യാംബു: മീഡിയവൺ ‘മബ്റൂഖ് ഗൾഫ് ടോപ്പേഴ്സ്’ യാംബു എഡിഷൻ പുരസ്‌കാര വിതരണം നവംബർ 29ന് വൈകീട്ട് ആറിന് യാംബു റോയൽ കമീഷനിലെ റദ്വ ഇന്റർനാഷനൽ സ്‌കൂളിൽ നടക്കും. റിയാദ്, ദമ്മാം, ജിദ്ദ എന്നീ നഗരങ്ങളിലെ പരിപാടികൾക്ക് ശേഷമാണ് യാംബുവിലെ പുരസ്‌കാര വിതരണം നടക്കുന്നത്.
പത്ത്, പന്ത്രണ്ട് ക്ലാസുകളിൽ ഉയർന്ന മാർക്ക് നേടിയ വിദ്യാർഥികളെയാണ് ‘മബ്റൂഖ് ഗൾഫ് ടോപ്പേഴ്സ്’ പരിപാടിയിൽ ആദരിക്കുന്നത്. പരിപാടിയിൽ യാംബുവിലെ വിവിധ ഇന്റർനാഷനൽ സ്‌കൂളുകളിൽനിന്ന് മികച്ച വിജയം നേടിയ വിദ്യാർഥികൾക്കുള്ള മെഡലുകൾ വിതരണം ചെയ്യുമെന്ന് ‘മബ്റൂഖ് ഗൾഫ് ടോപ്പേഴ്സ്’ യാംബു ജനറൽ കൺവീനർ ശരീഫ് മുക്കം അറിയിച്ചു.
വിവിധ സ്കൂളുകളിലെ വിദ്യാർഥികൾ, അധ്യാപകർ, രക്ഷിതാക്കൾ, വിവിധ സംഘടന നേതാക്കൾ, ഇന്ത്യക്കാരായ മറ്റു പ്രവാസികൾ തുടങ്ങിയവർ ചടങ്ങിൽ പങ്കെടുക്കും. ‘സിജി’ ഇന്റർനാഷനൽ വൈസ് ചെയർമാനും, യാംബു ഇൻഡസ്ട്രിയൽ കോളജ് ഇലക്ട്രോണിക്സ് ഡിപ്പാർട്മെന്റ് ഫാക്വൽറ്റിയിലെ ലെക്ചററുമായ നൗഷാദ് വി. മുസയുടെ ‘എജു ടോക്ക്’ പരിപാടിയും, സ്കൂൾ വിദ്യാർഥികളും,‘മലർവാടി’ ബാലസംഘം കുരുന്നുകളും അവതരിപ്പിക്കുന്ന വിവിധ കലാപരിപാടികളും ചടങ്ങിൽ അരങ്ങേറും. യാംബുവിലെ വ്യാപാരസ്ഥാപനങ്ങളായ നെസ്മ ഗോൾഡ് സൂപ്പർമാർക്കറ്റ്, എൻകംഫോർട്ട് കാറ്ററിങ്, ബ്യൂണോ മൂറൂജ് റസ്റ്റാറന്റ്, ക്രിയേറ്റിവ് ഗ്രാഫിക്സ് എന്നിവരും മീഡിയവണ്ണിന്റെ മബ്റൂഖ് ഗൾഫ് ടോപ്പേഴ്സ് പരിപാടിയുമായി സഹകരിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.