ദമ്മാമിൽ മലയാളി ഡോക്ടേഴ്സ് അസോസിയേഷൻ സംഘടിപ്പിച്ച ഡോക്ടേഴ്സ് ഡേ ആഘോഷ ചടങ്ങിൽ ഡോക്ടർമാരെ ആദരിച്ചപ്പോൾ
ദമ്മാം: മലയാളി ഡോക്ടേഴ്സ് അസോസിയേഷനും ഇന്ത്യൻ മെഡിക്കൽ അസോസിയേഷനും (ഐ.എം.എ) സംയുക്തമായി ഡോക്ടേഴ്സ് ഡേ ആഘോഷിച്ചു. മലയാളി ഡോക്ടേഴ്സ് അസോസിയേഷന്റെ പുതുതായി സ്ഥാനമേറ്റെടുത്ത പ്രസിഡൻറ് ഡോ. ഉസ്മാൻ മലയിലിന്റെ അധ്യക്ഷതയിൽ നടന്ന ആഘോഷ പരിപാടി ഡോക്ടർമാരുടെയും കുടുംബങ്ങളുടെയും പങ്കാളിത്തം കൊണ്ട് ശ്രദ്ധേയമായി. കിഴക്കൻ പ്രവിശ്യയിലെ മുതിർന്ന ഡോക്ടർമാരായ ഡോ. അക്ബർ കല്ലിങ്ങൽ (ബദർ അൽ റാബി), ഡോ. അഭിജിത് വർഗീസ് (അൽറൗദ ആശുപത്രി), ഡോ. നിഷ സുനിൽ (സഫ), ഡോ. സോണി സുധീർ (സഫ) എന്നിവരെ ചടങ്ങിൽ ഡോ. ഉസ്മാൻ മലയിൽ, ഡോ. ആഷിഖ് കളത്തിൽ, ഡോ. ബിജു വർഗീസ്, ഡോ. പ്രിൻസ് മാത്യു, ഡോ. യാസ്മിൻ, ഡോ. പ്രീതി, ഡോ. ഡോണ, ഡോ. ഷാൻറി എന്നിവർ ചേർന്ന് പൊന്നാടയും ഫലകവും നൽകി ആദരിച്ചു.
ആദരവ് സ്വീകരിച്ച ഡോക്ടർമാർ ഈ നാടിനോടും മാനേജ്മെൻറിനോടും സഹപ്രവർത്തകരോടും രോഗികളോടും നന്ദിയും സ്നേഹവും മറുപടിപ്രസംഗത്തിൽ അറിയിച്ചു. ഡോ. പ്രിൻസ് മാത്യു, ഡോ. ആഷിഖ് കളത്തിൽ, ഡോ. യാസ്മിൻ എന്നിവർ സംസാരിച്ചു. ചടങ്ങിന് പൊലിമയേകാൻ റൈറ്റ് ഇവൻറ്സ് ഒരുക്കിയ സംഗീത നൃത്ത സന്ധ്യ ഏവരുടെയും പ്രശംസ പിടിച്ചുപറ്റി. ഡോ. ഇസ്മാഈൽ രൈറോത് സ്വാഗതവും ട്രഷറർ ഡോ. റാമിയ രാജേന്ദ്രൻ നന്ദിയും പറഞ്ഞു. ഡോ. റാമിയ, ഡോ. അജി എന്നിവർ അവതാരകരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.