തബൂക്ക്: തബൂക്കിനടുത്ത് അഖബകടലിൽ വൻ മയക്കുമരുന്ന് വേട്ട. സൗദി തീരം തേടി ബോട്ടിലെത്തിയ സംഘത്തെ പിടികൂടുകയും വൻ മയക്കുമരുന്ന് ശേഖരം കണ്ടുകെട്ടുകയും ചെയ്തു. 28 ലക്ഷത്തിലേറെ ആംഫിറ്റമിൻ ഗുളികകളും ഒന്നരകിലോ കറുപ്പുമാണ് പിടിച്ചത്. അധോലോക വിപണിയിൽ വൻ വിലവരുന്നതാണ് കറുപ്പ്.
സൗദി നാവിക അതിർത്തി കടന്നെത്തിയ ബോട്ടിനെ തീരസംരക്ഷണസേന പിന്തുടർന്ന് പിടികൂടുകയായിരുന്നുവെന്ന് അതിർത്തി രക്ഷാസേന വക്താവ് കേണൽ സാഹിർ ബിൻ മുഹമ്മദ് അൽഹാർബി പറഞ്ഞു. ബോട്ടിലുണ്ടായിരുന്ന രണ്ടു ഇൗജിപ്തുകാരെയും കരയിൽ കാത്തുനിന്ന രണ്ടുസൗദി പൗരൻമാരെയും അറസ്റ്റ് ചെയ്തിട്ടുണ്ട്. പിടിയിലായവരെ തുടർ നടപടികൾക്കായി ബന്ധപ്പെട്ട വകുപ്പുകൾക്ക് കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.