സൗദി വിദേശകാര്യ മന്ത്രി അമീർ ഫൈസൽ ബിൻ ഹർഹാനെ ഖത്തർ അമീർ ശൈഖ് തമീം ബിൻ ഹമദ് ആൽഥാനി
സ്വീകരിച്ചപ്പോൾ
ജിദ്ദ: സൗദി അറേബ്യ സന്ദർശിക്കുന്നതിന് ഖത്തർ അമീർ ശൈഖ് തമീം ബിൻ ഹമദ് ആൽഥാനിക്ക് സൽമാൻ രാജാവിെൻറ ക്ഷണം. ഖത്തർ സന്ദർശന വേളയിൽ സൗദി വിദേശകാര്യ മന്ത്രി അമീർ ഫൈസൽ ബിൻ ഫർഹാനാണ് സൽമാൻ രാജാവിെൻറ ക്ഷണം ഖത്തർ അമീറിന് കൈമാറിയത്.
ഖത്തർ അമീറിനും ജനതക്കും കൂടുതൽ അഭിവൃദ്ധിയും പുരോഗതിയും നേർന്നുള്ള സൽമാൻ രാജാവിെൻറയും കിരീടാവകാശി അമീർ മുഹമ്മദ് ബിൻ സൽമാെൻറ ആശംസകൾ വിദേശകാര്യ മന്ത്രി കൈമാറി. ദോഹയിലെ ബഹ്ർ കൊട്ടാരത്തിലാണ് ഖത്തർ അമീർ സൗദി വിദേശകാര്യ മന്ത്രിയെ സ്വീകരിച്ചത്. സ്വീകരണത്തിനിടയിൽ ഖത്തർ അമീർ സൽമാൻ രാജാവിനും കിരീടാവകാശിക്കും ക്ഷേമാരോഗ്യങ്ങൾ നേരുകയും ജനങ്ങൾക്ക് കൂടുതൽ പുരോഗതിയും സമൃദ്ധിയുമുണ്ടാകെട്ടയെന്ന് ആശംസിക്കുകയും ചെയ്തു. ഇരു രാജ്യങ്ങൾക്കിടയിലെ ഉഭയകക്ഷി ബന്ധവും പ്രാദേശിക, അന്തർദേശീയ സംഭവവികാസങ്ങളും ഇരുവരും ചർച്ച ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.