ഇന്ത്യ ഫ്രറ്റേണിറ്റി ഫോറം ജിദ്ദ ബനീമാലിക്, റുവൈസ് ഏരിയകൾ സംഘടിപ്പിച്ച ഫ്രറ്റേണിറ്റി ഫെസ്റ്റ് അരുവി മോങ്ങം ഉദ്ഘാടനം ചെയ്യുന്നു
ജിദ്ദ: ഇന്ത്യ ഫ്രറ്റേണിറ്റി ഫോറം സൗദിയിലുടനീളം സംഘടിപ്പിക്കുന്ന ഫ്രറ്റേണിറ്റി ഫെസ്റ്റിന്റെ ഭാഗമായി ബനീമാലിക്, റുവൈസ് ഏരിയകൾ സംയുക്തമായി സംഘടിപ്പിച്ച ഫ്രറ്റേണിറ്റി ഫെസ്റ്റിൽ വിവിധ കലാപരിപാടികളും മത്സരങ്ങളും അരങ്ങേറി. ജിദ്ദ വാദി മരീഹിൽ നടന്ന ഫെസ്റ്റ് ചിത്രകാരനും കവിയുമായ അരുവി മോങ്ങം കവിത ആലപിച്ചുകൊണ്ട് ഉദ്ഘാടനം ചെയ്തു. റുവൈസ് ഏരിയ പ്രസിഡന്റ് നസീം കൊല്ലം അധ്യക്ഷത വഹിച്ചു.
ചിത്രരചന, കളറിങ് മത്സരത്തോടെ ആരംഭിച്ച പരിപാടിയിൽ വ്യത്യസ്തമായ വിവിധ കലാരൂപങ്ങളും മത്സരങ്ങളും അരങ്ങേറി. ഒപ്പന, കോൽക്കളി, മാപ്പിളപ്പാട്ട്, മിമിക്രി, കവിത ചൊല്ലൽ, പ്രസംഗം, കുട്ടികളുടെ നൃത്തം, സ്ത്രീകളുടെ മെഹന്തി മത്സരം, പരുഷന്മാരുടെ ഷൂട്ടൗട്ട് മത്സരം എന്നിവ നടന്നു. അബ്ദുൽ ലത്തീഫ് മണ്ണെങ്ങൽ സൈക്കിളിൽ നടത്തിയ വിവിധ അഭ്യാസ പ്രകടനങ്ങൾ കാണികൾക്ക് നവ്യാനുഭവമായി. ബനീമാലിക് ഏരിയ പ്രസിഡന്റ് ഫൈസൽ കരിങ്കല്ലത്താണി സ്വാഗതവും പ്രോഗ്രാം കമ്മിറ്റി അംഗം ഷാഫി മലപ്പുറം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.