റിയാദ്: സൗദി അറേബ്യയിൽ 420 കോവിഡ് ബാധിതർ കൂടി ഞായറാഴ്ച സുഖംപ്രാപിച്ചു. 363 പേർക്ക് പുതുതായി രോഗം സ്ഥിരീകരിച്ചു. 15 പേർ രാജ്യത്തെ വിവിധ ഭാഗങ്ങളിലായി മരിച്ചു. ആകെ കേസുകളുടെ എണ്ണം 350,592 ആയി. രോഗമുക്തരുടെ ആകെ എണ്ണം 337,386 ആണ്.
ആകെ മരണസംഖ്യ 5540. 7666 പേർ രാജ്യത്തെ വിവിധ ആശുപത്രികളിലും മറ്റും ചികിത്സയിൽ കഴിയുന്നു. ഇതിൽ 757 പേർ ഗുരുതരാവസ്ഥയിലാണ്. ഇവർ തീവ്രപരിചരണ വിഭാഗത്തിലാണ്.
രാജ്യത്തെ കോവിഡ് മുക്തി നിരക്ക് 96.2 ശതമാനമായും മരണനിരക്ക് 1.6 ശതമാനമായും തുടരുന്നു. 24 മണിക്കൂറിനിടെ രാജ്യത്ത് പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് റിയാദിലാണ്, 62. മദീന 56, യാംബു 25, മക്ക 25, ജിദ്ദ 25, ജിദ്ദ 22, ദഹ്റാൻ 13, ഹുഫൂഫ് 12, ദമ്മാം 11, ഹാഇൽ 8, അഖീഖ് 7, മഖ്വ 6, ബുറൈദ 6, ഖമീദ് മുശൈത് 6, നജ്റാൻ 4 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.