പാണക്കാട് അബ്ബാസലി ശിഹാബ് തങ്ങൾ മക്കയിലെ കിസ്‌വ നിർമാണ ഫാക്ടറി സന്ദർശിക്കുന്നു
ജിദ്ദ: ഉംറ നിർവഹിക്കാനെത്തിയ മുസ്ലിം ലീഗ് മലപ്പുറം ജില്ല പ്രസിഡൻറ് പാണക്കാട് അബ്ബാസലി ശിഹാബ് തങ്ങൾ കഅബയെ പുതക്കുന്ന മക്കയിലെ പ്രശസ്തമായ കിസ്‌വ നിർമാണ ഫാക്ടറി സന്ദർശിച്ചു.
തങ്ങളുടെ പുത്രൻ സിദ്ദീഖലി ശിഹാബ് തങ്ങൾ, ജിദ്ദ കെ.എം.സി.സി പ്രസിഡന്റ് അഹമ്മദ് പാളയാട്ട്, ജനറൽ സെക്രട്ടറി അബൂബക്കർ അരിമ്പ്ര, മറ്റു കെ.എം.സി.സി പ്രവർത്തകർ എന്നിവരോടൊപ്പം ഫാക്ടറിയിലെത്തിയ തങ്ങളെ ഫാക്ടറി മേധാവി അഹമ്മദ് ബിൻ മുസാഹിദ് അൽ സുവൈരിയുടെ നേതൃത്വത്തിൽ ഉദ്യോഗസ്ഥർ സ്വീകരിച്ചു.
ഫാക്ടറിയുടെ കിസ്‌വ നിർമാണപ്രവർത്തനങ്ങളും ചരിത്രവും അദ്ദേഹം തങ്ങൾക്ക് വിശദീകരിച്ചു കൊടുക്കുകയും കിസ്‌വ തുന്നുന്നതിനുള്ള സൗകര്യം ഒരുക്കിക്കൊടുക്കുകയും ചെയ്തു. തങ്ങൾ തുന്നിയ ഭാഗം അടുത്ത തവണ കഅബയെ പുതപ്പിക്കുന്ന കിസ്‍വയിൽ ഉൾപ്പെടുത്തുമെന്ന് ഫാക്ടറി മേധാവി അറിയിച്ചു. എ.കെ. ബാവ, ജാഫർ കുറ്റൂർ, ഹബീബ് കല്ലൻ, നൗഷാദ് ചേറൂർ, അൻവർ സാദത്ത് എന്നിവരും തങ്ങളുടെ കൂടെ ഫാക്ടറി സന്ദർശിക്കാൻ എത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.