ജിദ്ദ കെ.എം.സി.സി പെരിന്തൽമണ്ണ മണ്ഡലം കമ്മിറ്റി തായ്‌ലൻഡ് കെ.എം.സി.സി പ്രസിഡന്റ്പി .സി. കുഞ്ഞാന് സ്വീകരണം നൽകിയപ്പോൾ
ജിദ്ദ: ജിദ്ദ കെ.എം.സി.സി പെരിന്തൽമണ്ണ മണ്ഡലം കമ്മിറ്റി തായ്‌ലൻഡ് കെ.എം.സി.സി പ്രസിഡന്റും പെരിന്തൽമണ്ണ മണ്ഡലം ഗ്ലോബൽ കെ.എം.സി.സി വൈസ് പ്രസിഡന്റുമായ പി.സി. കുഞ്ഞാന് സ്വീകരണം നൽകി. ശറഫിയ മണ്ഡലം കെ.എം.സി.സി ഓഫിസിൽ നടന്ന പരിപാടി എസ്.ഐ.സി സൗദി നാഷനൽ കമ്മിറ്റി പ്രസിഡന്റ് സയ്യിദ് ഉബൈദുല്ല തങ്ങൾ ഉദ്ഘാടനം ചെയ്തു. മൂന്ന് പതിറ്റാണ്ട് കാലത്തെ പ്രവാസം മതിയാക്കി നാട്ടിലേക്ക് മടങ്ങുന്ന മണ്ഡലം കെ.എം.സി.സി വൈസ് പ്രസിഡന്റ് മേലാറ്റൂർ കെ.എം.സിസി ചെയർമാനുമായ മുഹമ്മദലിക്ക് ചടങ്ങിൽ യാത്രയയപ്പും നൽകി. മുസ്തഫ കോഴിശീരി അധ്യക്ഷത വഹിച്ചു. സെൻട്രൽ കമ്മിറ്റി സെക്രട്ടറി അബൂബക്കർ അരിമ്പ്ര മുഖ്യ പ്രഭാഷണം നിർവഹിച്ചു. കുഞ്ഞാൻ സാഹിബിനും മുഹമ്മദലി സാഹിബിനും മണ്ഡലം കമ്മിറ്റിയുടെ ഉപഹാരങ്ങൾ ഉബൈദുല്ല തങ്ങൾ കൈമാറി. ജില്ല കെ.എം.സി.സി വൈസ് പ്രസിഡന്റ് ഇല്യാസ് കല്ലിങ്ങൽ, സെൻട്രൽ കമ്മിറ്റി നേതാവ് റസാക്ക് മാസ്റ്റർ, മുഹമ്മദലി മുസ്‍ലിയാർ, ബാബു വൈശ്യർ തുടങ്ങിയവർ ചടങ്ങിന് ആശംസകളർപ്പിച്ച് സംസാരിച്ചു. മണ്ഡലം ആക്ടിങ് സെക്രട്ടറി ഇഖ്ബാൽ മേലാറ്റൂർ സ്വാഗതവും ട്രഷറർ മണി പെരിന്തൽമണ്ണ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.