റാസല്‍ ഖൈമയിലേക്ക് ജോലിസ്ഥലം മാറിപ്പോകുന്ന ഷഫീഖ് സലീമിന് ദമ്മാം കെ.എം.സി.സി എറണാകുളം ജില്ല കമ്മിറ്റിയുടെ ഉപഹാരം ഭാരവാഹികള്‍ സമ്മാനിക്കുന്നു
ദമ്മാം: സൗദി കിഴക്കന്‍ പ്രവിശ്യയില്‍നിന്നും യു.എ.ഇയിലെ റാസല്‍ ഖൈമയിലേക്ക് ജോലിസ്ഥലം മാറിപ്പോകുന്ന ദമ്മാം കെ.എം.സി.സി എറണാകുളം ജില്ല ജനറല്‍ സെക്രട്ടറി ഷഫീഖ് സലിം ഇലഞ്ഞിക്കായിലിന് കമ്മിറ്റി യാത്രയയപ്പ് നല്‍കി. ആലുവ ടൗണ്‍ സ്വദേശി മുസ്ലിം ലീഗ് മുന്‍ ജില്ല വൈസ് പ്രസിഡൻറ് എ.കെ. സലീമിെൻറ മകനായ ഷഫീഖ് 2013 മുതല്‍ കിഴക്കന്‍ പ്രവിശ്യയിലെ വ്യവസായ നഗരമായ ജുബൈലില്‍ കെമനോള്‍ പെട്രോകെമിക്കല്‍ കമ്പനിയിലെ ഫിനാന്‍സ് വിഭാഗത്തില്‍ ചാര്‍ട്ടേഡ് അക്കൗണ്ടൻറായി ജോലി ചെയ്യുന്നു. മത-സാമൂഹിക രംഗത്തെ സജീവ സാന്നിധ്യമായിരുന്ന ഷഫീഖിന് ജില്ല കെ.എം.സി.സിയുടെ ഉപഹാരം പ്രസിഡൻറ് സ്വാദിഖ് ഖാദര്‍ സമ്മാനിച്ചു. യാത്രയയപ്പ് സംഗമം മുസ്ലിം ലീഗ് എറണാകുളം ജില്ല വൈസ് പ്രസിഡൻറ് ഇബ്രാഹിം കവലയില്‍ ഉദ്ഘാടനം ചെയ്തു. ചെയര്‍മാന്‍ സി.പി. മുഹമ്മദ് ഓടക്കാലി അൽഖോബാര് കേന്ദ്ര കമ്മിറ്റി ജനറല്‍ സെക്രട്ടറി സിറാജ് ആലുവ, അലിയാര്‍ വടാട്ട്പാറ, അബ്ദുല്‍ ഹമീദ് കുട്ടമശ്ശേരി, സലാം കുഴിവേലിപ്പടി, റജീഷ് ആശമന്നൂര്‍, അബ്ദുറഹീം വെങ്ങോല എന്നിവര്‍ സംസാരിച്ചു. ജനറല്‍ സെക്രട്ടറി ശിഹാജ് കവലയില്‍ സ്വാഗതവും ട്രഷറര്‍ സനൂബ് സുബൈര്‍ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.