അൽറായ് ഫുഡ് ഇൻഡസ്ട്രീസ് റിയാദ് ബ്രാഞ്ച് സ്റ്റാഫ് അംഗങ്ങളുടെ കുടുംബസംഗമത്തിൽ പങ്കെടുത്തവർ
റിയാദ്: അൽറായ് ഫുഡ് ഇൻഡസ്ട്രീസ് കമ്പനി സ്റ്റാഫിന്റെ കുടുംബസംഗമം നടത്തി. റിയാദ് ബംഗ്ലഫിലെ ദുർറാ ഇസ്തിറാഹയിൽ നടന്ന പരിപാടി പരേതനായ സ്പോൺസറെ അനുസ്മരിച്ചുകൊണ്ടാണ് ആരംഭിച്ചത്.
അഡ്വ. റെജി സലീമിന്റെയും പി.കെ. സജീവന്റെയും നേതൃത്വത്തിൽ കുട്ടികളുടെ കലാപരിപാടികൾ അരങ്ങേറി. സാംസ്കാരിക സമ്മേളനം മാനേജർ യാസിർ ഉദ്ഘാടനം ചെയ്തു.
യാസീൻ, ശിവരാജൻ, ബേബി ഭാസ്കർ, സഹദേവൻ, ജഗദീഷ്, കേയാമുദ്ദീൻ, ദേവറാം, അശോകൻ, ശങ്കർ, അബ്ദുൽ വഹാബ്, അനീഷ് ജോസഫ് പുൽപള്ളി എന്നിവർ സംസാരിച്ചു. മിതമായ നിരക്കിൽ റിയാദിന്റെ എല്ലാ സ്ഥലത്തും അൽറായിയുടെ ഉൽപന്നങ്ങൾ എത്തിക്കുക എന്ന ലക്ഷ്യത്തോടുകൂടി മുന്നോട്ടുപോകാൻ സംഗമം തീരുമാനിച്ചു.
തുടർന്ന് രാജേഷ് കോഴിക്കോട്, ഐഡിയ സ്റ്റാർസിലെ ഇമ്രാൻ എന്നിവരുടെ നേതൃത്വത്തിൽ ഗാനമേള നടന്നു. മികച്ച സെയിൽസ്മാൻമാരായി ഷൈനിനെയും സജീവനെയും തിരഞ്ഞെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.