ജിദ്ദ: ലോകകപ്പ് ഫുട്ബാളില്‍ വിശ്വകിരീടം സ്വന്തമാക്കിയ അര്‍ജന്റീനയുടെ വിജയത്തെ വിപുലമായി ആഘോഷിക്കാനായി ജിദ്ദയിലെ അർജന്റീന ആരാധകരുടെ ഒത്തുകൂടൽ നാളെ നടക്കും. മലയാളികളുടെ സംഗമ കേന്ദ്രമായ ശറഫിയയിലാണ് വിജയാഘോഷ പരിപാടികള്‍ നടക്കുക. രാത്രി ഒമ്പതിന് ശറഫിയ ഹോട്ടല്‍ ഓഡിറ്റോറിയത്തില്‍ നടക്കുന്ന പരിപാടിയിൽ സൗദി കായിക മന്ത്രാലയം ഉദ്യോഗസ്ഥർ മുഖ്യാതിഥികളായി പങ്കെടുക്കുമെന്ന് സംഘാടകർ അറിയിച്ചു.
ലോകകപ്പ് വിജയത്തിന്റെ അസുലഭ മുഹൂർത്തങ്ങൾ, അര്‍ജന്‍റീന ഫുട്ബാള്‍ നാള്‍വഴികൾ, ലയണൽ മെസ്സിയും കൂട്ടരും ലോകകപ്പ് സ്വീകരിച്ചു നടത്തിയ ആഹ്ളാദ തിമിർപ്പിന്റെ റിക്രിയേഷൻ തുടങ്ങിയവയുടെ ബിഗ് സ്ക്രീൻ പ്രദർശനങ്ങൾ, ഒരു മീറ്റർ നീളമുള്ള കേക്ക് കട്ടിംങ്‌, പായസ, ബിരിയാണി വിതരണം, ഡി.ജെ, സംഗീത വിരുന്ന് തുടങ്ങിയവ ആഘോഷപരിപാടിയിൽ ഒരുക്കിയിട്ടുണ്ട്.
ജിദ്ദയിലും പരിസര പ്രദേശങ്ങളിലുമുള്ള നൂറുകണക്കിന് ആരാധകര്‍ പരിപാടിയില്‍ പങ്കെടുക്കുമെന്ന് ജിദ്ദ അര്‍ജന്‍റീന ഫാന്‍സ് അസോസിയേഷന്‍ ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.