റാം മിലൻ റോഷൻ ലാൽ
ജുബൈൽ: ഉത്തർ പ്രദേശ് സ്വദേശി ജുബൈലിൽ മാലിന്യ സംഭരണിയിൽ വീണ് മരിച്ചു. കൗശംബി സ്വദേശി റാം മിലൻ റോഷൻ ലാൽ (38) ആണ് മരിച്ചത്. ചൊവ്വാഴ്ച രാവിലെ 10ന് ജുബൈൽ മാളിന് പിന്നിലുള്ള മലിനജല പ്ലാന്റിലായിരുന്നു സംഭവം. അറ്റകുറ്റപ്പണിക്ക് മാൻ ഹോളിൽ ഇറങ്ങിയ റാം മിലൻ ഉള്ളിൽ വഴുതി വീഴുകയായിരുന്നു.
സഹപ്രവർത്തകർ അറിയിച്ചതനുസരിച്ച് പൊലീസും അഗ്നിരക്ഷ സേനയും കമ്പനി അധികൃതരും ചേർന്ന് വെള്ളം വറ്റിച്ച ശേഷമാണ് മൃതദേഹം പുറത്തെടുത്തത്. ഏഴുവർഷമായി റാം മിലൻ നാട്ടിൽ പോയിട്ടില്ല. മൃതദേഹം ജുബൈൽ റോയൽ കമീഷൻ ആശുപത്രി മോർച്ചറിയിൽ സൂക്ഷിച്ചിരിക്കുകയാണെന്ന് പ്രവാസി വെൽഫെയർ ജനസേവന വിഭാഗം കൺവീനർ സലിം ആലപ്പുഴ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.