ഷബീർ
റിയാദ്: സൗദിയിൽ മലയാളി കോവിഡ് ബാധിച്ച് മരിച്ചു. തിരുവനന്തപുരം വള്ളക്കടവ് സ്വദേശി വയലിൽ വീട്ടിൽ ഷബീറാണ് (40) ഹഫർ അൽബാത്വിനിൽ മരിച്ചത്. രണ്ടാഴ്ചയായി ഹഫർ കിങ് ഖാലിദ് ജനറൽ ആശുപത്രിയിൽ ചികിത്സയിലായിരുന്നു.
നാട്ടിൽ അവധിക്ക് പോകാൻ തയാറാറെടുക്കുന്ന സമയത്താണ് അസുഖ ബാധിതനായി ആശുപത്രിയിൽ പ്രവേശിപ്പിക്കപ്പെട്ടത്. 10 വർഷമായി ഹഫറിൽ ബഖാല ജീവനക്കാരനാണ്. മൂന്നു വർഷം മുമ്പാണ് അവസാനമായി നാട്ടിൽ പോയിവന്നത്.
മാതാവ്: ആരിഫാ ബീവി. ഭാര്യ: മദീന ബീവി, മകൾ: ഫസ്ന. കിങ് ഖാലിദ് ജനറൽ ആശുപത്രി മോർച്ചറിയിൽ സൂക്ഷിച്ച മൃതദേഹം ഹഫറിൽ ഖബറടക്കാനുള്ള നിയമനടപടി പൂർത്തിയാക്കാൻ ഇന്ത്യൻ സോഷ്യൽ ഫോറം പ്രവർത്തകരായ നൗഷാദ് കൊല്ലം, ഷിനുഖാൻ പന്തളം എന്നിവർ രംഗത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.