മക്ക: ഇതുവരെ സൗദിയിലെത്തിയ വിദേശഹാജിമാരുടെ എണ്ണം പത്ത് ലക്ഷം കവിഞ്ഞു. ഇന്ത്യൻ ഹാജിമാരുടെ എണ്ണം 1,30,000 ആണ്. ഇതില്‍ 1,01,112 ഹാജിമാർ ഇന്ത്യൻ ഹജ്ജ് മിഷന് കീഴിൽ എത്തിയതാണ്. ഇൗ മാസം 16നാണ് കൊച്ചിയിൽ നിന്നുള്ള അവസാന വിമാനം.
ഹജ്ജ് മിഷന് കീഴിലെത്തിയ ഹാജിമാരുടെ മദീന സന്ദർശനം ഇതിനികം അവസാനിച്ചു കഴിഞ്ഞു. ജിദ്ദയിലേക്ക് വന്ന തീർഥാടകർ ഹജ്ജിന് ശേഷമായിരിക്കും മദീന സന്ദർശിക്കുക. സ്വകാര്യ ഗ്രൂപ്പുകളിൽ എത്തിയ ഹാജിമാരുടെ മദീന സന്ദർശനം പുരോഗമിക്കുകയാണ്. 19 ഇന്ത്യൻ ഹാജിമാരാണ് മക്കയിലും മദീനയിലുമായി മരണപ്പെട്ടത്. ഹാജിമാരുടെ തിരക്കു വർധിച്ചതോടെ പുണ്യ ഭൂമികളിലെ സുരക്ഷ ശക്തമാക്കി. ഹജ്ജ് ചടങ്ങുകള്‍ നടക്കുന്ന സ്ഥലങ്ങളില്‍ പ്രത്യേക പട്രോളിങ് ആരംഭിച്ചിട്ടുണ്ട്. മക്കയിലെ പ്രവേശന കവാടങ്ങളില്‍ ഊർജിതമായ പരിശോധന തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.