ജിദ്ദ ഐ.പി.ഡബ്ല്യു.എഫ് സംഘടിപ്പിക്കുന്ന ‘സൈക്ലോത്തോൺ’ സൈക്കിൾ സവാരിയുടെ ലോഗോ പ്രകാശനം കോൺസുൽ ജനറൽ മുഹമ്മദ് ഷാഹിദ് ആലം നിർവഹിച്ചപ്പോൾ
ജിദ്ദ: ഇന്ത്യ-സൗദി സൗഹൃദത്തിെൻറ 75ാം വാർഷിക ആഘോഷ ഭാഗമായി ഇന്ത്യൻ പിൽഗ്രിംസ് വെൽഫെയർ ഫോറം (ഐ.പി.ഡബ്ല്യു.എഫ്) സംഘടിപ്പിക്കുന്ന 'സൈക്ലോത്തോൺ' സൈക്കിൾ സവാരിയുടെ ലോഗോ പ്രകാശനം ചെയ്തു. ജിദ്ദ ഇന്ത്യൻ കോൺസുലേറ്റിൽ നടന്ന പരിപാടിയിൽ കോൺസുൽ ജനറൽ മുഹമ്മദ് ഷാഹിദ് ആലമാണ് പ്രകാശനം നിർവഹിച്ചത്. 'ആസാദി കാ അമൃത് മഹോത്സവ്' എന്ന പേരിൽ ഇന്ത്യൻ എംബസിയും ജിദ്ദ ഇന്ത്യൻ കോൺസുലേറ്റും വിവിധ പരിപാടികൾ സംഘടിപ്പിക്കുന്നുണ്ട്. ഇതിെൻറ ഭാഗമായാണ് ഐ.പി.ഡബ്ല്യു.എഫ് സൈക്കിൾ റാലി സംഘടിപ്പിക്കുന്നത്. സൗദിയിലെ ഇന്ത്യൻ പൗരന്മാരുടെ സൈക്കിൾ സവാരിയോടുള്ള താൽപര്യത്തെ പ്രോത്സാഹിപ്പിക്കുക, സൈക്കിൾ സവാരിയിലൂടെ ആരോഗ്യകരമായ ജീവിതരീതി സ്വീകരിക്കുക, മനസ്സിനും ശരീരത്തിനും പൂർണ വ്യായാമം നൽകാൻ സഹായിക്കുക എന്നതാണ് ഇത്തരം പരിപാടിയിലൂടെ ലക്ഷ്യം വെക്കുന്നതെന്ന് പ്രസിഡൻറ് മുഹമ്മദ് അയ്യൂബ് ഹക്കീം പറഞ്ഞു. 20ന് ഇന്ത്യൻ കോൺസുൽ ജനറൽ ഫ്ലാഗ് ഓഫ് ചെയ്യുന്ന പരിപാടിയിൽ പങ്കെടുക്കാൻ താൽപര്യമുള്ളവർക്ക് https://form.jotform.com/എന്ന ലിങ്കിലൂടെ മുൻകൂട്ടി രജിസ്റ്റർ ചെയ്യാം. ഹജ്ജ് കോൺസുൽ വൈ. സാബിർ, ഐ.പി.ഡബ്ല്യു.എഫ് പ്രസിഡൻറ് മുഹമ്മദ് അയ്യൂബ് ഹക്കീം, സൈക്കിൾ ക്ലബ് കോഓഡിനേറ്റർമാരായ ഫർഹാൻ ബോയ്‌റ, ലിയാഖത് കോട്ട, അബ്ദുറഹ്മാൻ, എക്‌സിക്യൂട്ടിവ് അംഗങ്ങളായ മുഹമ്മദ് അമീൻ, ഷൗക്കത്ത് അലി, ഫസൽ മുഹമ്മദ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.