റിയാദ്: വ്യത്യസ്ത സമയങ്ങളിലായി റിയാദ് കിങ് ഖാലിദ് വിമാനത്താവളത്തിൽ നിന്ന് രണ്ട് ലക്ഷത്തിലേറെ മയക്കുമരുന്ന് ഗുളികകൾ പിടികൂടി.
രാജ്യത്ത് പ്രവേശിക്കാൻ വിമാനത്താവളത്തിലെത്തിയവരുടെ കസ്റ്റംസ് പരിശോധനക്കിടെയാണ് അഞ്ച് തവണയായി മൊത്തം 201,177 ഗുളികകൾ കണ്ടെടുത്തതെന്ന് കസ്റ്റംസ് വിഭാഗം അറിയിച്ചു. യാത്രക്കാരുടെ കൈവശമുണ്ടായിരുന്ന ബാഗേജുകളിലാണ് ഇവയുണ്ടായിരുന്നത്. സ്ത്രീ ബാഗിൽ ഒളിപ്പിച്ച നിലയിൽ 50,944 ഗുളികകളുണ്ടായിരുന്നു. ഇതാണ് ആദ്യം കണ്ടെത്തിയത്. അടുത്ത പരിശോധനയിൽ ഇതേ പോലെ മറ്റൊരു ബാഗിൽ നിന്ന് 77,670 ഗുളികകൾ പിടിച്ചു. ദാരു കരകൗശല വസ്തുവിനുള്ളിൽ ഒളിപ്പിച്ച നിലയിൽ മൂന്നാം തവണ 11,797 ഗുളികകൾ കണ്ടത്. മരം കൊണ്ട് നിർമിച്ച മനോഹരമായ ഒരു ചെപ്പിനുള്ളിലായിരുന്നു ഇത്രയും ഗുളികകൾ ഒളിപ്പിച്ചിരുന്നത്. അടുത്ത പരിശോധനയിലും മരം കൊണ്ടുള്ള ഒരു പുരാവസ്തുവിനുള്ളിൽ നിന്നും 29,950 ഗുളികകൾ കൂടി കണ്ടെടുത്തു. അഞ്ചാം തവണ വീട്ടുപകരണത്തിൽ നിന്നാണ് 30,816 പിടികൂടിയതെന്നും കസ്റ്റംസ് വിഭാഗം ഡയറക്ടർ ജനറൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.