സ്വദേശിവത്​കരണം; ഇൗ വർഷം രണ്ട്​ ലക്ഷത്തിലേറെ തൊഴിലുകൾ കൂടി ​

ജിദ്ദ: ഇൗ വർഷം രണ്ട്​ ലക്ഷത്തിലേറെ തൊഴിലുകൾ കൂടി സ്വദേശികൾക്ക്​ വേണ്ടി കണ്ടെത്തുമെന്ന്​ ​സൗദി മാനവ വിഭവശേഷി, സാമൂഹിക വികസന മന്ത്രാലയം.

സ്വദേശിവത്​കരണ പദ്ധതിയിലൂടെ ഈ വർഷം 2,13,000 ത്തിലധികം തൊഴിൽ അവസരങ്ങളാണ്​ ലക്ഷ്യമിടുന്നതെന്ന്​ വകുപ്പ്​ മന്ത്രി എൻജി. അഹമദ് ബിൻ സുലൈമാൻ അൽറാജിഹി പറഞ്ഞു. അൽജൗഫ്​ മേഖലയിലെ വ്യാപാരികളുമായും ചേംബർ ഓഫ് കൊമേഴ്സ് അംഗങ്ങളുമായും നടത്തിയ കൂടിക്കാഴ്​ചക്കിടയിലാണ് മരന്തി​ ഇക്കാര്യം വ്യക്തമാക്കിയത്​. നിരവധി മന്ത്രാലയ ഉദ്യോഗസ്ഥരുടെയും സ്വകാര്യ മേഖലയിലെ പ്രതിനിധികളുടെയും സാന്നിധ്യത്തിലാണ്​ കൂടിക്കാഴ്​ച നടന്നത്​. തൊഴിൽ വിപണിയുമായി ബന്ധപ്പെട്ട വിഷയങ്ങളിൽ തീരുമാനമെടുക്കുന്നത്​ സൗദി കൗൺസിൽ ഒാഫ്​ ചേ​ംബേഴ്​സുമായി സഹകരിച്ചാണെന്ന്​ മന്ത്രി വ്യക്തമാക്കി. ഇത് തൊഴിൽ രംഗത്ത്​ ഗുണമേന്മയും സമഗ്രതയും ഉറപ്പാക്കുന്നു. ബിസിനസ്​ ത്വരിതപ്പെടുത്തുന്നതി​െൻറയും സേവനങ്ങളുടെ ഗുണനിലവാരം ഉയർത്തുന്നതി​െൻറയും പ്രാധാന്യം മന്ത്രാലയം മനസിലാക്കുന്നു.

സമ്പൂർണ ഡിജിറ്റൽ പരിവർത്തനത്തിലേക്കുള്ള പ്രയാണത്തിലാണ് മ​ന്ത്രാലയം​. തൊഴിൽ കാര്യ ഒാഫീസ്​​ ഇലക്​ട്രോണിക്​ പ്ലാറ്റ്​ഫോമിലൂടെ നിലവിൽ പ്രതിദിനം 21,000 ത്തിലധികം ജോലികൾ നടക്കുന്നു. നേരത്തെ ഇത്​ 700 ആയിരുന്നു. അതാണിപ്പോൾ വർധിച്ച്​ ഇത്രയുമെത്തിയിരിക്കുന്നത്​.

വിഷൻ 2030​െൻറ വെളിച്ചത്തിൽ തൊഴിൽ വിപണിയുടെ ഭാവി മുൻകൂട്ടി കാണാനും പുതിയ തൊഴിൽ രീതികളിൽ മാറ്റങ്ങൾ വരുത്താനും മന്ത്രാലയം പ്രവർത്തിക്കുന്നുണ്ട്​. ഫ്യൂച്ചർ വർക്ക് കമ്പനി ഉണ്ടാക്കി സ്വതന്ത്ര പ്ലാറ്റ്ഫോം ആരംഭിച്ചു. എട്ട്​ ലക്ഷത്തിലധികം സ്വയം തൊഴിൽ രേഖകൾ നൽകി.

വിദൂര തൊഴിൽ അവസരങ്ങൾ ധാരാളം ഉണ്ടാക്കി. വിദൂര തൊഴിൽ പ്ലാറ്റ്‌ഫോമിലൂടെ 52,000 ത്തിലധികം പുരുഷന്മാർക്കും സ്ത്രീകൾക്കും പ്രയോജനം ലഭിച്ചതായും മാനവ വിഭവശേഷി മന്ത്രി പറഞ്ഞു. സ്വകാര്യമേഖലക്ക്​ നിതാഖാത്ത്​ കൈകാര്യം ചെയ്യൽ സുഗമമാക്കുന്നതിന്​ ജീവനക്കാരുടെ എണ്ണത്തെ ആശ്രയിക്കുന്ന ഒരു സമവാക്യത്തിലേക്ക് സ്വദേശിവത്​കരണ അനുപാതങ്ങളെ ബന്ധിപ്പിച്ചിട്ടുണ്ട്​​.

ദേശീയ തൊഴിൽ വിപണിയിൽ സ്വദേശികളുടെ പങ്കാളിത്തം വർധിപ്പിക്കുന്നതിനാണിതെന്നും മന്ത്രി പറഞ്ഞു. നിലവിൽ തൊഴിൽ ഓഫീസുകളിലൂടെ മുമ്പ് 700 ഓപ്പറേഷനുകളുമായി താരതമ്യപ്പെടുത്തുമ്പോൾ, പ്രതിദിനം 21 ആയിരത്തിലധികം പ്രവർത്തനങ്ങൾ ഇലക്ട്രോണിക് പ്ലാറ്റ്ഫോമുകളിൽ നടക്കുന്നു.