മദീനയിലെ അൽ മുസ്തദൽ തോട്ടവും ഇദ്ഖ് കിണറും

മ​ദീ​ന: പ്ര​വാ​ച​ക​ൻ മു​ഹ​മ്മ​ദ് മ​ക്ക​യി​ൽ​നി​ന്ന് മ​ദീ​ന​യി​ലേ​ക്ക് പ​ലാ​യ​നം ചെ​യ്ത ച​രി​ത്ര സ്‌​മ​ര​ണ ഉ​ണ​ർ​ത്തു​ന്ന​താ​ണ് മ​ദീ​ന​യി​ലെ ‘ബു​സ്താ​നു​ൽ മു​സ്ത​ദ​ൽ വ ​ബി​അ്റ് ഇ​ദ്ഖ്’ എ​ന്ന​റി​യ​പ്പെ​ടു​ന്ന അ​ൽ മു​സ്ത​ദ​ൽ തോ​ട്ട​വും ഇ​ദ്ഖ് കി​ണ​റും. മു​ഹ​മ്മ​ദ് ന​ബി​യു​ടെ പ്ര​വാ​ച​ക​ത്വ​ല​ബ്​​ധി​ക്കു​ശേ​ഷ​മു​ള്ള ഇ​സ്‌​ലാ​മി​ലെ ആ​ദ്യ​ത്തെ പ​ള്ളി​യാ​യ മ​ദീ​ന​യി​ലെ ഖു​ബ മ​സ്ജി​ദി​ന് തെ​ക്കു​പ​ടി​ഞ്ഞാ​റ് ഭാ​ഗ​ത്താ​ണ് ഈ ​പ്ര​ദേ​ശം സ്ഥി​തി ചെ​യ്യു​ന്ന​ത്. ഖു​ബ പ​ള്ളി​യു​ടെ മി​ഹ്റാ​ബി​ൽ​നി​ന്ന് ഏ​ക​ദേ​ശം 150 മീ​റ്റ​ർ മാ​ത്രം അ​ക​ലെ​യാ​ണി​ത്.

മു​ഹ​മ്മ​ദ് ന​ബി​യും അ​ദ്ദേ​ഹ​ത്തി​ന്റെ സ​ന്ത​ത​സ​ഹ​ചാ​രി അ​ബൂ​ബ​ക്ക​റും മ​ക്ക​യി​ൽ​നി​ന്ന് മ​ദീ​ന​യി​ലേ​ക്കു​ള്ള പ​ലാ​യ​ന​വേ​ള​യി​ൽ വി​ശ്ര​മി​ച്ച സ്ഥ​ല​മാ​ണ് ഇ​പ്പോ​ഴും ത​ണ​ൽ വി​രി​ച്ചു നി​ൽ​ക്കു​ന്ന അ​ൽ മു​സ്ത​ദ​ൽ തോ​ട്ടം.

മു​ഹ​മ്മ​ദ് ന​ബി മ​ദീ​ന​യി​ലെ​ത്തി​യ​പ്പോ​ൾ അ​ദ്ദേ​ഹ​ത്തി​ന്റെ ‘ഖ​സ്‌​വ’ എ​ന്ന ഒ​ട്ട​കം ആ​ദ്യ​മാ​യി മു​ട്ടു​കു​ത്തി​യ സ്ഥ​ല​വും അ​ൽ മു​സ്ത​ദ​ൽ തോ​ട്ട​ത്തി​ലാ​ണെ​ന്ന് ച​രി​ത്ര​കാ​ര​ന്മാ​ർ രേ​ഖ​പ്പെ​ടു​ത്തി​യി​ട്ടു​ണ്ട്. ഈ ​തോ​ട്ട​ത്തി​ന​രി​കി​ലാ​യി സ്ഥി​തി ചെ​യ്യു​ന്ന ഇ​ദ്ഖ് കി​ണ​റി​ൽ​നി​ന്ന് പ്ര​വാ​ച​ക​നും അ​ദ്ദേ​ഹ​ത്തി​ന്റെ സ​ഹ​ചാ​രി​ക​ളും വെ​ള്ളം കു​ടി​ച്ച​താ​യും ഇ​സ്‌​ലാ​മി​ക ച​രി​ത്ര​രേ​ഖ​ക​ൾ വെ​ളി​പ്പെ​ടു​ത്തു​ന്നു.

ബ​നീ ഉ​നൈ​ഫ് ഗോ​ത്ര​ത്തി​​ന്റെ അ​ധീ​ന​ത​യി​ലു​ണ്ടാ​യി​രു​ന്ന ഈ ​തോ​ട്ട​ത്തി​ന് 300 മീ​റ്റ​ർ അ​ക​ലെ​യാ​ണ് മ​ദീ​ന​യി​ലെ പൗ​രാ​ണി​ക പ​ള്ളി​ക​ളി​ലൊ​ന്നാ​യി രേ​ഖ​പ്പെ​ടു​ത്തി​യ മ​സ്‌​ജി​ദ്‌ ബ​നീ ഉ​നൈ​ഫ് സ്ഥി​തി ചെ​യ്യു​ന്ന​ത്. മ​ദീ​ന റീ​ജ്യ​ൻ ഡെ​വ​ല​പ്മെൻറ്, ഹെ​റി​റ്റേ​ജ് അ​തോ​റി​റ്റി​ക​ളു​ടെ പൈ​തൃ​ക സം​ര​ക്ഷ​ണ​പ​ദ്ധ​തി​യു​ടെ ഭാ​ഗ​മാ​യി പൊ​തു​ജ​ന​ങ്ങ​ൾ​ക്ക് ഇ​പ്പോ​ൾ ച​രി​ത്ര​പ്ര​ദേ​ശ​ങ്ങ​ൾ സ​ന്ദ​ർ​ശി​ക്കാ​ൻ സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്.

ഈ​ന്ത​പ്പ​ന​ക​ൾ നി​റ​ഞ്ഞ പ്ര​കൃ​തി ര​മ​ണീ​യ​മാ​യ ഈ ​തോ​ട്ട​ത്തി​ൽ പ​ഴ​മ​യു​ടെ കി​ണ​റും പൈ​തൃ​ക​ശേ​ഷി​പ്പു​ക​ളും സ​ന്ദ​ർ​ശ​ക​രെ ഏ​റെ ആ​ക​ർ​ഷി​ക്കു​ന്നു. പ്ര​വാ​ച​ക​ൻ മു​ഹ​മ്മ​ദ് മ​ക്ക​യി​ൽ​നി​ന്ന് മ​ദീ​ന​യി​ലേ​ക്ക് പ​ലാ​യ​നം ചെ​യ്ത വേ​ള​യി​ൽ ദൈ​വ​വി​ശ്വാ​സി​ക​ൾ ഒ​രു​മി​ച്ചു​കൂ​ടു​ക​യും പ്ര​വാ​ച​ക​​ന്റെ വ​ര​വ് പ്ര​തീ​ക്ഷി​ച്ച് നി​ൽ​ക്കു​ക​യും ചെ​യ്ത ഇ​ടം കൂ​ടി​യാ​ണി​ത്.

അ​ന്ന​ത്തെ ഉ​യ​രം കൂ​ടി​യ ധാ​രാ​ളം ഈ​ന്ത​പ്പ​ന​ക​ൾ ഈ ​തോ​ട്ട​ത്തി​ൽ ഉ​ണ്ടാ​യി​രു​ന്നു​വെ​ന്നും പ്ര​വാ​ച​ക​ൻ ദൂ​​രെ​നി​ന്ന് വ​രു​ന്ന​ത്​ കാ​ണാ​ൻ വി​ശ്വാ​സി​ക​ൾ ഈ​ന്ത​പ്പ​ന​ക​ളി​ൽ ക​യ​റി​യി​രു​ന്നു​വെ​ന്നും ച​രി​ത്ര​രേ​ഖ​ക​ളി​ലു​ണ്ട്. ബ​നീ ഉ​നൈ​ഫ് ഗോ​ത്ര​ക്കാ​രി​ൽ ചി​ല​ർ താ​മ​സി​ച്ചി​രു​ന്ന പൗ​രാ​ണി​ക വീ​ടി​ന്റെ ശേ​ഷി​പ്പു​ക​ളും ഈ ​തോ​ട്ട​ത്തി​ന​രി​കെ സ​ന്ദ​ർ​ശ​ക​രെ ആ​ക​ർ​ഷി​ക്കു​ന്നു.

ഇ​ദ്ഖ് കി​ണ​റി​​ന്റെ സ​മീ​പ​ത്താ​യി പ്ര​വാ​ച​ക​ന്റെ ഒ​ട്ട​കം മു​ട്ടു​കു​ത്തി​യ ഇ​ടം ഇ​വി​ടെ പ്ര​ത്യേ​കം അ​ട​യാ​ള​പ്പെ​ടു​ത്തി​യി​ട്ടു​ണ്ട്. പ്ര​വാ​ച​ക​ൻ വി​ശ്ര​മി​ച്ച ഈ ​പ്ര​ദേ​ശം പി​ൽ​ക്കാ​ല​ത്ത് വി​ശ്വാ​സി​ക​ൾ ന​മ​സ്‌​കാ​ര ഇ​ട​മാ​യി ഉ​പ​യോ​ഗ​പ്പെ​ടു​ത്തി​യി​രു​ന്നു.

തോ​ട്ട​ത്തി​ലെ​ത്തു​ന്ന വി​ശ്വാ​സി​ക​ൾ ച​രി​ത്ര​ത്തി​ൽ രേ​ഖ​പ്പെ​ടു​ത്തി​യ ഈ ​ഇ​ടം ഒ​രു ന​മ​സ്കാ​ര​സ്ഥ​ല​മാ​യി ഇ​ന്നും ഉ​പ​യോ​ഗി​ക്കു​ന്ന കാ​ഴ്ച കാ​ണാം. ബ​നീ ഉ​നൈ​ഫ് ഗോ​ത്ര​ക്കാ​രാ​യി​രു​ന്നു ഇ​ദ്ഖ് എ​ന്ന പേ​രി​ലു​ള്ള കി​ണ​ർ ഇ​വി​ടെ ഉ​ണ്ടാ​ക്കി​യ​തെ​ന്ന്​ എ​ഴു​ത്തു​കാ​ര​നും മ​ദീ​ന​യി​ലെ ടൂ​ർ ഗൈ​ഡു​മാ​യ ജ​അ്ഫ​ർ എ​ള​മ്പി​ല​ക്കോ​ട് ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. പ​ഴ​മ​യു​ടെ പെ​രു​മ​യും ജ​ല​സ​മൃ​ദ്ധി​യു​മാ​യി ഇ​പ്പോ​ഴും ഇ​ദ്ഖ് കി​ണ​ർ സ​ന്ദ​ർ​ശ​ക​രെ ആ​ക​ർ​ഷി​ക്കു​ന്നു.