അൽഖോബാർ: കോവിഡ് മഹാമാരിയിൽ മാർച്ച് രണ്ടാമത്തെ ആഴ്ച മുതൽ അൽഖോബാർ കെ.എം.സി.സി കേന്ദ്ര കമ്മിറ്റി നടത്തിയ ഭക്ഷ്യ, മരുന്ന് വിതരണം ഉൾപ്പെടെയുള്ള ജീവകാരുണ്യ പ്രവർത്തനങ്ങളിൽ സഹകരിച്ച വ്യാപാര സ്ഥാപനങ്ങളെ ആദരിച്ചു.കേരള മുൻ മുഖ്യമന്ത്രി സി.എച്ച്. മുഹമ്മദ് കോയ അനുസ്മരണ പരിപാടിയോടനുബന്ധിച്ച് നടത്തിയ ചടങ്ങിൽ അബ്ദുൽ ബഷീർ (ലുലു ഹൈപ്പർമാർക്കറ്റ്), സഹദ് നീലിയത്ത് (നെസ്റ്റോ ഹൈപ്പർമാർക്കറ്റ്), അബ്ദുസ്സലാം ഹാജി കുറ്റിക്കാട്ടൂർ (കബായാൻ ഗ്രൂപ്) എന്നിവർക്ക് കെ.എം.സി.സി കിഴക്കൻ പ്രവിശ്യ പ്രസിഡൻറ് മുഹമ്മദ് കുട്ടി കോഡൂർ ഉപഹാരം സമ്മാനിച്ചു.
കോവിഡ് പ്രതിസന്ധിയിൽ കെ.എം.സി.സി പ്രവർത്തകരുടെ പ്രവർത്തനം മാതൃകപരമായിരുന്നുവെന്ന് അബ്ദുൽ ബഷീർ, സഹദ് നീലിയത്ത് എന്നിവർ അഭിപ്രായപ്പെട്ടു. സിദ്ദീഖ് പാണ്ടികശാല അധ്യക്ഷത വഹിച്ചു.ആലിക്കുട്ടി ഒളവട്ടൂർ, സുബൈർ ഉദിനൂർ, സാജിദ് ആറാട്ടുപുഴ, മുജീബ് കളത്തിൽ, സുലൈമാൻ കൂലേരി, ഖാദി മുഹമ്മദ്, മുസ്തഫ കമാൽ, അബ്ദുൽ മജീദ് കൊടുവള്ളി എന്നിവർ സംസാരിച്ചു. ജനറൽ സെക്രട്ടറി സിറാജ് ആലുവ സ്വാഗതവും നജീബ് ചീക്കിലോട് നന്ദിയും പറഞ്ഞു.ഇഖ്ബാൽ ആനമങ്ങാട്, ഫൈസൽ കൊടുമ, ഹബീബ് പൊയിൽ തൊടി, ആസിഫ് മേലങ്ങാടി, മൊയ്തുണ്ണി പാലപ്പെട്ടി, ജുനൈദ് കാഞ്ഞങ്ങാട്, അബ്ദുൽ നാസർ ദാരിമി, അൻവർ ശാഫി വളാഞ്ചേരി, ലുബൈദ് ഒളവണ്ണ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.