ക്കാ​ല​ത്തെ ഇ​ള​വ്​ പ​ദ്ധ​തി പൂ​ർ​ത്തി​യാ​യ ശേ​ഷ​മാ​വും പു​തി​യ ന​ട​പ​ടി​ക്ര​മ​ങ്ങ​ൾ ​പ്ര​ഖ്യാ​പി​ക്കു​ക. നി​യ​മ​ലം​ഘ​ന​മു​ള്ള വാ​ഹ​ന​ങ്ങ​ളു​ടെ ഇ​സ്തി​മാ​റ പു​തു​ക്ക​ൽ ഉ​ൾ​പ്പെ​ടെ ന​ട​പ​ടി​ക​ൾ മാ​ർ​ച്ച്​ 17നു​ ​ശേ​ഷ​മാ​യി​രി​ക്കും പ്രാ​ബ​ല്യ​ത്തി​ൽ വ​രു​ക.

ഖ​ത്ത​ർ ദേ​ശീ​യ ദി​ന​ത്തോ​ട​നു​ബ​ന്ധി​ച്ച്​ ന​ട​പ്പാ​ക്കി​യ പി​ഴ ഇ​ള​വു​കാ​ലം മാ​ർ​ച്ച്​ 17നാ​ണ്​ അ​വ​സാ​നി​ക്കു​ന്ന​ത്. തു​ട​ർ​ന്ന്​ രാ​ജ്യ​ത്തെ ഗ​താ​ഗ​ത നി​യ​മ​ങ്ങ​ൾ കൂ​ടു​ത​ൽ ക​ർ​ക്ക​ശ​മാ​ക്കാ​നാ​ണ്​ അ​ധി​കൃ​ത​രു​ടെ നീ​ക്കം. ഗ​താ​ഗ​ത ലം​ഘ​ന​ങ്ങ​ളു​ടെ ഒ​ത്തു​തീ​ര്‍പ്പ് കാ​ലാ​വ​ധി പ​ര​മാ​വ​ധി പേ​ർ പ്ര​യോ​ജ​ന​പ്പെ​ടു​ത്ത​ണ​മെ​ന്ന്​ ഉ​ദൈ​ബ പ​റ​ഞ്ഞു. നി​ല​വി​ൽ ട്രാ​ഫി​ക്​ ലം​ഘ​ന​ങ്ങ​ൾ​ക്ക്​ പി​ഴ​ചു​മ​ത്ത​പ്പെ​ട്ട​വ​ർ​ മൂ​ന്നു മാ​സ​ത്തി​നു​ള്ളി​ൽ തീ​ർ​പ്പാ​ക്കു​ക​യാ​ണെ​ങ്കി​ൽ 50 ശ​ത​മാ​നം പി​ഴ ന​ൽ​കി​യാ​ൽ മ​തി​യാ​വും. മെ​ട്രാ​ഷ്​ ര​ണ്ട്​ ആ​പ്ലി​ക്കേ​ഷ​ൻ വ​ഴി ട്രാ​ഫി​ക്​ ഫൈ​ൻ അ​ട​ച്ചു​തീ​ർ​പ്പാ​ക്കാ​വു​ന്ന​താ​ണ്. ദേ​ശീ​യ ദി​ന സ​മ്മാ​നം എ​ന്ന നി​ല​യി​ലാ​ണ്​ ഡി​സം​ബ​ർ ആ​ദ്യ​വാ​ര​ത്തി​ൽ അ​ധി​കൃ​ത​ർ ഇ​തു സം​ബ​ന്ധി​ച്ച പ്ര​ഖ്യാ​പ​നം ന​ട​ത്തി​യ​ത്. ഡി​സം​ബ​ർ 18ന്​ ​നി​ല​വി​ൽ വ​ന്ന​തി​നു പി​ന്നാ​ലെ നി​ര​വ​ധി പേ​ർ അ​വ​സ​രം ഉ​പ​യോ​ഗ​പ്പെ​ടു​ത്തി കെ​ട്ടി​ക്കി​ട​ന്ന പി​ഴ​ത്തു​ക അ​ട​ക്കു​ന്ന​താ​യും ഗ​താ​ഗ​ത മ​ന്ത്രാ​ല​യം അ​റി​യി​ച്ചു.

'വ​രും ദി​വ​സ​ങ്ങ​ളി​ൽ കൂ​ടു​ത​ൽ പേ​ർ ഫൈ​ൻ അ​ട​ക്കാ​ൻ രം​ഗ​ത്തു​വ​രും. മാ​സാ​വ​സാ​നം ശ​മ്പ​ളം ല​ഭി​ച്ചു തു​ട​ങ്ങു​മെ​ന്ന​തി​നാ​ൽ, കൂ​ടു​ത​ൽ പേ​ർ ജ​നു​വ​രി ആ​ദ്യ​ത്തി​ൽ പി​ഴ​ത്തു​ക ഇ​ള​വ്​ പ​ദ്ധ​തി ഉ​പ​യോ​ഗ​പ്പെ​ടു​​ത്തു​മെ​ന്നാ​ണ്​ പ്ര​തീ​ക്ഷ. വാ​ഹ​ന​ങ്ങ​ൾ​ക്കെ​തി​രെ ര​ജി​സ്​​​റ്റ​ർ ചെ​യ്ത ഏ​തു ത​ര​ത്തി​ലു​ള്ള നി​യ​മ ലം​ഘ​ന​ങ്ങ​ൾ​ക്കും 50 ശ​ത​മാ​നം ഇ​ള​വ്​ ആ​നു​കൂ​ല്യം ല​ഭി​ക്കും' -കേ​ണ​ൽ ഉ​ദൈ​ബ വ്യ​ക്ത​മാ​ക്കി. നി​യ​മ​ലം​ഘ​ന​ങ്ങ​ൾ കു​റ​ക്കു​ന്ന​തി​െൻറ ഭാ​ഗ​മാ​യി അ​ടു​ത്ത വ​ർ​ഷം മു​ത​ൽ നി​യ​മ​ന​ട​പ​ടി​ക​ൾ ക​ർ​ക്ക​ശ​മാ​ക്കാ​നാ​ണ്​ ട്രാ​ഫി​ക്​ വി​ഭാ​ഗ​ത്തി​െൻറ തീ​രു​മാ​നം. അ​ടു​ത്ത വ​ർ​ഷം ന​ട​പ്പാ​വു​ന്ന പു​തി​യ ന​ട​പ​ടി​ക്ര​മ​ങ്ങ​ള്‍ പ്ര​കാ​രം പി​ഴ അ​ട​ക്കാ​ത്ത​വ​ര്‍ക്ക് നി​യ​മ​ലം​ഘ​ന​ങ്ങ​ള്‍ ഒ​ത്തു​തീ​ര്‍പ്പാ​ക്കാ​ന്‍ ര​ണ്ടു മാ​സം സ​മ​യം ന​ല്‍കും. അ​തി​നു​ള്ളി​ൽ പ​രി​ഹ​രി​ച്ചി​ല്ലെ​ങ്കി​ൽ തു​ട​ർ​ന​ട​പ​ടി​ക​ൾ​ക്കാ​യി കേ​സ് പ​ബ്ലി​ക് പ്രോ​സി​ക്യൂ​ഷ​ന് കൈ​മാ​റും.