ആ​ത്മീ​യസാ​യൂ​ജ്യം നേ​ടി സൗദി അറേബ്യക്ക്​ നന്ദിയോതി ഇനി മടക്കം

മ​ക്ക: ജീ​വി​ത​ത്തി​ലെ ഏ​റ്റ​വും വ​ലി​യ ആ​ഗ്ര​ഹം സ​ഫ​ല​മാ​ക്കി​യ സാ​യൂ​ജ്യ​ത്തോ​ടെ സൗ​ദി അ​റേ​ബ്യ​ക്ക്​ ന​ന്ദി​യോ​തി ​ഹ​ജ്ജ്​ തീ​ർ​ഥാ​ട​ക​രു​ടെ മ​ട​ക്ക​യാ​ത്ര ആ​രം​ഭി​ച്ചു. പു​ണ്യ​ഭൂ​മി​യി​ലെ​ത്തി സു​ര​ക്ഷി​ത​വും ശാ​ന്ത​വു​മാ​യ അ​ന്ത​രീ​ക്ഷ​ത്തി​ൽ സു​ഗ​മ​മാ​യും സ​മാ​ധാ​ന​ത്തോ​ടെ​യും ഹ​ജ്ജ്​ നി​ർ​വ​ഹി​ക്കാ​നാ​യ ആ​ത്മ​നി​ർ​വൃ​തി​യി​ലാ​ണ്​ തീ​ർ​ഥാ​ട​ക​ർ സ്വ​ദേ​ശ​ങ്ങ​ളി​ലേ​ക്ക്​ മ​ട​ങ്ങു​ന്ന​ത്. രാ​ജ്യ​ത്തെ പ്ര​വേ​ശ​ന ക​വാ​ട​ങ്ങ​ൾ മ​ട​ക്ക​യാ​ത്ര​യു​ടെ തി​ര​ക്കി​ല​മ​ർ​ന്നു. യാ​ത്രാ​ന​ട​പ​ടി​ക​ൾ എ​ളു​പ്പ​മാ​ക്കാ​ൻ പ​തി​വു​പോ​ലെ ക​ര, ക​ട​ൽ, വ്യാ​മ ക​വാ​ട​ങ്ങ​ളി​ൽ വി​പു​ല സൗ​ക​ര്യ​ങ്ങ​ളാ​ണ്​ പാ​സ്​​പോ​ർ​ട്ട്​ ഡ​യ​റ​ക്​​ട​റേ​റ്റും (ജ​വാ​സ​ത്) അ​നു​ബ​ന്ധ വ​കു​പ്പു​ക​ളും ഒ​രു​ക്കി​യി​രി​ക്കു​ന്ന​ത്.

വി​വി​ധ ഭാ​ഷ​ക​ളി​ൽ പ്രാ​വീ​ണ്യം നേ​ടി​യ നി​ര​വ​ധി ഉ​ദ്യോ​ഗ​സ്ഥ​രെ സേ​വ​ന​ത്തി​നാ​യി നി​യോ​ഗി​ച്ചി​ട്ടു​ണ്ട്.​ രാ​ജ്യ​ത്തെ മു​ഴു​വ​ൻ വി​മാ​ന​ത്താ​വ​ള​ങ്ങ​ളി​ലും തു​റ​മു​ഖ​ങ്ങ​ളി​ലും ക​ര​മാ​ർ​ഗ​മു​ള്ള അ​തി​ർ​ത്തി ക​വാ​ട​ങ്ങ​ളി​ലും തീ​ർ​ഥാ​ട​ക​രു​ടെ മ​ട​ക്ക​ത്തി​നാ​യു​ള്ള എ​ല്ലാ ത​യാ​റെ​ടു​പ്പു​ക​ളും പൂ​ർ​ത്തി​യാ​ക്കി​യെ​ന്നും യാ​ത്ര സു​ഗ​മ​മാ​ക്കാ​നും എ​ല്ലാം സ​ജ്ജ​മാ​ണെ​ന്നും ജ​വാ​സ​ത്​ അ​ധി​കൃ​ത​ർ വ്യ​ക്ത​മാ​ക്കി. ആ​വ​ശ്യ​മാ​യ എ​ല്ലാ സേ​വ​ന​ങ്ങ​ളും ന​ൽ​കു​ന്ന​തി​നും ആ​ധു​നി​ക സു​ര​ക്ഷാ സം​വി​ധാ​ന​ങ്ങ​ളു​ടെ പി​ന്തു​ണ​യോ​ടെ മു​ഴു​വ​ൻ മ​നു​ഷ്യ​ശേ​ഷി​യും സാ​ങ്കേ​തി​ക​വി​ദ്യ​ക​ളും ഉ​പ​യോ​ഗ​പ്പെ​ടു​ത്തി​യ​താ​യും അ​ധി​കൃ​ത​ർ​ പ​റ​ഞ്ഞു.

സൗ​ദി​യി​ലെ​ത്തി​യ​ത് മു​ത​ൽ തി​രി​ച്ചു​പോ​കു​ന്ന​തു​വ​രെ എ​ല്ലാ ത​ല​ങ്ങ​ളി​ലും അ​നു​ഭ​വി​ച്ച സൗ​ക​ര്യ​ങ്ങ​ൾ​ക്കും സേ​വ​ന​ങ്ങ​ൾ​ക്കും ഉ​ദ്യോ​ഗ​സ്ഥ​രു​ടെ മാ​നു​ഷി​ക​വും ഉ​ദാ​ര​വു​മാ​യ പെ​രു​മാ​റ്റ​ത്തി​നും സൗ​ദി​യോ​ടു​ള്ള ന​ന്ദി​യും ക​ട​പ്പാ​ടും പ്ര​ക​ടി​പ്പി​ച്ചാ​ണ്​ പു​ണ്യ​ഭൂ​മി​യോ​ട്​ തീ​ർ​ഥാ​ട​ക​ർ വി​ട​പ​റ​യു​ന്ന​ത്. വി​ദേ​ശ​രാ​ജ്യ​ങ്ങ​ളി​ലും സൗ​ദി​ക്കു​ള്ളി​ലും നി​ന്ന്​ ആ​കെ 18,33,164 തീ​ർ​ഥാ​ട​ക​രാ​ണ്​ ഇ​ത്ത​വ​ണ ഹ​ജ്ജി​നെ​ത്തി​യ​ത്. ഇ​തി​ൽ വി​ദേ​ശ തീ​ർ​ഥാ​ട​ക​രു​ടെ എ​ണ്ണം 16,11,130 ആ​ണ്. ഇ​വ​രി​ൽ 15,46,345 തീ​ർ​ഥാ​ട​ക​ർ വി​മാ​ന​മാ​ർ​ഗ​മാ​ണ്​ പു​ണ്യ​ഭൂ​മി​യി​ലെ​ത്തി​യ​ത്. ബ​ഹു​ഭൂ​രി​പ​ക്ഷം വി​ദേ​ശ തീ​ർ​ഥാ​ട​ക​രും ജി​ദ്ദ, മ​ദീ​ന വി​മാ​ന​ത്താ​വ​ളം വ​ഴി​യാ​ണ്​ എ​ത്തി​യ​ത്. ഹ​ജ്ജ്​ ക​ഴി​ഞ്ഞ്​ ഇ​ത​ര ഗ​ൾ​ഫ്​ രാ​ജ്യ​ങ്ങ​ളി​ലെ​യും മ​റ്റ്​ അ​യ​ൽ രാ​ജ്യ​ങ്ങ​ളി​ലെ​യും തീ​ർ​ഥാ​ട​ക​ർ ചൊ​വ്വാ​ഴ്​​ച മു​ത​ൽ മ​ട​ക്ക​യാ​ത്ര ആ​രം​ഭി​ച്ചു. ജി​ദ്ദ വി​മാ​ന​ത്താ​വ​ളം വ​ഴി ഔ​ദ്യോ​ഗി​ക ഹ​ജ്ജ്​ വി​മാ​ന​ങ്ങ​ളി​ൽ തീ​ർ​ഥാ​ട​ക​രു​ടെ മ​ട​ക്ക​യാ​ത്ര വ്യാ​ഴാ​ഴ്​​ച പു​ല​ർ​ച്ച​ ആ​രം​ഭി​ച്ചു​. 3,820 വി​മാ​ന​ങ്ങ​ളി​ലാ​യി​ 10​ ല​ക്ഷം തീ​ർ​ഥാ​ട​ക​ർ ജി​ദ്ദ വി​മാ​ന​ത്താ​വ​ളം വ​ഴി സ്വ​ദേ​ശ​ങ്ങ​ളി​ലേ​ക്ക്​ മ​ട​ങ്ങു​മെ​ന്നാ​ണ്​​ റി​പ്പോ​ർ​ട്ട്.

വ​രും​ദി​വ​സ​ങ്ങ​ളി​ൽ മ​ട​ക്ക​യാ​ത്ര അ​തി​​ന്റെ മൂ​ർ​ധ​ന്യ​ത്തി​ലെ​ത്തും. മു​ഹ​ർ​റം 15 വ​രെ തീ​ർ​ഥാ​ട​ക​രു​ടെ മ​ട​ക്ക​യാ​ത്ര തു​ട​രും. വി​മാ​ന​ത്താ​വ​ള​ത്തി​ലെ തി​ര​ക്ക്​ കു​റ​ക്കാ​ൻ തീ​ർ​ഥാ​ട​ക​രെ എ​ത്തി​ക്കു​ന്ന​തി​നു​ള്ള സ​മ​യ​ക്ര​മം പാ​ലി​ക്ക​ണ​മെ​ന്നും ടി​ക്ക​റ്റ്​ ബു​ക്കി​ങ് ഉ​റ​പ്പു​വ​രു​ത്ത​ണ​മെ​ന്നും ഹ​ജ്ജ്​ സ​ർ​വി​സ്​ ഏ​ജ​ൻ​സി​ക​ളോ​ട്​ സൗ​ദി സി​വി​ൽ ഏ​വി​യേ​ഷ​ൻ അ​തോ​റി​റ്റി​യും (ഗാ​ക) ഹ​ജ്ജ്​ മ​ന്ത്രാ​ല​യ​വും​ ആ​വ​ശ്യ​പ്പെ​ട്ടി​ട്ടു​ണ്ട്.​ അ​തി​നാ​ൽ തീ​ർ​ഥാ​ട​ക​രെ നി​ശ്ചി​ത ഷെ​ഡ്യൂ​ൾ അ​നു​സ​രി​ച്ച്​ സ്വ​ദേ​ശ​ങ്ങ​ളി​ലേ​ക്ക്​ അ​യ​ക്കാ​നു​ള്ള തി​ര​ക്കി​ലാ​ണ്​ അ​ത​ത്​ രാ​ജ്യ​ങ്ങ​ളു​ടെ ഹ​ജ്ജ്​ മി​ഷ​നു​ക​ളും സ​ർ​വി​സ്​ ഏ​ജ​ൻ​സി​ക​ളും.

രാ​ജ്യ​ത്തെ മു​ഴു​വ​ൻ പ്ര​വേ​ശ​ന ക​വാ​ട​ങ്ങ​ളി​ലും മ​ട​ക്ക​യാ​ത്ര​ക്ക്​ എ​ത്തു​ന്ന എ​ല്ലാ തീ​ർ​ഥാ​ട​ക​ർ​ക്കും സ​ൽ​മാ​ൻ രാ​ജാ​വി​​ന്റെ സ​മ്മാ​ന​മാ​യി ഖു​ർ​ആ​ൻ കോ​പ്പി​ക​ൾ വി​ത​ര​ണം ചെ​യ്യു​ന്നു​ണ്ട്. ഇ​തി​നാ​യി നി​ര​വ​ധി പേ​രെ​യാ​ണ്​ മ​ത​കാ​ര്യ വ​കു​പ്പ്​ ക​വാ​ട​ങ്ങ​ളി​ൽ നി​യോ​ഗി​ച്ചി​രി​ക്കു​ന്ന​ത്. നേ​ര​ത്തെ മ​ദീ​ന സ​ന്ദ​ർ​ശം പൂ​ർ​ത്തി​യാ​ക്കാ​ത്ത​വ​ർ ഹ​ജ്ജ്​ ക​ഴി​ഞ്ഞ​തോ​ടെ അ​തി​നു​ള്ള പു​റ​പ്പാ​ടി​ലാ​ണ്. മ​ക്ക​യി​ൽ​നി​ന്ന്​ അ​വ​ർ മ​ദീ​ന​യി​ലേ​ക്ക്​ പു​റ​പ്പെ​ട്ടു​തു​ട​ങ്ങി​. മ​സ്​​ജി​ദു​ന്ന​ബ​വി​യും റൗ​ദാ ശ​രീ​ഫും ഖു​ബാ​അ്​ മ​സ്​​ജി​ദും ഇ​ത​ര ച​രി​ത്ര​സ്ഥ​ല​ങ്ങ​ളും സ​ന്ദ​ർ​ശി​ച്ച ശേ​ഷ​മാ​യി​രി​ക്കും അ​വ​ർ സ്വ​ദേ​ശ​ങ്ങ​​ളി​ലേ​ക്ക്​ തി​രി​ക്കു​ക. ചി​ല രാ​ജ്യ​ങ്ങ​ളി​ലെ തീ​ർ​ഥാ​ട​ക​രു​ടെ മ​ട​ക്ക​യാ​ത്ര മ​ദീ​ന വി​മാ​ന​ത്താ​വ​ളം വ​ഴി​യാ​ണ്​ ​​ഷെ​ഡ്യൂ​ൾ ചെ​യ്​​തി​രി​ക്കു​ന്ന​ത്.