ബുറൈദയിൽ സംഘടിപ്പിച്ച ഖസീം പ്രവാസി സംഘം സീതാറാം യെച്ചൂരി അനുശോചനം
ബുറൈദ: സി.പി.എം ജനറൽ സെക്രട്ടറിയും മുൻ രാജ്യസഭ അംഗവുമായ സീതാറാം യെച്ചൂരിയുടെ വിയോഗത്തിൽ ഖസീം പ്രവാസി സംഘം അനുശോചനയോഗം സംഘടിപ്പിച്ചു. ബുറൈദ സെയിൻ ഓഡിറ്റോറിയത്തിൽ നടന്ന പരിപാടിയിൽ ഖസീം പ്രവാസി സംഘം മുഖ്യ രക്ഷാധികാരി ഷാജി വയനാട് അധ്യക്ഷത വഹിച്ചു. ട്രഷറർ റഷീദ് മൊയ്തീൻ അനുശോചനക്കുറിപ്പ് അവതരിപ്പിച്ചു.
ഇന്ത്യൻ രാഷ്ട്രീയ, സാമൂഹിക സാഹചര്യങ്ങളെ ജനകീയ മുന്നേറ്റങ്ങൾക്കായി ഉപയോഗപ്പെടുത്തിയ നേതാവായിരുന്നു യെച്ചൂരി എന്ന് അനുശോചനയോഗത്തിൽ പങ്കെടുത്തവർ അഭിപ്രായപ്പെട്ടു.
രക്ഷാധികാരി സമിതി അംഗം പർവേസ് തലശ്ശേരി, പ്രസിഡൻറ് നിഷാദ് പാലക്കാട്, കെ.എം.സി.സി പ്രതിനിധി അനീസ് ചുഴലി, ഒ.ഐ.സി.സി പ്രതിനിധി പ്രമോദ് കുര്യൻ, ഐ.സി.എഫ് പ്രതിനിധി ഷിഹാബ് തുടങ്ങിയവർ സംസാരിച്ചു. ജനറൽ സെക്രട്ടറി ഉണ്ണി കണിയാപുരം സ്വാഗതവും രക്ഷാധികാരി സമതി അംഗം മനാഫ് ചെറുവട്ടൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.